EZEKELA 18:29 - Jinghpaw Common Language Bible 2009

²⁹ Nanhte Israela amyu masha ni gaw, ‘Dai Tsaw Htum ai Madu galaw ai amu gaw n teng n man nga ai,’ ngu nanhte myit nawn myit dai n rai ni? Dai nanhte hkan ai lam mahtang n ding n man nga malit dai.

Jinghpaw Hanson Version Bible

²⁹ Rai timung, Israela dap gaw, ‘Madu jeyang ai lam ding ai n rai,’ nga nna tsun ai. Israela dap e, nye a lam ding nga ai, n rai ni? nanhte a lam mahtang magaw nga ai, n rai malit ni?

EZEKELA 18:29 ပူးပေါင်းရင်းမြစ်များ

SHAKAWN KUNGDAWN 18:31

Dai Madu shi chyu sha Karai Kasang rai nga ai; Karai Kasang chyu sha anhte a dahpran shara rai nga ai.

GA SHAGAWP 19:3

Masha nkau mi shanhte hkum nan a angawk angak ai amu ni a majaw, jahten sharun la nga ma ai; shaloi, dai Madu hpe mara shagun nga ai.

EZEKELA 18:2

“Israela mungdan hta nga ai amyu masha ni bai atsun tsun re ai ndai ga shagawp gaw hpa wa rai nga a ta? ‘Kanu kawa ni gaw hkri ai sabyi si ni sha ma ai, Rai ti mung, kashu kasha ni gaw hkri ai namchyim lu ma ai.’

EZEKELA 18:25

“Rai ti mung, nanhte gaw, ‘Dai Tsaw Htum ai Madu galaw ai amu gaw n teng n man nga ai,’ nga nna tsun myit dai. Dai rai nna Israela amyu masha ni e, ngai tsun ai ga hpe madat mara mu. Ngai galaw nga ai amu ni a lam n teng n man nga ai ngu nna nanhte myit nawn nga myit ni? Nanhte a lam mahtang n ding n man nga malit dai.

EZEKELA 18:28

Shi gaw shi hpa galaw yu sai amu ni hpe chye myit dum wa ai hte yubak galaw ai amu hpe kau da ai rai yang, shi gaw teng teng n si na ra ai, shi matut nna asak hkrung nga lu na ra ai.

EZEKELA 18:30

“Ya chyawm gaw, nanhte galaw dan sai arawn alai hte maren, nanhte langai hte langai hpe tara jeyang na nngai, nga nna dai Tsaw Htum ai Madu ngai nan Israela amyu masha ni hpe tsun nga nngai. Nanhte galaw shut kau ai yubak gaw nanhte hpe n jahten kau u ga, nanhte galaw shut hpyit kau ai n hkru n shawp ai amu yawng kaw nna kayin wa marit.