EZEKELA 18:7 - Jinghpaw Common Language Bible 2009

⁷ Shi gaw kadai hpe mung mawp sha ai hte kashun kashe amu galaw nga ai n rai. Arai hkoi shap la ai wa shi hpe tang da ai arai jaw yang, shi bai nhtang ap ya nga ai; shi gaw kawsi hpang gara ai wa hpe lusha jaw nna, singgu krin re ai wa hpe hpun palawng gam ya nga ai.

Jinghpaw Hanson Version Bible

⁷ kadai hpe mung n zingri, tang da ai arai, madu hpe bai hkin ya, kashun kashe ai amu n galaw, kawsi hkrum ai wa hpe shat jaw, hpun palawng n lu ai wa hpe shabu shahpun nna;

EZEKELA 18:7 ပူးပေါင်းရင်းမြစ်များ

NEHEMIA 5:10

Ngai chyawm gaw amyu masha ni hpe ngai kaw nna gumhpraw hte nai mam hkoi la shangun mawe ai; dai rai nna, nye a manaw manang ni hte nye a matu amu galaw ya ai masha ni mung hkam la lu ma ai. Dai re ai gaw, ya anhte yawng hka hpyi hkat ai amu hpe kau da saga.

YOBA 22:6

Shi hkoi la ai gumhpraw nang hpe bai nhtang jaw shangun nga ndai, nang gaw shi a hpun palawng ni hpe la kau ya nna, singgu krin tawn da nga ndai.

YOBA 24:3

Shanhte gaw chyahkrai ma ni madu tawn ai lawze ni hpe la kau ya ma ai; gaida jan a utang hpe hka bai wa lu ai aten du hkra la kau ya nga ma ai.

YOBA 24:9

N hkru ai masha ni gaw kawa n lu ai ma kaji ni hpe mayam shatai nhtawm, matsan mayan wa a ma ni hpe hka wa shangun nga ma ai.

SHAKAWN KUNGDAWN 112:4

Matsan chye dum ai, n-gaw n wai myit hte teng man nga ai mai kaja ai masha ni a matu, nhtoi gaw nsin hta htoi tu ya nga ai.

SHAKAWN KUNGDAWN 112:9

Shi gaw ra kadawn nga ai wa hpe nhpaw n-ya jaw ya nna, shi a matsan dum ai lam galoi mung yawm mat ai n rai; Shi gaw daru magam n-gun jat wa ai hte hkungga lara ai hkrum na ra ai.

SHAKAWN KUNGDAWN 41:1

Matsan mayan masha ni a matu, myit ru myit tsang ya nga ai ni gaw a nga ai; shanhte ru tsang hkrum nga ai shaloi, dai Madu gaw shanhte hpe karum la na ra ai.

PRU MAT 22:25

“Nang gaw matsan mayan rai nga ai nye a amyu masha ni hta na kadai hpe mung gumhpraw hkoi ya ai rai yang, gumhpraw boi sha ai wa zawn hkum di et; shi kaw na amyat hpa mung hkum hpyi et.

PRU MAT 22:26

Marai langai ngai gaw ga sadi hte nang kaw shi a ntsa palawng sa tang da ai rai yang, dai hpe jan garai n du ai shaloi shi hpe bai nhtang ya lu na rai ndai,

PRU MAT 23:9

“Maigan masha wa hpe n sawn n sang di lu na n rai; nanhte gaw Egutu mung e maigan masha hku tai yu manit dai majaw dai maigan masha wa kade hkam sha yu nga ai lam hpe nanhte chye nga myit dai.

GA SHAGAWP 14:31

Matsan mayan ni hpe nang dip gamyet sha ai rai yang, shanhte hpe hpan da ai Karai Kasang hpe nang n gawn n sawn di nga ndai; rai ti mung, matsan mayan ni hpe matsan dum myit madun ai chyawm gaw Madu hpe nawku daw jau ai lam rai nga ai.

GA SHAGAWP 28:27

Matsan mayan wa hpe gam jaw u, shaloi nang galoi mung ra kadawn na rin dai n rai; matsan mayan wa hpe yu shalai kau ai rai yang chyawm gaw, masha law law wa, nang hpe dagam dala ga tsun na mara ai.

