EZEKELA 18:5 - Jinghpaw Common Language Bible 2009

⁵ “Masha langai ngai teng teng mai kaja nga nna, ding hpring ai hte myit malang ai wa nga nga ai ngu ga.

Jinghpaw Hanson Version Bible

⁵ Masha langai ngai dinghpring nga nna, tara dara ai hte dinghpring ai hku shatup ai rai yang,

EZEKELA 18:5 ပူးပေါင်းရင်းမြစ်များ

NINGPAWT NINGHPANG 18:19

Abraham gaw shi a shadang sha ni hte shi a matu mara ni nye a ga hpe madat mara nna ding hpring teng man ai amu hpe galaw ai lam hta shi hkang lu na matu ngai shi hpe lata la ni ai. Shanhte hkan shatup ai rai yang, nye a ga sadi hte maren, shi a matu lam shagu hpe ngai shadik ya na nngai,” ngu nna shi kraw e tsun wu ai.

GA SHAGAWP 21:3

Teng man ai hte rap ra ai amu ni hpe galaw nga u; dai gaw shagu hkungga la sa ya ai hta grau nna Madu hpe ra sharawng shangun nga ai.

YEREMIA 22:15

Kaga hpun ni hta grau kaja tsawm ai arit hpun nta ni hpe nang gaw gap da ndai majaw, dai gaw nang hpe grau kaja ai hkawhkam shatai a ni? Na a nwa gaw hkum tsup ai asak hkrun lam hta kabu gara lu nu ai. Shi gaw tut nawng e teng man ai hte rap ra nga nna, shi galaw ai amu yawng mayawng hta ngamu ngamai nga wu ai.

YEREMIA 7:5

“Na a asak hkrun lam hpe galai kau nna nang galaw nga ai amu ni hpe tawn kau u. Langai hte langai a lapran e na a shinggyim nau na myit rawng ai hta rap ra teng man nga u.

EZEKELA 18:4

Ngai gaw masha shagu a asak hpe madu nngai. Kanu kawa a asak hpe mung, kashu kasha a asak hpe mung madu nngai. Yubak galaw ai wa chyawm gaw si na ra ai.

EZEKELA 18:6

Shi gaw Israela a hpara sumla ni hpe n nawku, hkum da ai hkungri ni hta nawng jau ai shagu hkungga shan n sha rai nga ai. Shi gaw kaga masha jan hpe n shut ai hte hking sa ai aten hta dai numsha hte n kanawn nga ai.

EZEKELA 33:14

Ngai gaw n hkru n shawp ai wa hpe shi si na ra ai ngu nna ngai ga sadi mai jaw nga ti mung, dai wa gaw yubak galaw nga ai amu hpe rap di kau tawn da nna, jaw hkrak ai hte mai kaja ai amu galaw nhtawm,

1 YAWHAN 2:29

Hkristu gaw ding hpring nga ai hpe nanhte chye yang gaw dai ding hpring ai hku galaw hkawm sa ai masha shagu gaw Karai Kasang a kashu kasha ni rai nga ma ai hpe nanhte chye ang myit dai.

1 YAWHAN 2:3

Shi a hkang da ai ga hte hpe anhte madat mara hkan nang ga yang gaw, anhte shi hpe chye chyap ai ni rai nga ga ai lam hkrak chye lu ga ai.

1 YAWHAN 3:7

Shu sha ni e, kadai mung nanhte hpe lam n shadam myit ga; Hkristu gaw ding hpring nga ai hte maren, ding hpring ai amu galaw ai wa kadai rai ti mung ding hpring nga ai.

SHINGRAN 22:14

Asak jahkrung ai hpun a asi sha lu na hte, mare chyinghka hku shang lu na ahkang lu la na matu, tinang a hpun palawng hkrut jasan kau ai ni gaw a lu ma ai.