EZEKELA 18:17 - Jinghpaw Common Language Bible 2009

¹⁷ Shi gaw n hkru ai amu galaw na matu ningdang kau ai hte amyat lu na matu gumhpraw n hkoi sha nga ai. Shi gaw nye a tara ni hpe shadik nna hkang da ai nye a tara ni hpe hkan nang nga ai. Shi gaw shi kawa a shut hpyit ai yubak ni a majaw, si na ra ai n rai; shi gaw teng teng hkrung nga na ra ai.

Jinghpaw Hanson Version Bible

¹⁷ nni nkri hkrum ai wa hpe n sharu, amyat hte gumhpraw n hkoi ya ai sha, nye a tara ga shatup nna, hkang da ai matsun maroi ga hkan nga ai rai yang, dai wa gaw kawa a yubak majaw si wa na n rai, shi teng teng hkrung nga na ra ai.

EZEKELA 18:17 ပူးပေါင်းရင်းမြစ်များ

YOBA 29:16

Ngai gaw matsan mayan masha ni a matu kawa langai zawn rai nga nngai; tsin-yam hkrum ai tsasam masha ni a amu hpe ngai sawk yu nngai.

SHAKAWN KUNGDAWN 119:1

Dai Madu a hkang da ai tara hte maren, mara n kap ai hku asak hkrung nga ai ni gaw a lu ma ai.

SHAKAWN KUNGDAWN 119:3

Shanhte gaw galoi mung shut hpyit ai amu hpe galaw nga ma ai n rai; shanhte gaw dai Madu a lam ni hta ahkawm nga ma ai.

GA SHAGAWP 14:31

Matsan mayan ni hpe nang dip gamyet sha ai rai yang, shanhte hpe hpan da ai Karai Kasang hpe nang n gawn n sawn di nga ndai; rai ti mung, matsan mayan ni hpe matsan dum myit madun ai chyawm gaw Madu hpe nawku daw jau ai lam rai nga ai.

GA SHAGAWP 29:14

Hkawhkam wa gaw matsan mayan masha wa a ahkaw ahkang hpe makawp maga ya ai wa rai yang shi gaw shaning na na up hkang lu na ra ai.

GA SHAGAWP 29:7

Mai kaja ai wa gaw matsan mayan wa a ahkaw ahkang hpe chye ya nga ai; tara n lang ai masha ni gaw dai zawn re ai amu ni hpe n chye na lu ma ai.

YEREMIA 16:19

Madu e, nang gaw ngai hpe makawp maga ai hte n-gun atsam jaw ya ai wa rai nga ndai; nang gaw ngai hpe ru tsang hkrum ai aten ni hta karum la nga ndai. Mungkan ga a jahtum de na amyu baw ni gaw nang kaw du sa wa nna, “Anhte a kaji kawa ni gaw hpara sumla ni hta kaga hpa mung n nga nga ai, dai ni gaw hpa akyu n rawng ai hte kaman lila hkrai rai nga ai.

YEREMIA 22:16

Shi gaw matsan mayan masha ni hpe rap ra ai tara hku jeyang ai rai nna lam shagu gaw mai kaja nga ai. Dai gaw dai Madu hpe chye chyang na matu lachyum shapraw dan nga ai.

EZEKELA 18:13

amyat a matu gumhpraw hkoi sha nga ai. Shi hkrung nga na rai nga a ni? N rai law, shi hkrung nga lu na ra ai n rai. Shi gaw ndai matsat shabat amu ni yawng hpe galaw nu ai majaw, shi si na rai wu ai. Shi gaw shi a si hkrung si htan a matu shi nan mara shagun hkrum na ra ai.

EZEKELA 18:18

Lam maga mi hku tsun ga nga yang, shi a kawa chyawm gaw maw lu maw sha nna adip arip di wu ai hte masha shagu hpe n hkru ai amu tut nawng galaw nga ai. Dai rai nna shi hkum nan shut hpyit kau ai yubak ni a majaw shi si nga ai.

EZEKELA 18:28

Shi gaw shi hpa galaw yu sai amu ni hpe chye myit dum wa ai hte yubak galaw ai amu hpe kau da ai rai yang, shi gaw teng teng n si na ra ai, shi matut nna asak hkrung nga lu na ra ai.