GA SHAGAWP 28:8

Amyat sha nna masha kaga wa hpe zai hku nna dip sha let na a sut gan hpe shalaw la ai wa rai yang, matsan mayan ni hpe matsan dum ai wa a lata de, na a sut gan shang mat wa na ra ai.

GA SHAGAWP 3:31

Kashun kashe du daw sai hkaw galaw ai masha ni hpe hkum yu manawn nga et; shanhte galaw ai zawn hkan galaw na hkum daw dan et.

ESAIA 1:17

teng man ai amu galaw na hpe sharin la mu, teng man rap ra ai amu yu la nna, dip gamyet sha hkrum nga ai ni hpe karum mu, jahkrai ma ni a ahkaw ahkang hpe jaw mu; gaida gaina ni hpe makawp maga nga mu.”

ESAIA 33:15

Nanhte gaw jaw ai amu hpe tsun nna galaw ai rai yang nanhte asak hkrung lu na myit dai. Matsan mayan masha ni hpe masu hkalem na matu na a daru magam n-gun hpe hkum lang et; mayun kumhpa ni hkum hkap la et. Masha sat amu galaw maw mawn ai ni hte kaga n hkru ai amu galaw ai ni hte hkum kanawn et.

ESAIA 5:7

Israela gaw Chyahtum Chyalai N-gun rawng ai dai Madu a sabyi sun rai nga ai; Yuda masha ni gaw shi hkai da ai sabyi ru ni rai nga ai. Shi gaw kaja ai amu galaw na matu shanhte hpe myit mada nga ai, rai ti mung, shing rai na malai shanhte gaw masha sat amu shut hpyit ma ai. Shi gaw jaw ai amu galaw na matu shanhte hpe myit mada nga ai, rai ti mung tsin-yam hkrum sha ai masha ni gaw teng man rap ra ai tara a matu jahtau hkrap nga ma ai.

YEREMIA 22:3

“Dai Madu ngai nan teng man ai hte ding hpring ai amu galaw na matu nang hpe hkang da ni ai. Shi hpe maw sha mawp sha nga ai wa kaw nna maw sha mawp sha n hkrum mat hkra dai masha wa hpe makawp maga nga u. Malet nhprang manam ni, chyahkrai nmai ni hte gaida gaina ni hpe lam hkum shadam myit, adip arip mung hkum rai myit; ndai chyoi pra ai shara hta mara n kap ai masha ni hpe hkum sat myit.

EZEKELA 16:49

Shanhte gaw nhpaw n-ya lu sha nna ngwi pyaw sim sa ai hte shanu nga ma ai majaw, shi hte shi a shayi sha ni gumrawng gumtawng nga ma ti mung, matsan mayan ni hte ahkaw ahkang tup hkrak n lu ai ni hpe n gawn n sawn di ma ai.

EZEKELA 18:12

Shi gaw matsan mayan ni hpe adip arip di nna maw lu maw sha ai hte hpya lu hpya sha nga ai. Hkoi la ai wa shi hpe tang da ai arung arai hpe mung mazing la kau ya nga ai. Shi gaw maigan htung tara hkan ai ni galaw da ai htingnu shara hkan sa nna matsat shabat re ai hpara sumla ni hpe nawku ai hte,

EZEKELA 18:16

Kadai hpe mung n dip gamyet sha, kadai hpe mung n zingri nga ai. Hkoi shap la ai wa shi hpe tang da ai arai ap da ai arai hpa hpe mung shi bai nhtang ap ya nga ai. Kawsi hpang gara ai wa hpe lusha jaw nna singgu krin re ai wa hpe hpun palawng gam ya nga ai.

EZEKELA 18:18

Lam maga mi hku tsun ga nga yang, shi a kawa chyawm gaw maw lu maw sha nna adip arip di wu ai hte masha shagu hpe n hkru ai amu tut nawng galaw nga ai. Dai rai nna shi hkum nan shut hpyit kau ai yubak ni a majaw shi si nga ai.

EZEKELA 33:15

ga shadawn, gumhpraw hkoi ya na matu pahkam hkam ai arung arai hpe nhtang ya, shi lagu la sai arung arai ni hpe bai nhtang jaw ya ai hte yubak lam de n shanang ai sha, hkrung ai asak jaw ya nga ai tara ni hpe hkan yang, shi si na ra ai n rai, ahkrung nga na ra ai.

