EZEKELA 19:14 - Jinghpaw Common Language Bible 2009

¹⁴ Sabyi ru madung hta wan hkru nna; wan gaw de a lakung lakying ni hte asi hpe hkru kau nga ai. Lakung lakying ni gaw galoi mung n-gun bai rawng wa na n rai, galoi mung hkawhkam dawhkrawng ni tai na ra ai n rai. Ndai gaw yawn hkyen mahkawn rai nga ai; ndai hpe lang mi hte lang mi mahkawn mangoi wa sai.

Jinghpaw Hanson Version Bible

¹⁴ De a lakung lakying na dawhkrawng langai mi hta na wan pru nna, de a asi hpe hkru kau wu ai; hkawhkam sumdoi tai na matu, ngang ai dawhkrawng langai mi ya n nga sai law. Dai gaw sharung shayawt ai ga rai nga nna, sharung shayawt na matu tai na ra ai.”

EZEKELA 19:14 ပူးပေါင်းရင်းမြစ်များ

NINGPAWT NINGHPANG 49:10

Yuda gaw hkawhkam sumdoi lang lu na ra ai, Shi a amyu matu ni tut nawng a up nga na mara ai. Amyu baw ni shi hpe shagrau kumhpa jaw ai hte Shi a man e madat mara let gum dagup na mara ai.

2 HKAWHKAM 24:20

Dai Madu gaw Yerusalem mare hte Yuda amyu masha ni hpe pawt sindawng wu ai majaw shanhte hpe shi a man kaw nna gawt shapraw kau wu ai.

2 HKAWHKAM LABAU 36:13

Zedekia gaw Karai Kasang a mying ningsang hta shi hpe dagam nna sadi dung shangun ai Hkawhkam Nebuhkadneza hpe gumlau wu ai. Shi gaw myit malai lu nna dai Madu Israela a Karai Kasang hpang de kayin wa na matu ja ja ningdang wu ai.

NEHEMIA 9:37

Anhte yubak galaw shut kau saga ai majaw anhte hpe nang up shangun ai hkawhkam ni mahtang mungdan kaw na shapraw ai sut rai lu la nga ma ai. Shanhte gaw anhte hte anhte a yam nga hpung ni hpe shanhte myit ra ai hku galaw ma ai, anhte gaw ja ja yawn hkyen ai hkrum shajang saga hka!”

SHAKAWN KUNGDAWN 110:2

Madu gaw na a hkawhkam daru magam arawng sadang hpe Ziun kaw nna shara shagu de, maden dat na ra ai. Shi gaw nang hpe, “Na a gumlau hpyen ni a ntsa e, up hkang nga u,” nga nna tsun nga ai.

SHAKAWN KUNGDAWN 79:7

Shanhte gaw na a amyu masha ni hpe sat kau ma ai, na a mungdan hpe mung, shanhte jahten sharun kau manu ai.

YEREMIA 38:23

Dai hpang, ngai gaw, “Na a numsha ni hte kashu kasha ni yawng gaw Babelon masha ni hpang de woi la hkrum na mara ai; nang nan mung shanhte a lata kaw na lawt lu na ra ai n rai. Nang gaw Babelon hkawhkam a lata de bawng dung hkrum na ndai, ndai mare gaw wan dap byin mat hkra hkru mat na ra ai,” ngu nna kahtap tsun wu ai.

YEREMIA 52:3

Dai Madu gaw Yerusalem hte Yuda amyu masha ni hpe pawt sindawng wu ai majaw shanhte hpe shi a myi man kaw na gawt shapraw kau wu ai. Zedekia gaw Babelon Hkawhkam Nebuhkadneza hpe gumlau wu ai,

SHARUNG SHAYAWT 4:20

Shanhte gaw dai Madu lata san da sai anhte a asak hka hpawk rai nga ai, Anhte hpe shang gasat ai hpyen shagu a lata kaw na anhte hpe makawp maga la na matu, anhte kam hpa nga ai dai hkawhkam wa hpe mung rim la ma ai.

EZEKELA 15:4

Dai gaw wan a matu ju hpun shatai na matu sha kaja nga ai. Matu e hkru mat nna, ka-ang e wan nsa hte chyang nga ai shaloi, dai n lawm ai sha, arai lama ma hpe nang galaw lu n ni?