EZEKELA 20:18

Shing rai galaw na malai, nanhte a kaji kawa ni hkan ai tara ni hpe hkum hkan shadik myit, shanhte hkan ai htung lailen ni hpe hkum hkan dagraw myit; shanhte a hpara sumla ni hte nanhte hkum nan awu asin matsat shabat hkum rai nga myit, ngu nna shanhte hta lawm nang ai shabrang ni hpe ngai shadum ni ai.

EZEKELA 20:30

Nanhte gaw nanhte a kaji kawa ni galaw shut hpyit ai yubak hte maren shanhte a hpara sumla hpang de hpa majaw hkan nang mayu nga myit ni?, ngu nna ngai san nga ai ga, dai Israela amyu masha ni hpe ya jang tsun dan u.

EZEKELA 3:21

Nang gaw mai kaja ai wa hpe yubak n galaw hkrup na matu shadum jahprang nna, shi gaw na a ga madat let yubak n galaw ai rai yang, shi asak hkrung nga na ra ai, na a asak mung lawt lu na ra ai,” ngu nna tsun wu ai.

EZEKELA 33:13

Mai kaja ai wa asak hkrung nga na ra ai ngu nna ngai ga sadi jaw lu ti mung, lai sai aten na shi a mai kaja ai lam hta myit dik dum nna yubak galaw ai rai yang, shi galaw sai mai kaja ai amu hpa hpe mung ngai dum ya na nngai n rai. Shi galaw sai yubak mara a majaw shi si na ra ai.

Daniela 4:27

Dai rai nna madu hkawhkam e, nye a hpaji jaw ga hta hkan u. Yubak lam hpe kau da nna jaw ai amu galaw u. Matsan mayan masha ni hpe matsan dum u. Shaloi nang gaw matut nna ngamu ngamai wa na rai ndai.”

JAW JAU 18:26

Shanhte yawng gaw dai zawn re ai matsat shabat amu galaw nna mungdan hpe n san n seng shangun nga ai; rai ti mung nanhte chyawm gaw dai ni zawn galaw lu na myit dai n rai. Nanhte hte rau nga nga ai Israela masha ni hte maigan masha ni gaw dai Madu a tara ni hte hkang da ai ga ni hpe hkan sa shadik shatup lu na rai myit dai.

JAW JAU 18:30

Dai Madu gaw, “Ngai jaw da made ai hkang da ai ga ni hpe madat mara nna nanhte a shawng e dai mung hta nga nga sai amyu masha ni a htung lailen ni hta hkum hkan nga myit. Ndai amu galaw let nanhte a hkum ni hpe matsat shabat hkum di kau nga myit. Ngai gaw dai Madu nanhte a Karai Kasang rai nga nngai,” ngu nna tsun wu ai.

JAW JAU 18:4

Nye a tara ni hpe madat mara let ngai hkang da ai ga ni hpe hkan galaw lu na rai myit dai. Ngai gaw dai Madu nanhte a Karai Kasang rai nga nngai.

MALAHKI 3:7

Nanhte gaw nanhte a shawng na nji nwa ni zawn, nye a tara ni hpe kau da nna n hkan shatup myit dai. Ngai hpang de nhtang wa marit, ngai mung nanhte hpang de nhtang wa na nngai. Rai ti mung nanhte mahtang, “Anhte mahtang nang hpang de kaning rai nhtang wa lu na rai ta?,” nga nna san myit dai.

LUKA 19:8

Zake rawt tsap nna, “Madu e, nye a sut rai ka-ang hkup matsan mayan ni hpe ngai garan jaw na we ai; bai langai ngai hpe ngai mawp sha kau ai rai yang gaw, htam mali ngai bai wa na we ai,” ngu nna Madu hpe tsun wu ai.

ROMA 2:7

Masha nkau mi gaw kaja ai amu galaw nga let, hpung shingkang hpe mung, arawng sadang hpe mung, n si n mat ai asak hkrung lam hpe mung tam nga ma ai; Dai ni hpe Karai Kasang htani htana asak jaw na ra ai.