EZEKELA 18:20 - Jinghpaw Common Language Bible 2009

²⁰ Yubak galaw ai wa gaw si na ra ai. Kawa galaw ai yubak ni a majaw kasha hkam ra na n rai, kasha galaw ai yubak ni a majaw kawa hkam na ra ai n rai. Mai kaja ai masha wa gaw shi galaw ai mai kaja ai amu a majaw shagrau sha-a hkrum nna, n hkru ai masha wa gaw shi galaw ai n hkru ai amu a shabrai hpe hkam la na ra ai.

Jinghpaw Hanson Version Bible

²⁰ Yubak galaw ai myit masin gaw, si na ra ai: kasha gaw kawa a yubak hpe, kawa gaw kasha a yubak hpe, hkam na, n rai; dinghpring ai wa a dinghpring ai gaw, shi a ntsa e, tara n lang ai wa a tara n lang ai gaw, shi a ntsa e, mara na ra ai.

EZEKELA 18:20 ပူးပေါင်းရင်းမြစ်များ

1 HKAWHKAM 14:13

Israela amyu masha ni yawng shi hpe sharung shayawt ma ai hte makoi mayang na mara ai. Shi chyu sha dai Madu Israela a Karai Kasang a awng sharawng hkrum nga ai wa re majaw Yeroboam a dinghku masha ni hta na shi chyu sha htap htuk ai hku makoi mayang ai hkrum na rai wu ai.

1 HKAWHKAM 8:32

O Madu e, sumsing lamu hta e madat la nna, na a shangun ma ni hpe jeyang mi. Mara kap ai wa hpe shi hkam la ging ai hte maren ari jaw u; mara n kap ai wa hpe chyawm gaw shi lu la ging ai hte maren mara dat ya u law.

2 HKAWHKAM 14:6

Kaning mi rai ti mung shi chyawm gaw Mawshe a Tara hta dai Madu ndai hku nna hkang da nga ai lam hkan nga ai majaw shanhte a kashu kasha ni hpe n sat kau ya mu ai. Dai tara hta, “Kanu kawa ni shut kau ai ru hka amu a majaw kashu kasha ni sat kau hkrum na n rai; shanhte a kashu kasha ni shut kau ai ru hka amu ni a majaw kanu kawa ni sat kau hkrum na mu ai n rai; shi hkum nan shut kau ai ru hka amu a majaw sha dai wa sat kau ai hkrum na rai wu ai,” ngu ai rai nga ai.

2 HKAWHKAM LABAU 25:4

Rai ti mung shi chyawm gaw dai Madu hkang da nu ai Mawshe a Tara hta hkan ai kashu kasha ni hpe n sat kau ya nga ai. Dai tara hta, “Shanhte a kashu kasha ni shut kau ai ru hka amu ni a majaw kanu kawa ni sat kau ai hkrum na n rai; kanu kawa ni shut kau ai ru hka amu ni a majaw kashu kasha ni sat kau ai hkrum na ma ai n rai; shi hkum nan shut kau ai ru hka amu a majaw dai wa chyu sha sat kau ai hkrum na rai nga ai.”

2 HKAWHKAM LABAU 6:23

O Madu e, sumsing lamu hta e madat la nna na a shangun ma ni hpe jeyang mi; mara kap ai wa hpe shi hkam la ging ai hte maren ari jaw u, mara n kap ai wa hpe chyawm gaw shi hkam la ging ai hte maren mara dat ya u law.

2 HKAWHKAM LABAU 6:30

shanhte a akyu hpyi ga hpe na ya u. Sumsing lamu na na a nta hta shanhte a ga hpe madat ya nna shanhte a mara dat ya u law. Nang chyu sha shinggyim masha a myit masin kata na myit mang ai lam ni hpe chye ya nga ndai. Langai hte langai tinang galaw ai amu hte maren hkam la shangun mi law;

PRU MAT 32:33

Dai Madu gaw, “Kadai wa ngai hpe shut ai rai yang, nye a laika hta na dai wa a mying hpe arut kau na we ai.

