EZEKELA 19:11 - Jinghpaw Common Language Bible 2009

¹¹ De a lakung lakying ni gaw n-gun ja ai hte hkawhkam sumdoi ni galaw na matu tu hkrawn nga ai. Dai sabyi ru gaw sumwi ni hpe dep lu hkra, tu galu nga ai; masha shagu gaw kaning rai alap tsit lali nga ai hte kade daram galu tu nga ai hpe mu ma ai.

Jinghpaw Hanson Version Bible

¹¹ Hkawhkam ni lang na sumdoi matu, ngang ai dawhkrawng, dai hta tu nga ai; langai mi a tsaw de chyawm gaw, sumwi ni hpe dep nga ai; shi gaw lakung lakying ni mahkra hta grau tsaw nna htawng nga ai.

EZEKELA 19:11 ပူးပေါင်းရင်းမြစ်များ

NINGPAWT NINGHPANG 49:10

Yuda gaw hkawhkam sumdoi lang lu na ra ai, Shi a amyu matu ni tut nawng a up nga na mara ai. Amyu baw ni shi hpe shagrau kumhpa jaw ai hte Shi a man e madat mara let gum dagup na mara ai.

1 HKAWHKAM 5:1

Turu hkawhkam Hiram gaw Dawi a jinghku tut nawng a rai nga ai. Shi kawa Dawi a magam tingnyang hta Shawlumon hkaw galai dung ai shiga hpe shi na jang, Hiram gaw shi a shangun dat kasa ni hpe Shawlumon hpang de shangun dat wu ai.

EZRA 4:20

Daru magam n-gun rawng ai hkawhkam ni dai yang e hkaw dung nna Uhprat a Sinna maga a mungdaw ting hpe up hkang let, ahkun hkanse ni lahkawn la yu nga masai.

EZRA 5:11

“Shanhte gaw, ‘Anhte gaw sumsing lamu hte ginding aga a Karai Kasang a shangun ma ni rai nga ga ai. Daru magam n-gun rawng ai Israela hkawhkam langai mi gaw lai sai shaning law law kaw nna shawng gap hpang da sai Nawku Htingnu hpe bai gap nna ra ai arung arai ni hpe jahting da ga ai.

SHAKAWN KUNGDAWN 110:2

Madu gaw na a hkawhkam daru magam arawng sadang hpe Ziun kaw nna shara shagu de, maden dat na ra ai. Shi gaw nang hpe, “Na a gumlau hpyen ni a ntsa e, up hkang nga u,” nga nna tsun nga ai.

SHAKAWN KUNGDAWN 80:15

Nang kaba shangun ai sabyi hpun lawn hte nang hkai da ai sabyi ru ni hpe sa makawp maga la u.

SHAKAWN KUNGDAWN 80:17

Nang lata la sai amyu masha ni ngu ai, n-gun grai ja wa hkra nang sharawt tawn ai amyu hpe mada mara ai hte makawp maga ya nga u.

ESAIA 11:1

Dawi a hkawhkam amyu matu gaw kran kadawng kau hkrum ai hpun hte bung nga ai; rai ti mung ndu kaw nna nnaw nnan prut lung wa ai zawn hkawhkam nnan langai mi gaw Dawi a matu mara ni kaw na paw pru wa na ra ai.

EZEKELA 19:12

Rai ti mung, pawt sindawng ai lata gaw dai hpe ru hte hpawn baw kau nna ga de kabai kau nga ai. Sinpraw nbung gaw de a asi ni hpe jahkraw kau nu ai. De a lakung lakying ni agrawp daw mat nna; dai ni hkun hkraw mat ai hte hkru mat hkrum nga ai.

EZEKELA 19:14

Sabyi ru madung hta wan hkru nna; wan gaw de a lakung lakying ni hte asi hpe hkru kau nga ai. Lakung lakying ni gaw galoi mung n-gun bai rawng wa na n rai, galoi mung hkawhkam dawhkrawng ni tai na ra ai n rai. Ndai gaw yawn hkyen mahkawn rai nga ai; ndai hpe lang mi hte lang mi mahkawn mangoi wa sai.

EZEKELA 21:10

Dai gaw masha sat na matu dai nga ai, myihprap wan zawn gala nna kabrim nga ai. Kabu gara ai gaw nga lu na n rai, hpa majaw nga yang, nye a amyu masha ni gaw sadi jaw ai ga hkum shagu hte ari hpe hpa zawn n nawn ya ma ai.

EZEKELA 21:13

Ngai gaw nye a amyu masha ni hpe chyam dinglik yu nga nngai, shanhte gaw myit malai na matu ningdang kau ma ai rai yang, ndai amu yawng shanhte hta byin wa na ra ai.

EZEKELA 31:3

Nang gaw Lebanon e tu ai arit hpun hte bung nga ndai, Dai hpun gaw tsawm nna shingnip tai ya ai lakung lakying ni hte rai nga ai; hpun gaw grai tsaw nga ai hte de a ndung gaw sumwi ni hpe dep nga ai.

Daniela 4:11

Dai hpun gaw kaba wa nna sumsing lamu de dep hkra kaba lung wa nga ai; mungkan ga na shinggyim masha shagu hte wa dai hpe mu lu ma ai.

JAW JAU 23:40

Dai shani e, nanhte a hpun hta na kaja htum ai namsi nkau mi hpe mung, namhtan hpun lakung ni, alap kap ai hpun lakung ni hpe la nhtawm dai Madu nanhte a Karai Kasang hpe shagrau sha-a na nawku htung hte seng ai poi hpe galaw hpang na rai myit dai.

BU HKAWM 24:17

Htawm hpang na lam hpe ngai mada yu, Israela amyu baw hpe ngai mu; htoi tu ai shagan zawn Dai amyu baw hta hkawhkam langai pru na ra ai. Shi gaw wan shingram langai zawn Israela hta na du sa wa na ra ai; Shi gaw Moba ningbaw ni hpe anut kau nna, Shet a amyu ni yawng hpe kayat adup na ra ai.