EZEKELA 19:1 - Jinghpaw Common Language Bible 2009

¹ Dai Madu gaw Israela hkawhkam kasha lahkawng a matu ndai yawn hkyen mahkawn mangoi mahkawn na matu ngai hpe tsun wu ai:

Jinghpaw Hanson Version Bible

¹ “Dai hta n-ga, Israela hkawhkam kasha ni a matu, sharung shayawt let tsun u:

EZEKELA 19:1 ပူးပေါင်းရင်းမြစ်များ

2 HKAWHKAM 23:34

Egutu Hkawhkam Niko gaw Yoshia a kasha Eliakim hpe kawa a malai Yuda hkawhkam shatai nna shi a mying hpe Yehoiakim ngu nna galai shamying da wu ai. Egutu Hkawhkam Niko gaw Yoahaza hpe Egutu mung de woi wa nna, dai mung e shi wa si mat wu ai.

2 HKAWHKAM 24:12

Hkawhkam Yehoiahkin hte rau shi a kanu, shi a shadang sha ni, du salang ni, hkawhkam wang na rap daw salang ni gaw, Babelon masha ni hpe asum hkap jaw kau mu ai. Nebuhkadneza hkaw dung ai matsat ning hta shi gaw Yehoiahkin hpe bawng masha hku rim la nhtawm,

2 HKAWHKAM 24:6

Yehoiakim si mat sai rai nna shi a kasha Yehoiahkin gaw shi a hkang hta hkaw dung let hkawhkam tai wa sai.

2 HKAWHKAM LABAU 35:25

Myihtoi Yeremia gaw Hkawhkam Yoshia a matu sharung shayawt ga hpe shagawp da nga ai; shi a matu sharung shayawt yang lang ai dai mahkawn gaw mahkawn mangoi chye ai numsha, lasha ni a matu Israela mung hta htung lai langai tai wa sai. Dai mahkawn mangoi hpe shinggyin da ai sharung shayawt laika hta mu lu nga ai.

2 HKAWHKAM LABAU 36:10

Ya ginhtawng ta bai du jang, Nebuhkadneza gaw Yehoiahkin hpe bawng rim la nna Nawku Htingnu na sut gan arung arai ni hte hpawn, Babelon mung de woi wa wu ai. Dai hpang Nebuhkadneza gaw Yehoiahkin a kawa toi rai nga ai Zedekia hpe Yuda mung hte Yerusalem a hkawhkam shatai da wu ai.

2 HKAWHKAM LABAU 36:3

Egutu Hkawhkam Niko chyawm gaw shi hpe bawng masha hku rim woi mat wa nhtawm Yuda masha ni hpe gumhpraw pawng 7,500 hte ja pawng 75 shawa la wu ai.

2 HKAWHKAM LABAU 36:6

Babelon Hkawhkam Nebuhkadneza gaw Yuda mung hpe shang gasat nna Yehoiakim hpe rim la nhtawm Babelon mung de hpri saidawng hte gyit nna Babelon mung de woi mat wa wu ai.

YEREMIA 22:28

Ngai gaw, “Ndai Hkawhkam Yehoiahkin hpe kadai mung n ra nna kabai kau sai di bu shaga zawn tai wa nu ni? Shi hte rau shi a kashu kasha ni hpe shanhte hpa mung n chye ai mungdan de hpa majaw bawng dung hkrum mat wa ma ta?,” ngu nna tsun ni ai.

YEREMIA 22:30

“Ndai masha gaw shi a kashu kasha shamat kau na matu mung, galoi mung n awng dang ai masha tai na matu mung, ndai masha wa gaw dingnye hkrum nga ai. Shi hta Dawi a hkaw tingnyang matut na Yuda mung hpe up hkang na aru arat ni htum mat na mara ai. Dai Madu ngai nan tsun ni ai.”

YEREMIA 24:1

Dai Madu gaw Nawku Htingnu ndaw e tawn da ai lakum si rawng ai ka lahkawng ngai hpe madun dan ai. (Dai gaw Yehoiakim a kasha Yuda Hkawhkam Yehoiahkin hte Yuda mung na up hkang du salang ni, lasama ni hte kung kyang ai bungli galaw masha ni hte rau Yerusalem mare kaw nna Babelon mung de Babelon Hkawhkam Nebuhkadneza woi mat wa ai hpang byin ai lam rai nga ai.)

YEREMIA 24:8

“Yuda Hkawhkam Zedekia, shi hte rau nga ai mung masa ninghkrin ni hte ndai mung hta naw ngam nga ai Yerusalem mare masha ni hte Egutu mung de na sa htawt nga ai ni hpe dai Madu ngai nan n sha mai hkra, n kaja ai lakum si ni zawn shanhte yawng hte hpe ngai shatai kau na mawe ai.