EZEKELA 7:23

“Lam shagu kashuk kashak byin nga sai-mungdan gaw masha sat ai amu ni hte hpring nga nna mare ni mung kashun kashe du daw sai hkaw amu ni hte hpring chyat nga ai.

Daniela 4:27

Dai rai nna madu hkawhkam e, nye a hpaji jaw ga hta hkan u. Yubak lam hpe kau da nna jaw ai amu galaw u. Matsan mayan masha ni hpe matsan dum u. Shaloi nang gaw matut nna ngamu ngamai wa na rai ndai.”

JAW JAU 19:13

“Kadai hpe mung zai hte roi rip nna shi a arai kashun la lu na n rai. Nchyang ma a shabrai lana mi sha pyi hkum shadang da lu na myit dai n rai.

JAW JAU 19:15

“Tara shang amu ni tsun daw dan myit dai shaloi, myit malang ai hte teng man ai hku hparan ya na rai myit dai; matsan ai wa hpe n maga, lu su ai wa hpe mung n mada ai sha daw dan na rai myit dai.

JAW JAU 25:14

Dai re ai majaw nanhte Israela amyu masha shada da lamu ga mari hkat ai shaloi dip zingri lu na myit dai n rai.

AMO LAIKA (AMOS) 2:6

Dai Madu gaw, “Israela amyu masha ni lang hte lang yubak galaw shut kau manu ai, dai lam a majaw ngai shanhte hpe teng teng ari jaw na we ai. Shanhte gaw hka n lu wa ai ding man ai masha ni hte kyepdin man mi a manu hpe pyi n lu nhtang ya ai matsan mayan re ai masha ni hpe mayam hku dut kau ma ai.

AMO LAIKA (AMOS) 2:8

Shanhte gaw matsan mayan ni a hka a matu shadun da ai nba hpe Karai Kasang hpe nawku ai shara shagu hkan nep da nna yup ma ai. Shanhte gaw shanhte a Karai Kasang a Nawku Htingnu hta shanhte shawa la lu ai gumhpraw hte sabyi ntsin mari lu nga ma ai.

AMO LAIKA (AMOS) 3:10

Dai Madu gaw, “Ndai masha ni gaw shanhte a nga shara ni hta ru hka amu hte kashun kashe du daw sai hkaw amu ni hte jahpring da nga ma ai. Shanhte pyi gara hku ding man na lam hpe n chye nga ma ai.

AMO LAIKA (AMOS) 6:3

Nanhte gaw tsin-yam tsindam a nhtoi du wa ra ai hpe yin la na matu ningdang kau nga myit dai, rai ti mung nanhte hkum nan galaw ai amu gaw dai nhtoi hpe grau shani la nga myit dai.

MIHKA 2:1

Masu magaw ga tsun ai ni hte n kaja ai hku maw mawn nga ai ni a matu dai gaw kade sha hkrit hpa rai nga a hka! Shanhte gaw ahkaw ahkang pru wa ai hte rau, jahpawt nhtoi htoi wa yang shanhte maw mawn da ai n hkru n kaja ai amu ni hpe galaw ma ai.

MIHKA 3:2

ti mung, nanhte gaw mai kaja ai hpe n dawng nna, n hkru ai hpe tsaw ra nga myit dai. Nanhte gaw nye a amyu masha ni ahpyi hpe katsing gawng kau nna shanhte a nrut nra ni hta kap ai ashan hpe se machyin kau nga myit dai.

ZEHPANI 1:9

Maigan nawku htung hkan ai ni zawn nawku ai ni hte shanhte a madu ni a nta hpe arung arai lagu, masha sat amu jahpring ya ai ni mahkra hte hpe ngai ari jaw na we ai.

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

LUKA 3:11

Shi shanhte hpe htan mu ai gaw, “Palawng lahkawng lu ai wa gaw, n lu ai wa hpe karan u ga, shat lusha lu ai wa mung dai hte maren jaw u ga,” ngu mu ai.

TARA JAHPRANG 24:17

“Maigan masha ni hte jahkrai nmai ma ni a ahkaw ahkang ni hpe hkum pat shingdang da ya lu na n rai; gaida jan a hpun palawng hpe hkoi jaw gumhpraw a matu pahkam arai shatai kau ya lu na n rai.