EZEKELA 18:24 - Jinghpaw Common Language Bible 2009

²⁴ “Rai ti mung, ding hpring ai masha langai ngai, mai kaja ai amu galaw nga ai kaw na htak mat ai hte n hkru ai masha ni galaw nga ai matsat shabat amu mahkra hpe hkan galaw ai rai yang, dai wa gaw matut nna hkrung nga lu na rai nga a ni? N rai law, shi galaw yu sai mai kaja ai amu langai mi hpe mung matsing da ya na n rai. Shi galaw ai kang n ka ai amu hte yubak ni a majaw shi si na ra ai.

Jinghpaw Hanson Version Bible

²⁴ “Rai timung, dinghpring ai wa gaw htak mat nna, shut hpyit nga ai hte, tara n lang ai wa a matsat shabat lam mahkra hte maren hkan galaw yang, shi hkrung nga na rai ni? Shi galaw yu ai dinghpring ai amu langai mi muk matsing da na, n rai: shi tawt lai ai amu hte, shi galaw ai yubak majaw, shi si na ra ai.”

EZEKELA 18:24 ပူးပေါင်းရင်းမြစ်များ

2 HKAWHKAM LABAU 24:2

Hkinjawng Yehoiada hkrung nga dingsa dai Madu awng sharawng ai hku shi galaw nga ai.

SHAKAWN KUNGDAWN 125:5

Rai ti mung, n hkru n shawp ai ni hpe nang ari jaw ai shaloi, na a lam ni hpe yit kau da nga ai ni hpe mung ari jaw u. Ngwi pyaw sim sa ai gaw Israela ni hte rau anga nga u ga law!

GA SHAGAWP 14:32

Tara n lang ai masha ni gaw shanhte a n hkru ai bungli hta hkrat sum ai lam hpe shabyin ya nga ai; mai kaja ai masha ni gaw shanhte a ding hpring ai amu hpe makawp maga da nga ai.

GA SHAGAWP 21:16

Htauli htaula myit rawng nga ai kaw nna yit mat wa ai ni kadai hpe mung Si du wa ala nga ai.

YEREMIA 34:16

Rai ti mung, nang gaw na a myit hpe galai shai kau nhtawm ngai hpe n kaw n law di kau nit dai. Nanhte yawng hte gaw mayam num mayam la ni hpe shanhte myit ra sharawng ai hte maren, nang dat dat kau sai rai tim, bai woi la nna shanhte hpe kalang mi bai atik anang mayam shatai da nit dai.

EZEKELA 17:20

Ngai gaw jaugawng wa lang ai mahkam sumgawn hpe hpyan tawn nna dai hta e, shi hpe lu shangun na nngai. Shi gaw ngai hta sadi n dung nga ai majaw, ngai shi hpe Babelon mung de woi wa nna dai mung e shi hpe ari jaw na nngai.

EZEKELA 18:18

Lam maga mi hku tsun ga nga yang, shi a kawa chyawm gaw maw lu maw sha nna adip arip di wu ai hte masha shagu hpe n hkru ai amu tut nawng galaw nga ai. Dai rai nna shi hkum nan shut hpyit kau ai yubak ni a majaw shi si nga ai.

EZEKELA 18:22

Shi gaw teng man ai amu galaw nu ai majaw, shi shut hpyit kau ai yubak ni yawng mara raw dat kau ai hkrum nna, shi hkrung nga na ra ai.

EZEKELA 18:26

Ding hpring ai wa mai kaja ai amu galaw nga ai kaw na htak mat nhtawm n hkru ai amu hpe galaw hpang ai shaloi, shi si nga ai, shi galaw yu sai n hkru ai amu ni a majaw shi si nga ai.

EZEKELA 20:27

Ya chyawm gaw, si chye ai masha wa e, Tsaw Htum ai dai Madu ngai nan gaw shanhte hpe kaning ngu tsun shadum nga ai lam, Israela amyu masha ni hpe htawn tsun u. Ndai gaw shanhte a kaji kawa ni n sadi sahka ai hku nna n sawn n sang di ai kaga lam rai nga ai.

EZEKELA 33:18

Ding hpring ai wa gaw mai kaja ai amu galaw nga ai hpe kau da nna n hkru n shawp ai amu hpe galaw hpang ai rai yang, dai amu a majaw shi si na ra ai.