YEREMIA 9:1

Nye a baw gaw hka htung hka, nye a myi ni gaw myi prwi hka hpawk tai mat na ngai ra sharawng nngai, shaloi ngai gaw sat kau hkrum sai nye a amyu masha ni a matu shani shana hkrap lu na rai nngai.

YEREMIA 9:10

Ngai gaw, “Bum ni a matu sharung shayawt nna udat shara ni a matu hkrap na nngai, hpa majaw nga yang, dai ni gaw hkun hkraw mat nna, kadai mung dai hku n lai hkawm nga ai. Sagu dumsu hpung ni a nsen mung n na lu sai; ntsa malen u ni hte matse labye dusat ni mung hprawng mat masai,” ngu nna tsun ai.

SHARUNG SHAYAWT 4:20

Shanhte gaw dai Madu lata san da sai anhte a asak hka hpawk rai nga ai, Anhte hpe shang gasat ai hpyen shagu a lata kaw na anhte hpe makawp maga la na matu, anhte kam hpa nga ai dai hkawhkam wa hpe mung rim la ma ai.

SHARUNG SHAYAWT 5:12

Anhte a ningbaw ni woi la hkrum ai hte noi jen da ai hkrum manu ai; anhte a myit su salang ni hkungga hkrum ma ai n rai.

EZEKELA 19:14

Sabyi ru madung hta wan hkru nna; wan gaw de a lakung lakying ni hte asi hpe hkru kau nga ai. Lakung lakying ni gaw galoi mung n-gun bai rawng wa na n rai, galoi mung hkawhkam dawhkrawng ni tai na ra ai n rai. Ndai gaw yawn hkyen mahkawn rai nga ai; ndai hpe lang mi hte lang mi mahkawn mangoi wa sai.

EZEKELA 19:2

Na a nnu gaw kaning re ai hkanghkyi kanu rai a hka! Shi gaw shi a hkalung ni hpe grai matse ai hkanghkyi la ni a lapran e bau kaba nga ai.

EZEKELA 2:10

Dai lata hta rawng ai laika katsu hpe hpyan dat yang, laika man lahkawng maga hta ka da ai yawn hkyen hkrap ngu hkrap ngoi nsen ga, hkrap agru ai nsen hte yawn madai sharung shayawt ai ga ni hte ka da ai hpe ngai mu nngai.

EZEKELA 26:17

Shanhte gaw na a matu ndai makoi mayang mahkawn hkawn na mara ai: Gumhkawng ai mare gaw hten byak mat sahka! Shi a sanghpaw li ni panglai hka kaw nna yawng mat wa nga masai. Ndai mare masha ni gaw panglai ni hpe up ma ai, Hkin-gau mayan hku nga ai masha ni yawng hkrit gari nga ma ai.

EZEKELA 27:2

“Si chye ai masha wa e, panglai daru nten e nga nna

EZEKELA 27:32

Shanhte gaw na a matu sharung shayawt ai mahkawn hkawn ma ai: ‘Ya panglai ka-ang e atsin sha nga mat sai Turu mare hte kadai wa shabung lu nga a ta?

EZEKELA 28:12

Shi gaw, “Si chye ai masha wa e, Turu hkawhkam a matu ala nga ai hpang jahtum na maka a majaw sharung shayawt nga u. Tsaw Htum ai dai Madu ngai nan tsun nga ai ga shi hpe tsun u: Nang gaw lang mi na aten hta hkum tsup ai a kasi tai lai wa yu nit dai. Nang gaw kade sha hpaji rawng nna tsawm htap nga nit hka!

EZEKELA 32:16

Ndai dagam let shadum jahprang ai ga gaw sharung shayawt ai mahkawn tai na ra ai. Masha amyu baw ni a shayi sha ni mung Egutu mung hte de a mung masha ni a matu sharung shayawt ai mahkawn hkawn na mara ai. Tsaw Htum ai dai Madu ngai nan tsun ni ai.”

EZEKELA 32:18

Shi gaw, “Si chye ai masha wa e, Egutu mung masha yawng a matu sharung shayawt nga u. Shanhte hpe kaga daru magam n-gun rawng ai masha amyu baw ni hte hpawn katsan ga de shayu kau dat u.

EZEKELA 32:2

Shi gaw, “Si chye ai masha wa e, Egutu hkawhkam hpe dagam ai shadum jahprang ga hte htawn tsun u. Ngai kaw na lu la ai ndai mungga hpe mung tsun u: Nang gaw masha amyu baw ni a lapran e, hkanghkyi zawn galaw dan nga ndai; rai ti mung hka yan hku kapruk hkawm ai hkangse hte grau nna bung nga ndai. Nang gaw na a lagaw ni hte hka kata na hkumpup ni mahkyit sharawt la nna, hka nu ni hpe hkanu kau nga ndai.

AMO LAIKA (AMOS) 5:1

Israela amyu masha ni e, nanhte a matu ngai mahkawn ai ndai makoi mayang mahkawn hpe madat mu: