EZEKELA 18:31 - Jinghpaw Common Language Bible 2009

³¹ Nanhte galaw shut kau yu sai n hkru ai amu mahkra hpe kau da nhtawm myit nnan, myit masin nnan ni hpe hkam la mu. Israela amyu masha ni e, nanhte hpa majaw si mayu nga myit ni?

Jinghpaw Hanson Version Bible

³¹ Nanhte galaw yu ai tawt lai ai amu mahkra hpe kau da nna, myit ningnan hte wenyi ningnan hkam la mu: Israela dap e, hpa majaw si mayu myit ta?

EZEKELA 18:31 ပူးပေါင်းရင်းမြစ်များ

2 HKAWHKAM 17:13

Dai Madu gaw Israela hte Yuda hpe shadum jahprang na matu shi a dat kasa ni hte myihtoi ni hpe shangun dat wu ai: “Nanhte galaw ai n hkru ai amu ni hpe kau da nna nanhte a kaji kawa ni hpe ngai jaw ai Tara hta lawm ai nye a hkang da ai ga ni hpe mung, nye a shangun ma ni rai nga ai myihtoi ni hku nna nanhte hpe shalai jaw ai hkang da ai ga ni hpe madat mara mu.”

SHAKAWN KUNGDAWN 34:14

N hkru n shawp ai lam hpe koi kau nna mai kaja ai lam hpe galaw nga u; na a myit masin mahkra hte ngwi pyaw sim sa lam a matu, shakut shaja nga u.

SHAKAWN KUNGDAWN 51:10

O Karai Kasang e, san seng ai myit ngai hta hpan shapraw ya e; sadi dung ai wenyi hte myit masin nnan ngai hpe jaw ya rit.

GA SHAGAWP 8:36

Ngai hpe n mu tam ai masha wa gaw machyi hkrum nga nna; ngai hpe n dawng n yawt ai ni kadai mung si hkrung si htan hpe tsaw ra nga ai,” nga nna tsun nga ai.

ESAIA 30:22

Nanhte gaw gumhpraw hte sup ai hpara sumla ni hte ja hte sup ai hpara sumla ni hpe la nna matsat shabat arai zawn dai ni hpe kabai kau nna, “Nye a man kaw na pru mat wa mu!,” ngu nna jahtau tsun na rai myit dai.

ESAIA 31:6

Karai Kasang gaw, “Israela amyu masha ni e, nanhte gaw ngai hpe yubak galaw ai hte ngai hte nhtan shai nga myit dai. Rai ti mung ya chyawm gaw, ngai hpang de nhtang wa marit!

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

ESAIA 59:20

Dai Madu gaw shi a amyu masha ni hpe, “Ngai gaw nanhte hpe makawp maga na matu mung, yubak kaw na kayin wa ai nanhte yawng hpe hkye la na matu mung Yerusalem de sa wa na nngai.

YEREMIA 21:8

Dai hpang dai Madu gaw shi a amyu masha ni hpe htawn tsun na matu ngai hpe ning nga tsun wu ai: “Madat u! Ngai dai Madu nan nang hpe asak hkrun lam hte si ai de woi sa wa ai lam lahkawng hpe lata la na ahkang jaw da nga nngai.

YEREMIA 27:13

Nang hte na a amyu masha ni gaw hpyen majan, kawsi hpang gara ai hte ana zinli hta hpa majaw si ang na rai myit ta? Dai gaw Babelon hkawhkam a ga hpe n madat n mara ai gara amyu baw hta rai tim, dai Madu tsun da sai hte maren byin wa na ra ai.

YEREMIA 27:15

Shi gaw shanhte hpe shangun dat ai n rai, shanhte gaw nanhte hpe shi a mying hta masu magaw ga tsun nga ma ai nga nna dai Madu shi hkum nan tsun nu ai. Shi gaw nanhte hpe shaden kau nhtawm nanhte hpe ndai masu hkalem ga ni hte tsun nga ai nang hte myihtoi ni gaw sat kau ai hkrum na mara ai,” ngu nna tsun ni ai.

YEREMIA 32:39

Ngai gaw shanhte hte shanhte a aru arat ni a mai kaja lam a matu asak hkrun lam tup hta ngai hpe aten shagu shagrau sha-a na ngu ai yaw shada lam langai sha shanhte hpe jaw na nngai.

YEREMIA 4:4

Dai Madu ngai hte tawn da ai na a ga shaka hpe shagrin da u; Yuda hte Yerusalem amyu masha ni e, na a hkum hpe ngai hta ap nawng tawn u. Dai hku nang n galaw ai rai yang, nang galaw kau sai n hkru ai amu ni a majaw nye a pawt sindawng ai gaw wan zawn hkru na ra ai. Dai gaw hkru nna dai hpe kadai mung krip lu na ra ai n rai,” ngu nna tsun wu ai.

YEREMIA 44:4

Ngai n dawng ai ndai hkrit hpa amu ni hpe n galaw na matu nanhte hpe tsun shadum nga na nye a shangun ma ni rai nga ai myihtoi ni hpe nanhte hpang de ngai shangun da nga nngai.

EZEKELA 11:19

Ngai gaw shanhte hpe salum nnan hte myit masin nnan jaw bang ya na nngai. Ngai gaw shanhte a ja la ai nlung salum hpe shaw kau ya nna madat mara ai salum shanhte hpe jaw bang ya na nngai.

EZEKELA 20:7

Ngai gaw shanhte a Madu Karai Kasang rai nga nngai majaw, shanhte myit kap ai matsat shabat re ai hpara sumla ni hpe kabai kau nhtawm, n san n seng ai Egutu mung na lam shadam ai hpara ni hte shanhte hkum shanhte awu asin n galaw na matu, ngai shanhte hkang da ni ai.