ESAIA 53:11

Nni nkri hkrum sha ai asak a hpang, shi gaw kabu gara ai lam bai lu la na ra ai; shi gaw kaman lila nni nkri n hkam kau ai lam hpe chye wa na ra ai. Ngai sharawng awng ai hte ding man ai nye a shangun ma gaw, law law a ari hpe gun kau ya na ra ai, shi a jaw e, ngai shanhte hpe mara dat ya na nngai.

EZEKELA 14:14

Noa, Danela (Daniela) hte Yoba mying ai marai masum gaw, dai yang e nga nga ma ti mung, shanhte a mai kaja ai amu hte chyu sha shanhte a asak hpe hkye la lu na ma ai,” ngu nna tsun ai. Tsaw Htum ai dai Madu tsun nu ai.

EZEKELA 14:16

marai masum hte gaw dai yang e nga nga ti mung Tsaw Htum ai dai Madu ngai nan ahkrung nga ai Karai Kasang rai nga nngai, dai majaw shanhte gaw shanhte a kashu kasha ni hpe pyi mawai la lu ai n rai. Shanhte gaw tinang a asak a matu chyu sha hkye la lu na ma ai. Dai mungdan gaw shingran sharat katsi ai shara tai mat na ra ai.

EZEKELA 18:13

amyat a matu gumhpraw hkoi sha nga ai. Shi hkrung nga na rai nga a ni? N rai law, shi hkrung nga lu na ra ai n rai. Shi gaw ndai matsat shabat amu ni yawng hpe galaw nu ai majaw, shi si na rai wu ai. Shi gaw shi a si hkrung si htan a matu shi nan mara shagun hkrum na ra ai.

EZEKELA 18:30

“Ya chyawm gaw, nanhte galaw dan sai arawn alai hte maren, nanhte langai hte langai hpe tara jeyang na nngai, nga nna dai Tsaw Htum ai Madu ngai nan Israela amyu masha ni hpe tsun nga nngai. Nanhte galaw shut kau ai yubak gaw nanhte hpe n jahten kau u ga, nanhte galaw shut hpyit kau ai n hkru n shawp ai amu yawng kaw nna kayin wa marit.

EZEKELA 18:4

Ngai gaw masha shagu a asak hpe madu nngai. Kanu kawa a asak hpe mung, kashu kasha a asak hpe mung madu nngai. Yubak galaw ai wa chyawm gaw si na ra ai.

EZEKELA 33:10

Dai Madu gaw ngai hpe ga shaga wu ai. Shi gaw, “Si chye ai masha wa e, Israela ni kaning nga tsun nga ai ga shanhte hpe kahtap tsun dan u: ‘Anhte gaw anhte a yubak ni hte shut kau sai mara ni hte lit li nga ga ai. Anhte gaw n-gun lagaw mung htum mat saga ai. Anhte kaning rai hkrung lu na ga ta?’

EZEKELA 33:6

Shing n rai, sin langa wa gaw gumlau hpyen sa wa ai hpe mu nna shadum ai nsen n shapraw ai rai yang chyawm gaw gumlau hpyen wa sa wa nna mara kap ai ni hpe sat kau na ra ai; rai ti mung ngai gaw shanhte a si hkrung si htan a matu lit nga ai dai sin langa wa hpe bunglat hka hpyi na nngai.

EZEKELA 4:4

“Dai hpang, na a pai maga nhkrem de hkrawn taw nga u, ngai gaw Israela amyu masha ni a shut hpyit ai amu na a ntsa e mara da ya na nngai. Shanhte galaw kau ai shut hpyit amu a majaw dai shara hta nhtoi masum tsa jahku shi ya tup hkrawn taw nga nna nni nkri hkrum sha na rin dai. Shanhte hpe jaw tawn ai ari htum mat ai aten du hkra, ngai nang hpe lani mi a matu laning mi hku ari jaw da ni ai.

JAW JAU 10:17

shi gaw, “Hpa majaw chyoi pra ai shara hta htingrai hkungga hpe nan sha myit ni? Dai gaw grai chyoi pra ai rai nna shawa hpung ting a yubak mara la kau ya na matu nanhte hpe dai Madu jaw da manit dai.

