EZEKELA 19:13 - Jinghpaw Common Language Bible 2009

¹³ Ya chyawm gaw, dai hpe zaibru jang e hkai da nga sai, dai shara gaw hkun hkraw ai hte hka n rawng ai ga rai nga ai.

Jinghpaw Hanson Version Bible

¹³ Ya chyawm dai gaw, hka n nga ai hkun hkraw ai zaibru jang e, hkai da ai hkrum nga ai.

EZEKELA 19:13 ပူးပေါင်းရင်းမြစ်များ

2 HKAWHKAM LABAU 36:20

Shi gaw naw hkrung nga ai ni yawng hpe Babelon mung de woi wa ai rai nna shanhte gaw shi hte shi a amyu matu mara ni hpe Persi mungdan a daru magam n-gun rawt wa ai aten du hkra, mayam amu galaw let daw jau nga ma ai.

SHAKAWN KUNGDAWN 63:1

O Karai Kasang e, nang gaw nye a Karai Kasang rai nga ndai, ngai nang hpe marit nga nngai. Nye a hkum ting nang hpe ra marit nga nngai; hkun hkraw mat nna, akyu n jaw mai sai hte hka n rawng mat sai lamu ga zawn, nye a myit masin mung nang hpe shagroi gara nga li ai.

SHAKAWN KUNGDAWN 68:6

Garen gari nga ai wa hpe shanu nga na nta shi jaw ya nga ai; bawng dung ai ni kabu gara ai shanglawt ahkaw ahkang lu la na matu, shi woi awn nga ai; rai ti mung, gumlau ai ni gaw akrin akraw re ai lamu ga hta shanu nga na mara ai.

EZEKELA 19:10

Na a kanu gaw hka kau e hkai ai sabyi ru hte bung nga ai hka shi langai a makau e hkai da nga ai. Hpa majaw nga yang, hka alaw alam nga ai rai nna, sabyi ru gaw alap ni hte asi ni hte ka-up da nga ai.

EZEKELA 20:35

Ngai gaw nanhte hpe, ‘Masha Amyu baw ni a Nam Mali’ ngu ai shara de woi jashawn nna dai yang e, nanhte hpe myi man chyaw ngai daw dan na nngai.

HOSEA 2:3

Dai amu hpe shi n jahkring ai rai yang, ngai gaw shi a hpun palawng raw kau ya nhtawm shi shangai wa ai shani na zawn singgu krin di da na we ai. Ngai gaw shi hpe hkun hkraw nna akrin ayang re ai lamu ga zawn shatai kau na nngai; shi gaw hpang gara ai hte si mat wa na ra ai.

TARA JAHPRANG 29:28

Dai Madu a masin kahtet let pawt sindawng ai gaw grung wa ai rai nna, de a majaw shanhte hpe mungdan kaw nna shaw shapraw kau nhtawm maigan mung de gawt shapraw kau wu ai rai nna dai yang e dai ni du hkra nga nga ma ai,’ ngu nna htan na rai ma ai.