EZEKELA 18:25 - Jinghpaw Common Language Bible 2009

²⁵ “Rai ti mung, nanhte gaw, ‘Dai Tsaw Htum ai Madu galaw ai amu gaw n teng n man nga ai,’ nga nna tsun myit dai. Dai rai nna Israela amyu masha ni e, ngai tsun ai ga hpe madat mara mu. Ngai galaw nga ai amu ni a lam n teng n man nga ai ngu nna nanhte myit nawn nga myit ni? Nanhte a lam mahtang n ding n man nga malit dai.

Jinghpaw Hanson Version Bible

²⁵ “Rai timung nanhte gaw, ‘Madu jeyang ai lam ding ai n rai,’ nga nna tsun myit hka; Israela dap e, madat mara u; nye a lam ding nga ai, n rai ni? nanhte a lam mahtang n ding nga ai, n rai malit ni?

EZEKELA 18:25 ပူးပေါင်းရင်းမြစ်များ

NINGPAWT NINGHPANG 18:25

Nang gaw teng teng mara n kap ai ni hpe sat kau na n rai nga ndai. Dai gaw mai byin na n rai! Shing re ai amu hpe nang galaw lu na n rai nga ai. Nang galaw ai rai yang, mara n kap ai ni mung, mara lu ai ni hte rau ari jaw ai hkrum na mu ai. Dai gaw n mai byin ai lam rai nga ai. Ga ntsa ting a tara agyi wa gaw teng man ai hku daw dan na rai wu ai,” ngu nna san wu ai.

YOBA 15:13

Nang gaw Karai Kasang hpe masin pawt nna, shi hpe jahpoi nga ndai.

YOBA 32:2

Yoba gaw shi hkum nan teng man nga ai Karai Kasang hpe mara shagun nga wu ai majaw makau e tsap nga ai Elihu mying ai wa gaw shi a pawt sindawng ai hpe kachyi mi mung n hkang da lu wu ai. (Elihu gaw Rama amyu lakung Buzi amyu matu Barahkela a kasha rai nga ai.)

YOBA 40:8

Ngai gaw shut hpyit ai hte n tara nga nngai; nang nan chyawm gaw ding man nga ai ngu, nang mara shagun mayu nga n ni?

SHAKAWN KUNGDAWN 145:17

Madu shi galaw ai lam yawng mayawng hte hta ding hpring nga ai rai nna, shi a magam bungli ni yawng hta matsan yu dum ai wa rai nga ai.

SHAKAWN KUNGDAWN 50:21

Dai lam yawng hte hpe nang galaw nit dai, ngai hpa mung n shaga nngai majaw, nang zawn ngai rai nga nngai ngu nna nang myit la nga ndai; rai ti mung, ya chyawm gaw, ngai nang hpe daru sharin na nngai hte nang hpe dai lam asan sha tsun dan na nngai.

SHAKAWN KUNGDAWN 50:6

Karai Kasang gaw ding hpring ai wa rai nna, shi nan tara agyi rai nga ai hpe sumsing lamu gaw shana shabra ya nga ai.

GA SHAGAWP 19:3

Masha nkau mi shanhte hkum nan a angawk angak ai amu ni a majaw, jahten sharun la nga ma ai; shaloi, dai Madu hpe mara shagun nga ai.

YEREMIA 12:1

“Madu e, ngai nang hte amu dangrang hkat yang; nang ding hpring nga ndai hpe nang sakse madun nga ndai. Timung, ngai gaw nang hpe teng man rap ra ai tara hte seng nna san na nngai. N hkru ai masha ni gaw hpa majaw grai ngamu ngamai nga ma ta? Myit magaw ai masha ni hpa majaw awng dang nga ma ta?

EZEKELA 18:26

Ding hpring ai wa mai kaja ai amu galaw nga ai kaw na htak mat nhtawm n hkru ai amu hpe galaw hpang ai shaloi, shi si nga ai, shi galaw yu sai n hkru ai amu ni a majaw shi si nga ai.