EZEKELA 17:10

Rai sa, dai hpe hkai da sai, rai ti mung, dai gaw hkrung nna tu kaba wa na rai ni? Sinpraw nbung gaw dai hpe ahpawt kau ai shaloi, dai gaw nyip mat wa na n rai ni? Dai gaw shi tu kaba wa ai shara hta nyip mat wa na ra ai n rai ni?”

EZEKELA 19:1

Dai Madu gaw Israela hkawhkam kasha lahkawng a matu ndai yawn hkyen mahkawn mangoi mahkawn na matu ngai hpe tsun wu ai:

EZEKELA 19:11

De a lakung lakying ni gaw n-gun ja ai hte hkawhkam sumdoi ni galaw na matu tu hkrawn nga ai. Dai sabyi ru gaw sumwi ni hpe dep lu hkra, tu galu nga ai; masha shagu gaw kaning rai alap tsit lali nga ai hte kade daram galu tu nga ai hpe mu ma ai.

EZEKELA 20:47

Dai Tsaw Htum ai Madu kaning nga tsun ai mungga hpe na la na matu dingda maga de na maling hpe htawn tsun u: Yu u, ngai gaw wan shachyi dat na nngai; dai wan gaw nang hta tu ai tsit lali ai hte hkun hkraw mat ai hpun shagu hte hpe hkru kau na ra ai. Dai wan hpe hpa hte mung sat shangap kau lu na ra ai n rai, dai wan gaw dingda maga kaw nna dingdung maga de du hkra hkru mat wa nna masha shagu gaw kang kahtet ai wan numli ni hpe hkam sha na mara ai.

EZEKELA 20:48

Dai Madu ngai nan dai wan hpe shachyi ai hte dai wan hpe kadai mung n sat shangap lu ai lam, shanhte yawng mu lu na mara ai,” ngu nna shi tsun wu ai.

EZEKELA 26:17

Shanhte gaw na a matu ndai makoi mayang mahkawn hkawn na mara ai: Gumhkawng ai mare gaw hten byak mat sahka! Shi a sanghpaw li ni panglai hka kaw nna yawng mat wa nga masai. Ndai mare masha ni gaw panglai ni hpe up ma ai, Hkin-gau mayan hku nga ai masha ni yawng hkrit gari nga ma ai.

HOSEA 10:3

Ndai amyu masha ni gaw kade n na yang, “Dai Madu hpe anhte n hkrit hkungga ga ai majaw anhte hkawhkam n lu ga ai. Rai ti mung, hkawhkam dai anhte a matu hpa wa mi galaw ya lu na rai ta?,” ngu nna tsun na mara ai.

HOSEA 3:4

Ndai lam zawn, Israela amyu masha ni gaw aten na na wa hkawhkam ni n lu, ningbaw ni mi n nga, shagu hkungga mi n nawng, chyoi pra ai nlung shadaw ni kata, hpara sumla mi n nga, shaba wawt yang lang na hkrang sumla ni n lu ai, nga nga na mara ai.

AMO LAIKA (AMOS) 9:11

Dai Madu gaw, “Ngai gaw daw hten mat ai nta langai zawn rai nga ai Dawi a mungdan hpe bai gaw gap da ai shaloi dai nhtoi du wa na ra ai. Ngai gaw de a bunghku ni hpe bai lajang ai hte dai hpe bai gaw gap da na nngai. Ngai gaw dai hpe bai gaw gap ai hte moi na zawn bai de da na nngai.

LUKA 19:41

Shi gaw Yerusalem mare hte grau ni wa nna, dai mare hpe mu mada ai shaloi, de a matu shi hkrap nna,

YAWHAN 19:15

Dai masha ni gaw, “Shi hpe sat kau mu! Sat kau mu! Wudang hta jen sat kau u!,” nga nna jahtau ma ai. Bai Pilat gaw, “Nanhte a hkawhkam wa hpe ngai wudang hta jen nna sat kau shangun mayu myit ni?,” ngu nna shanhte hpe san mu ai. Shaloi Hkinjawng agyi ni gaw, “Kehta Hkawhkam hta kaga anhte Hkawhkam n lu ga ai,” ngu nna htan mu ai.

TARA AGYI 9:15

Ju hpun gaw, ‘Nanhte teng teng ngai hpe hkawhkam shatai mayu myit yang gaw ngai kaw sa nna nye a shingnip hta shingbyi nga mu. Nanhte n sa myit yang gaw dai ju hpun lakung lakying hta na wan hkru wa nhtawm Lebanon arit hpun ni hpe pyi hkru kau na ra ai,’ ngu nna htan wu ai.