EZEKELA 18:6 - Jinghpaw Common Language Bible 2009

⁶ Shi gaw Israela a hpara sumla ni hpe n nawku, hkum da ai hkungri ni hta nawng jau ai shagu hkungga shan n sha rai nga ai. Shi gaw kaga masha jan hpe n shut ai hte hking sa ai aten hta dai numsha hte n kanawn nga ai.

Jinghpaw Hanson Version Bible

⁶ bum ntsa e shat n sha, Israela dap a hpara ni hpe n mada, masha jan n shaw, nba lang ai num hte n kanawn,

EZEKELA 18:6 ပူးပေါင်းရင်းမြစ်များ

SHAKAWN KUNGDAWN 121:1

Ngai gaw bum lang ni de mada yu nngai; ngai hpe karum na gaw, kanang na pru wa na rai nga a ta?

PRU MAT 34:15

Dai mung na masha ni hte jinghku ga shaka hkum tawn da myit; shanhte mahtang tara maigan hpara ni hpe nawku nna dai ni hpe hkungga nawng jau ma ai majaw shanhte hte kanawn na matu, nanhte hpe saw shaga ai hte shanhte a hpara ni hpe nawng jau ya ai lusha hte lau la ai hkrum na rai myit dai.

GA SHAGAWP 6:29

Dai amu hpe galaw ai wa gaw masha jan shaw ai wa zawn hkrithpa rai nga ai hte; dai hpe galaw ai wa kadai mung nni nkri hkrum sha na ra ai.

EZEKELA 18:15

Shi gaw Israela a hpara sumla ni hpe n nawku, hkum da ai hkungri ni hta nawng jau ai shagu hkungga shan ni hpe n sha nga ai: kaga masha wa a madu jan hpe mung n shaw nga ai.

EZEKELA 18:5

“Masha langai ngai teng teng mai kaja nga nna, ding hpring ai hte myit malang ai wa nga nga ai ngu ga.

EZEKELA 20:24

Shanhte gaw nye a hkang da ai matsun maroi ga ni hpe n hkan, nye a tara ni hpe jahten, Bansa Nhtoi hpe awu asin di nhtawm shanhte a kaji kawa ni nawng jau ai hpara sumla ni hpe nawku ma ai majaw, ndai amu hpe ngai galaw ni ai.

EZEKELA 20:28

Shanhte hpe jaw na ngu nna ngai ga sadi dagam da ai mungdan de shanhte hpe ngai woi wa ni ai. Shanhte gaw tsaw ai kawng ni hte tsit lali ai hpun ni hpe mu mada ma ai shaloi, dai shara ni yawng hta shagu hkungga nawng ya ma ai. Shanhte gaw dai hkan e manam pyaw ai baw wan nat hkungga hte sabyi hkungga ru jaw ai lai hte ngai hpe pawt bu shangun ma ai.

EZEKELA 20:7

Ngai gaw shanhte a Madu Karai Kasang rai nga nngai majaw, shanhte myit kap ai matsat shabat re ai hpara sumla ni hpe kabai kau nhtawm, n san n seng ai Egutu mung na lam shadam ai hpara ni hte shanhte hkum shanhte awu asin n galaw na matu, ngai shanhte hkang da ni ai.

EZEKELA 6:13

Tawn hkungri ni a grup yin hte hpara sumla ni a lapran e mung, tsaw ai kawng shagu a ntsa e mung, bum pungding shagu a ntsa e mung, tsit lali ai hpun shagu a npu e mung, kaba hkung ai wamyi hpun shagu a npu hta e mung, shanhte a hpara sumla ni hpe shagu hkungga nat nawng ya ai shara shagu hkan e mung, shanhte a moi mang ni ayai taw nga na mara ai. Dai hpang masha shagu hte gaw Ngai nan dai Madu rai nga nngai hpe chye wa na mara ai.

JAW JAU 20:10

Israela amyu masha hta na manang wa a madu jan hte num shaw amu shut hkat ai wa gaw shi shaw ai num hte rau sat kau ai hkrum na rai wu ai.

JAW JAU 20:18

Num hking lang nga ai numsha hte kanawn ai rai yang, shan lahkawng gaw n san n seng ai tara ni hpe tawt lai kau manu ai majaw shan lahkawng shawa hpung hta na gawt shapraw kau ai hkrum na rai ma ai.

BU HKAWM 25:2

Dai num ni gaw shanhte hpe Moba hpara hpe nawng jau ai poi de sa nawku lawm na matu saw shaga da hkrum nga ma ai. Israela ni mung lusha hkungga sa sha nna Peora Bala hpara hpe nawku ma ai.

MAHTE 5:28

Rai ti mung, ya, ngai nanhte hpe tsun made ai gaw kadai rai ti mung numsha langai mi hpe madu mayu ai myit hte yu ai wa gaw, shi a myit hta, dai numsha hte num shaw ai mara galaw nu ai.

1 KORINHTU 10:20

Dai hku ngai n tsun mayu nngai. Maigan tawn hkungri kaw nawng jau ai hkungga gaw, Karai Kasang hpe nawng jau ai n rai, nat ni hpe nawng jau nga ma ai, ngu nna ngai tsun mayu nngai. Ngai gaw nanhte hpe nat ni hte kanawn mazum nga ai ni n tai shangun mayu nngai.

TARA JAHPRANG 4:19

Nanhte mu lu ai lamu na ajan, shata hte shagan ni hpe nawku daw jau ai agung alau mung n hkrum nga myit ga; dai gaw kaga masha yawng a matu dai Madu nanhte a Karai Kasang san da ya ai ni rai nga ai.

HEBRE 13:4

Hkungran ai lam hpe masha yawng mayawng hkungga shagrau lu na rai myit dai hte madu wa madu jan shada da a ntsa e sadi dung nga lu na rai myit dai; Karai Kasang gaw arawn alai hten ai ni hte num shaw la shaw ai ni hpe jeyang na ra ai.