JAW JAU 16:22

Dai bainam gaw shanhte a yubak mara ni yawng hpe katsi katsang re ai shara de gun mat wa na ra ai.

JAW JAU 19:8

Dai hpe sha ai wa kadai mung ngai hpe nawng ya sai arai hpe awu asin di kau na wu ai majaw mara lu na rai wu ai. Shi mung nye a amyu masha hta na sumri dan kau ai hkrum na rai wu ai.

JAW JAU 5:1

Htingrai htingrat hkungga galaw ra ai amu ni gaw lawu de na hte maren rai nga ai. Masha langai ngai tara rung e sakse sa hkam na matu tara shang shaga da hkrum nna shi mu ai hte na a amu lama ma a lam hpe shiga n jaw ai rai yang, de a mara shi hkam sha lu na rai nga ai.

JAW JAU 5:17

Marai langai ngai gaw dai Madu hkang da ai lam lama ma hpe n dum shami yubak galaw hkrup kau ai rai yang, mara lu nga ai rai nna yubak ari gun lu na rai nga ai.

BU HKAWM 15:31

shi gaw dai Madu tsun ai ga hpe n kaw n law di nna, shi a hkang da ai tara hpe dingsa sa jahten kau wu ai majaw shi hkum nan si hkrung si htan hkrum na rai wu ai.

BU HKAWM 18:1

Dai Madu gaw Arun hpe, “Nye a hpung shingkang shanu nga ai Sum kata hta daw jau amu hte seng ai shut hpyit mara hpe nang hte na a shadang sha ni hte Lewi masha ni hkam sha lu na rai ma ai; rai ti mung hkinjawng aya hte seng ai daw jau amu hte seng ai shut hpyit mara hpe chyawm gaw nang hte na a shadang sha ni chyu sha hkam sha lu na rai myit dai.

MAHTE 16:27

Hpa majaw nga yang, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe htang na ra ai.

TARA JAHPRANG 24:16

“Kasha ni shut hpyit kau ai ru hka amu a majaw kanu kawa ni si ai hkrum na n rai; kanu kawa ni shut hpyit kau ai ru hka amu a majaw kashu kasha ni si ai hkrum na n rai; tinang nan shut hpyit kau ai ru hka amu a majaw tinang nan si lu na rai nga ai.

HEBRE 9:28

Dai hte maren Hkristu mung masha law law a yubak mara hpe kalang mi hte ngut hkra gun kau ya na matu shi a hkum hpe hkungga shatai nna nawng kau nu ai. Yubak gun kau ya ai lam hte n seng ai sha shi hpe ala nga ai ni hpe hkye hkrang la na matu lahkawng lang ngu na bai dan pru na ra ai.

1 PETRU 2:24

Anhte gaw yubak mara hpe kau da nna ding hpring ai hta e hkrung nga lu u ga, shi gaw shi hkum hta nanhte dai hpun ntsa e anhte a yubak mara ni hpe gun la kau nu ai. Shi a nma ni a gawp e nanhte shamai shatsai ai hkrum manit dai.

SHINGRAN 2:23

Shi a hpang hkan nang ai ni hpe mung ngai sat kau na mawe ai. Dai shaloi ngai gaw, masha shagu a myit mang ai lam ni hte maw mawn ai lam ni hpe yawng chye ya ai Madu ngai rai nga nngai gaw, hpung ni chye lu na mara ai. Nanhte hta na langai hte langai hpe, tinang galaw sai amu hte maren ngai htang jaw na made ai.

SHINGRAN 20:12

Si mat wa sai ni mung, kaji kaba n nga, tingnyang a man e tsap nga ma ai hpe ngai mu nngai. Laika ni hpe hpaw tawn nga ai. Asak laika ngu ai kaga Laika hpe mung hpaw tawn nga ai. Si mat wa sai ni gaw, shanhte galaw lai wa sai amu hte maren, laika ni hta ka da nga ai hta hkan nna tara daw dan ai hkrum ma ai.)