EZEKELA 19:10 - Jinghpaw Common Language Bible 2009

¹⁰ Na a kanu gaw hka kau e hkai ai sabyi ru hte bung nga ai hka shi langai a makau e hkai da nga ai. Hpa majaw nga yang, hka alaw alam nga ai rai nna, sabyi ru gaw alap ni hte asi ni hte ka-up da nga ai.

Jinghpaw Hanson Version Bible

¹⁰ “Na nnu gaw, nang hte bung nna, hka kau e hkai ai tsabyi ru zawn rai nga ai: hka law ai majaw, shi lakung lakying kying nna, asi si nga ai.

EZEKELA 19:10 ပူးပေါင်းရင်းမြစ်များ

SHAKAWN KUNGDAWN 1:3

Shanhte gaw hka kau e tu nna, shi a aten hta asi si nhtawm alap mung n hkraw mat ai hpun ni hte bung nga ai. Shanhte galaw ai lam shagu awng dang nga ai.

SHAKAWN KUNGDAWN 128:3

Na a nta hta, na a madu jan gaw si si ai sabyi hpun zawn, na a nsha ni gaw tsanlun hpun lawn kasha ni zawn na a sha ku grup yin e rai nga na ma ai.

EZEKELA 17:6

Dai gaw makrung prut lung wa nna nem ai hte dam lada hkrawn ai sabyi hpun tai wa sai. Lakung lakying ni mung galang nga ai maga de tu hkrawn mat wa nna ru ni mung sung sung jung nga ai. Dai sabyi ru gaw shi a lakung lakying ni hta lali tsawm ai alap ni hte ka-up nga ai.

EZEKELA 19:13

Ya chyawm gaw, dai hpe zaibru jang e hkai da nga sai, dai shara gaw hkun hkraw ai hte hka n rawng ai ga rai nga ai.

EZEKELA 19:2

Na a nnu gaw kaning re ai hkanghkyi kanu rai a hka! Shi gaw shi a hkalung ni hpe grai matse ai hkanghkyi la ni a lapran e bau kaba nga ai.

HOSEA 2:2

Nye a ma ni e, nanhte a kanu hpe hpyi nem mu; shi gaw nye a madu jan n rai sanu ai, ngai mung shi a madu wa n rai sangai. Shi a la shaw ai amu hte shawa num galaw ai amu hpe jahkring kau na lam hpyi nem mu.

YAWHAN 15:1

Yesu tsun ai gaw, “Ngai gaw teng man ai sabyi ru rai nga nngai, nye Wa gaw sabyi sun galaw ai wa rai nga ai.

TARA JAHPRANG 8:7

Dai Madu nanhte a Karai Kasang gaw ga sau hte hpring nna ningru ningja ai mungdan, hkaraw nhkap bum shagawng ntsa hkan nna lwi hkrat wa ai hka nu, hka shi, hka hpawk ni hte kadit hte kawng ni de kahpawk pru nga ai ga a lawu tsang na hka ni hte hpring ai ga;

TARA JAHPRANG 8:9

Nanhte gaw dai mung e ra kadawn ai lam n nga hkra, galoi mung hkru hkru kat kat sha lu na rai myit dai. Dai mung na lunghkrung ni hta hpri hkrai chyat rai nna bum kata na magri hkyeng htu shaw la lu na rai myit dai.