EZEKELA 18:4 - Jinghpaw Common Language Bible 2009

⁴ Ngai gaw masha shagu a asak hpe madu nngai. Kanu kawa a asak hpe mung, kashu kasha a asak hpe mung madu nngai. Yubak galaw ai wa chyawm gaw si na ra ai.

Jinghpaw Hanson Version Bible

⁴ Yu mu, myit masin yawng hpe ngai madu nga nngai; kaji kawa a myit masin hpe ngai madu ai zawn, kashu kasha a myit masin hpe mung madu na nngai: yubak galaw ai myit masin gaw, si na ra ai.

EZEKELA 18:4 ပူးပေါင်းရင်းမြစ်များ

2 HKAWHKAM 14:6

Kaning mi rai ti mung shi chyawm gaw Mawshe a Tara hta dai Madu ndai hku nna hkang da nga ai lam hkan nga ai majaw shanhte a kashu kasha ni hpe n sat kau ya mu ai. Dai tara hta, “Kanu kawa ni shut kau ai ru hka amu a majaw kashu kasha ni sat kau hkrum na n rai; shanhte a kashu kasha ni shut kau ai ru hka amu ni a majaw kanu kawa ni sat kau hkrum na mu ai n rai; shi hkum nan shut kau ai ru hka amu a majaw sha dai wa sat kau ai hkrum na rai wu ai,” ngu ai rai nga ai.

YOBA 21:20

Yubak galaw ai ni gaw shanhte a ari hkam la mu ga; Chyahtum Chyalai N-gun Rawng Ai Karai Kasang a pawt sindawng ai hpe hkam sha shangun u ga.

YOBA 8:4

Na a nshu nsha ni mahtang Karai Kasang hpe shut hpyit ma ai; dai rai nna shanhte hkam la ging ai hte maren, shi shanhte hpe ari jaw wu ai.

ESAIA 42:5

Karai Kasang gaw sumsing lamu ni hpe hpan da nna dai ni hpe kahpyan da nga ai; shi gaw ginding aga hte dai hta nga ai yawng mayawng hpe sumli da nu ai; shi gaw asak jaw ya nna dai hta nga ai amyu masha ni yawng hpe nsoi nsa bang ya nga ai. Ya chyawm gaw Madu Karai Kasang gaw shi a shangun ma hpe,

ESAIA 57:16

Ngai gaw nye a amyu masha ni hpe asak jaw da ni ai, ngai gaw shanhte hpe matut nna mara shagun na n rai, shanhte hpe htani htana pawt sindawng na n rai.

YEREMIA 31:30

Shing ngu tsun na malai, kadai rai ti mung hkri ai sabyi si ni hpe sha ai wa gaw wa makrim na ra ai, shi galaw ai yubak a majaw langai hte langai si na mara ai,” ngu nna dai Madu ngai nan tsun ni ai.

EZEKELA 18:20

Yubak galaw ai wa gaw si na ra ai. Kawa galaw ai yubak ni a majaw kasha hkam ra na n rai, kasha galaw ai yubak ni a majaw kawa hkam na ra ai n rai. Mai kaja ai masha wa gaw shi galaw ai mai kaja ai amu a majaw shagrau sha-a hkrum nna, n hkru ai masha wa gaw shi galaw ai n hkru ai amu a shabrai hpe hkam la na ra ai.

EZEKELA 18:3

Tsaw Htum ai dai Madu gaw, “Ngai gaw ahkrung nga ai Karai Kasang rai nga nngai, dai majaw nanhte gaw ndai ga shagawp hpe Israela mung e galoi mung bai tsun tsun rai lu na myit dai n rai.

EZEKELA 18:5

“Masha langai ngai teng teng mai kaja nga nna, ding hpring ai hte myit malang ai wa nga nga ai ngu ga.

EZEKELA 3:18

N hkru ai masha gaw si na ra ai ngu nna ngai tsun ndau ti mung, nang gaw shi a lam ni hpe galai shai wa na matu hte shi gaw shi a asak lawt lu nna shim nga lu na matu shi hpe n shadum n jahprang ai rai yang, dai yubak naw kap nga ai wa gaw si na ra ai; rai ti mung, ngai gaw shi a si hkrung si htan a matu nang hta lit nga nga ai.

EZEKELA 33:8

Ngai gaw n hkru ai wa hpe nang teng teng si lu na ndai, ngu nna tsun ti mung, shi gaw shi a asak hkye la lu u ga, shi a lam ni galai shai mat wa hkra nang n shadum jahprang ai rai yang chyawm gaw yubak mara naw kap nga ai wa zawn shi si wa na ra ai. Ngai gaw shi a si hkrung si htan a matu lit nga ai nang hpe bunglat hka hpyi na nngai.

ZEHKARIA 12:1

Ndai gaw sumsing lamu ni hpe kahpyan nna ginding aga hpe hpan da let, masha hpe sak jaw ya nga ai dai Madu kaw na Israela hte seng ai mungga rai nga ai.

BU HKAWM 16:22

Rai ti mung Mawshe yan Arun gaw ga de dingnyawm dagup let, “O Karai Kasang e, nang gaw asak yawng a hka hpawk rai nga ndai; marai langai shut ai a majaw shawa hpung ting hpe masin pawt nga n ni?,” ngu nna tsun ma ai.

BU HKAWM 27:16

Madu Karai Kasang e, ndai amyu masha ni hpe woi awn lu nna

ROMA 6:23

Hpa majaw nga yang yubak a shabrai gaw si mat ai rai nga ai, rai ti mung Karai Kasang a chyeju kumhpa chyawm gaw anhte a Madu Hkristu hte langai sha rai nga ga ai majaw lu la ai htani htana asak nan rai nga ai.

GALATI 3:22

Rai ti mung mungkan ga ting gaw dai yubak mara a n-gun atsam e ka-up kau ai hkrum nu ai, nga nna Chyum Laika hta tsun nga ai. Dai rai nna Yesu Hkristu hpe kam sham ai hta npawt nhpang de da ai ga ndat hte seng ai chyeju sali wunli gaw kam sham ai ni hkam la manu ai.

TARA JAHPRANG 24:16

“Kasha ni shut hpyit kau ai ru hka amu a majaw kanu kawa ni si ai hkrum na n rai; kanu kawa ni shut hpyit kau ai ru hka amu a majaw kashu kasha ni si ai hkrum na n rai; tinang nan shut hpyit kau ai ru hka amu a majaw tinang nan si lu na rai nga ai.

HEBRE 12:9

Anhte hpe daru sharin ai shinggyim kawa ni hpe anhte hkungga lara di ga ai. Dai rai yang, anhte a Wenyi hte seng ai Kawa a npu e grau nna taw nga let asak hkrung nga ra ga ai n rai hka!