EZEKELA 33:11

Tsaw Htum ai dai Madu ngai gaw ahkrung nga ai Karai Kasang rai nga nngai, dai majaw yubak kap ai wa si mat wa na hpe yu kabu nga nngai n rai. Yubak galaw ai hpe kau da nna hkrung nga na hpe ngai yu sharawng nga nngai ngu shanhte hpe htawn tsun u. Israela e, nang galaw nga ai dai n hkru n shawp ai amu hpe kau da u. Nang hpa majaw si mayu nga n ta?

EZEKELA 36:26

Ngai gaw myit masin ningnan hte wenyi nnan nanhte hpe jaw ya na nngai. Nanhte a ja la ai nlung salum hpe ngai shaw kau nna madat mara ai myit masin bang ya na nngai.

EZEKELA 43:9

Ya chyawm gaw, karai shaje ni hpe nawku ai lam hpe shanhte jahkring kau nhtawm shanhte a hkawhkam ni a si mang ni hpe htawm kau lu na rai ma ai. Shanhte dai hku hkan galaw ai rai yang, ngai gaw shanhte a ka-ang e htani htana anga nga na nngai,” ngu nna tsun nngai.

ZEHKARIA 1:3

rai ti mung, ya chyawm gaw, ‘Ngai hpang de nhtang wa marit; ngai mung nanhte hpang de nhtang wa na nngai,’ ngu nna ngai nanhte hpe tsun nga nngai.

MAHTE 12:33

“Kaja ai asi lu na matu kaja ai hpun hkai ra ai. N kaja ai hpun gaw n kaja ai asi si na ra ai. Asi hpe yu nna hpun hpe chye ginhka lu nga ai.

MAHTE 23:26

Myi kyaw ai Hparishe ni e! gawm hte shat wan ni a kata maga hpe shawng jasan jaseng mu, shing rai yang shinggan maga mung san seng wa na ra ai.

KASA 13:46

Pawlu yan Barnaba mung grau nna nden ja ai myit hte, “Dai Karai Kasang a mungga nanhte hpe shawng tsun dan na ra nga ai, rai ti mung nanhte mahtang dai hpe n hkap la nna nhtum nwai asak hte n ging dan ai ni rai ga ai ngu nna tinang dai myit nawn daw dan la myit dai majaw anhte gaw, nanhte kaw na pru mat wa nna kaga maigan amyu ni hpang de sa wa na saga ai.

KASA 3:19

Dai rai nna Karai Kasang gaw nanhte a yubak mara ni hpe raw dat kau ya myit ga myit malai lu mu, nanhte shing rai myit yang gaw,

ROMA 12:2

Nanhte gaw ndai dinghta mungkan a lai madang ni hpe n hkan dagraw ai sha, nanhte gaw Karai Kasang hku nna nanhte a kata lam myit masin hpe tsep kawp galai shai kau shangun mu. Dai shaloi nanhte gaw Karai Kasang a myit ra ai lam, mai kaja ai lam, shi hpe sharawng awng shangun ai lam, hkum tsup re ai lam gaw, hpa rai nga ai ngu ai hpe chye ginhka lu na marin dai.

ROMA 8:13

Hpa majaw nga yang, nanhte gaw hkum shan a myit ra ai hku asak hkrung myit yang gaw nanhte si na rai nga myit dai; rai ti mung tinang a yubak hte seng ai arawn alai ni hpe dai Wenyi a karum ai hte sat kau myit yang gaw, nanhte hkrung nga na myit dai.

TARA JAHPRANG 30:15

“Kaja ai hte n kaja ai hpe mung, asak hkrung ai hte si hkrung si htan lam hpe mung lata la na ahkang, dai ni, ngai nanhte hpe jaw nga nngai.

TARA JAHPRANG 30:19

Ngai gaw nanhte hpe asak hkrung lam hte si hkrung si htan lam, Karai Kasang a chyeju hte Karai Kasang a dagam dala lam hpe lata la na lam, jaw ya nga nngai. Dai rai nna shing re ai lam hpe lata la nna sumsing lamu hte ginding aga hpe sakse da ya nngai. Dai majaw asak hkrung lam hpe mahtang lata la mu.

YAKU 1:21

Dai re ai majaw matsat shabat re ai sat lawat shagu hte n hkru n kaja ai arawn alai yawng hte hpe yeng seng kau mu. Karai Kasang kaw sumnung ai hte shawng kaw nna nanhte a kraw lawang ni hta e shi hkai da ya sai nanhte hpe hkye hkrang la lu ai mungga hpe hkap la mu.

YAKU 4:8

Karai Kasang hpang de sit sa wa mu; shaloi shi nanhte hpang de sit wa na ra ai. Yubak lu ai ni e, nanhte a lata ni hpe jasan jaseng da mu. Sawt ai ni e, nanhte a myit masin kraw lawang ni hpe jasan jaseng da mu.

1 PETRU 1:14

Karai Kasang a ga hpe madat mara nna nanhte n chye n chyang re ai ni naw rai nga ai ten hta nanhte a myit shadang ai hku hkawm sa lai wa sai zawn matut nna hkum hkan galaw manu.

1 PETRU 1:22

Ya nanhte gaw dai teng man ai lam hpe madat mara nga let nanhte a hkum ni hpe jasan jaseng kau nhtawm, nanhte a kam sham ai manaw manang ni hpe kaja wa tsaw ra nga myit dai. Dai rai nna nanhte shada da myit masin mahkra hte tsaw ra nga mu.

1 PETRU 2:1

Dai re ai majaw nanhte gaw n hkru n kaja ai lam amyu myu hte masu hkalem ai lam sawt ai lam, manawn masham ai lam hte roi asawng ai ga ni hpe yeng seng kabai kau mu.