EZEKELA 18:29

Nanhte Israela amyu masha ni gaw, ‘Dai Tsaw Htum ai Madu galaw ai amu gaw n teng n man nga ai,’ ngu nanhte myit nawn myit dai n rai ni? Dai nanhte hkan ai lam mahtang n ding n man nga malit dai.

EZEKELA 33:17

“Ngai galaw ai amu gaw teng man nga ai n rai, nga nna na a amyu masha ni tsun nga ma ai! N rai law, Shanhte a lam ni mahtang n ding nga ai.

EZEKELA 33:20

Rai ti mung, Israela e, nang gaw ngai galaw ai amu teng man nga ai n rai, nga nna tsun myit dai. Dai re ai majaw, nang galaw ai amu hte maren, ngai nang hpe jeyang na nngai.”

ZEHPANI 3:5

Rai ti mung, dai Madu gaw dai mare hta ya du hkra nga nga nna, shi gaw teng man ai amu galaw let n shawp n kap ai amu hpe galoi mung n galaw nga ai. Jahpawt shagu n hprai ai sha, shi gaw shi a amyu masha ni hpang de tara malang ai hku shapraw dan nga ai. Rai tim, n teng n man ai masha ni gaw shut hpyit ai amu ni hpe matut galaw nga ma ai hte kaya n chye nga ma ai.

MALAHKI 2:17

Nanhte gaw dai Madu hpe tsun shaga ai ga hte hki ba shangun myit dai. Rai ti mung nanhte chyawm gaw, “Anhte shi hpe kaning rai hki ba shangun ga ta?,” ngu nna san myit dai. Bai Chyahtum Chyalai N-gun rawng nga ai dai Madu gaw “N hkru ai amu galaw ai ni yawng mai kaja nga ma ai; ngu nna myit ma ai, teng teng shi gaw shanhte hpe ra sharawng nga ai. Shing n rai, tara malang ai hku zawn hkan ai Karai Kasang gaw kanang rai nga a ta?,” ngu nna san ai hku nna mung, shi hpe shatsang nga ai.

ROMA 10:3

Shanhte gaw masha hpe Karai Kasang a man e ding hpring wa shangun ai Karai Kasang a lai masa n chye ma ai rai nna dai hpe hkan na malai tinang dai gyin shapraw la ma ai majaw Karai Kasang a lai masa hku ding hpring wa lu na lam n hkan sa ma ai.

ROMA 3:20

Hpa majaw nga yang, dai jep ai Tara a hkang da ai lam ni hpe hkan shatup shadik ai hte kadai mung Karai Kasang a man e ding hpring wa lu ai n rai; Dai jep ai Tara e galaw ai amu gaw, masha gaw yubak mara galaw nu ai ngu ai hpe chye shangun na matu rai nga ai.

ROMA 3:5

Rai ti mung, masha nkau mi gaw, anhte a n ding n hpring ai gaw Karai Kasang a ding hpring mai kaja ai hpe grau nna shapraw shadan dan ai n rai ni? Nga nna san na mara ai. Anhte kaning ngu htan na rai ta? Karai Kasang anhte hpe ari jaw ai shaloi-dai gaw Karai Kasang shi shut ai amu galaw nu ai, ngu nna anhte tsun lu na kun? (Shing nga ai gaw, masha ni tsun ga ai hte maren tsun dat ai sha rai nga ai.)

ROMA 9:20

Jinghku wa e, nang gaw kadai wa mi rai nna Karai Kasang hpe dai hku htan lu n ta? Ga dibu langai mi gaw galaw da ai wa hpe, “Hpa majaw nang ngai hpe ning di galaw da n ta?,” ngu nna san na a ni?

TARA JAHPRANG 32:4

“Dai Madu gaw chyalai n-gun hte hpring ai nanhte a dahpran shara rai nga ai; shi a lam yawng mayawng hkum tsup nna ding hpring nga ai. Nanhte a Karai Kasang gaw sadi sahka hte teng man nga ai rai nna shi galaw ai amu teng man ai hte rap ra nga ai.