EZEKELA 33:6

Shing n rai, sin langa wa gaw gumlau hpyen sa wa ai hpe mu nna shadum ai nsen n shapraw ai rai yang chyawm gaw gumlau hpyen wa sa wa nna mara kap ai ni hpe sat kau na ra ai; rai ti mung ngai gaw shanhte a si hkrung si htan a matu lit nga ai dai sin langa wa hpe bunglat hka hpyi na nngai.

ZEHPANI 1:6

Ngai kaw nna kayin mat wa ai ni hte ngai kaw sa du nna hkan nang na loi mi mung n myit ai ni hte shanhte hpe lam woi na matu ngai hpe hpyi lajin ai lam n nga ai ni hpe ngai jahtum kau na mawe ai,” nga nna tsun nga ai.

MARKU 13:13

Nye a majaw masha shagu nanhte hpe n ju n dawng ai hkrum na marin dai; rai ti mung jahtum du hkra shakut sharang ai wa kadai rai ti mung hkye hkrang la ai hkrum na ra ai.

YAWHAN 8:21

Yesu shanhte hpe bai tsun mu ai gaw, “Ngai wa mat na nngai, shaloi nanhte ngai hpe tam ti mung nanhte gaw tinang a yubak mara ni hta si mat na myit dai. Ngai wa ai shara de mung nanhte n du lu na myit dai,” ngu mu ai.

YAWHAN 8:24

Dai re ai majaw, nanhte gaw tinang a yubak hta si wa na marin dai ngu nna ngai nanhte hpe tsun ni ai. ‘Ngai gaw ngai wa rai nga nngai,’ hpe nanhte n kam n sham myit yang gaw, nanhte tinang a yubak hta si na marin dai,” ngu mu ai.

GALATI 3:3

Nanhte kaning rai nna wa ndai hte wa angawk si bu nga myit ta? Nanhte gaw dai wenyi hta kam hpa nna npawt hpang wa nhtawm me, ya gaw nanhte a hkum shan n-gun atsam marai hta kam hpa nna shangut mayu nga myit ni?

GALATI 3:4

Nanhte nan mu hkrum hkam sha lai wa sai ning san ai nni nkri hpe nanhte kaman sha hkam kau manu ni? Kaja wa dai mahkrum madup gaw nanhte a matu kaman n mai rai mat nga ai.

GALATI 5:7

Shawng de nanhte grai ahkyak ai hku galaw sa wa nga manit dai; dai teng man ai lam hpe n madat n mara myit ga, nanhte hpe kadai hkum shadang myit ta? Dai wa gaw nanhte hpe gara hku lau la a ta?

1 YAWHAN 2:19

Ndai masha ni gaw galoi mung anhte a kanawn mazum ai hte n seng ai ni rai ma ai majaw, anhte kaw na shanhte pru mat wa ma ai, anhte a kanawn mazum ai hte seng ai ni rai ma taw gaw shanhte gaw anhte hte rau nga nga na ma ai. Rai ti mung shanhte nlang anhte hte kaja wa n seng ai lam dan leng wa u ga, shanhte pru mat wa ma ai.

2 YAWHAN 1:8

Anhte galaw da ai amu hpe nanhte n shamat kau myit dai sha nanhte a shabrai hpe hpring tsup hkra hkam la lu myit ga, tinang dai sadi nga mu.

YUDA 1:12

Shanhte gaw kaya kahpa n chye hkra garu kachyi nga nna lu sha nga ma ai majaw, shanhte a kanawn mazum ai lu sha hpawng gaw matsat shabat ginra zawn rai nga ai. Shanhte gaw shanhte a akyu hpe sha tam ma ai; shanhte gaw marang n lawm ai nbung e shapoi hkawm ai sumwi ni hte mung, nshung shang wa mahka du wa tim asi n si nna ru hte hpawn gang baw tawn ai hte tsep kawp si mat ai hpun hte mung bung ma ai.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.

SHINGRAN 3:11

Ngai alawan du na ring ngai; na a janmau hpe kadai mung n kashun la kau ya u ga, nang lu ai made hpe asin nga u.

1 SAMUELA 15:11

“Shawlu hpe hkawhkam shatai kau ni ai majaw ngai yawn la nngai; shi gaw ngai kaw na kayin mat wa ai hte nye a hkang da ai ga ni hpe mung n madat mat nu ai,” ngu nna tsun wu ai. Dai majaw, Samuela masin pawt nga ai; dai Madu hpe mung shana tup hpyi nem nga wu ai.