EZEKELA 18:16 - Jinghpaw Common Language Bible 2009

¹⁶ Kadai hpe mung n dip gamyet sha, kadai hpe mung n zingri nga ai. Hkoi shap la ai wa shi hpe tang da ai arai ap da ai arai hpa hpe mung shi bai nhtang ap ya nga ai. Kawsi hpang gara ai wa hpe lusha jaw nna singgu krin re ai wa hpe hpun palawng gam ya nga ai.

Jinghpaw Hanson Version Bible

¹⁶ kadai hpe mung n zingri, tang da ai arai n la, masha rai hpe n kashun la, kawsi ai wa hpe jaw sha nna, hpun palawng n lu ai wa hpe shabu jahpun;

EZEKELA 18:16 ပူးပေါင်းရင်းမြစ်များ

YOBA 22:6

Shi hkoi la ai gumhpraw nang hpe bai nhtang jaw shangun nga ndai, nang gaw shi a hpun palawng ni hpe la kau ya nna, singgu krin tawn da nga ndai.

YOBA 22:7

Nang gaw hki ba ai ni hpe lu ntsin n jaw hkraw ndai, kawsi kyet ai ni hpe lusha n jaw hkraw ndai.

YOBA 31:16

Ngai gaw matsan mayan masha ni hpe galoi mung karum nngai; gaida gaina ni hpe mung galoi mung myit htum shangun ai n rai.

YOBA 31:19

Ngai gaw bu hpun palawng mari la na matu nau matsan nna ra kadawn nga ai wa hpe mu ai shaloi,

YOBA 31:20

nye a sagu hpung na lu la ai sagu mun hte da ai hpun palawng shi hpe jaw nngai. Shaloi shi a myit masin mahkra hte shi ngai hpe shakawn wu ai.

SHAKAWN KUNGDAWN 41:1

Matsan mayan masha ni a matu, myit ru myit tsang ya nga ai ni gaw a nga ai; shanhte ru tsang hkrum nga ai shaloi, dai Madu gaw shanhte hpe karum la na ra ai.

GA SHAGAWP 22:9

Ndaw nhta jaw ya u; Na a lusha matsan mayan wa hpe garan ya u, shaloi dai amu a majaw shaman ai chyeju nang hkam la na rin dai.

GA SHAGAWP 25:21

Na a gumlau hpyen wa kawsi hkrum ai shaloi, shi hpe lusha jaw u; shi hpang gara nga ai rai yang, lu sha ntsin jaw u.

GA SHAGAWP 31:20

Shi gaw matsan mayan ni hte ra kadawn ai ni hpe nhpaw n-ya jaw lu jaw sha kam nga ai.

EZEKELA 18:12

Shi gaw matsan mayan ni hpe adip arip di nna maw lu maw sha ai hte hpya lu hpya sha nga ai. Hkoi la ai wa shi hpe tang da ai arung arai hpe mung mazing la kau ya nga ai. Shi gaw maigan htung tara hkan ai ni galaw da ai htingnu shara hkan sa nna matsat shabat re ai hpara sumla ni hpe nawku ai hte,

EZEKELA 18:15

Shi gaw Israela a hpara sumla ni hpe n nawku, hkum da ai hkungri ni hta nawng jau ai shagu hkungga shan ni hpe n sha nga ai: kaga masha wa a madu jan hpe mung n shaw nga ai.

EZEKELA 18:7

Shi gaw kadai hpe mung mawp sha ai hte kashun kashe amu galaw nga ai n rai. Arai hkoi shap la ai wa shi hpe tang da ai arai jaw yang, shi bai nhtang ap ya nga ai; shi gaw kawsi hpang gara ai wa hpe lusha jaw nna, singgu krin re ai wa hpe hpun palawng gam ya nga ai.

MAHTE 25:35

Hpa majaw nga yang, ngai kawsi jang, nanhte ngai hpe sha na jaw myit dai; ngai manam tai hkawm yang nanhte a nta ni hta hkap la nna daw jaw myit dai;

MAHTE 25:36

singgu krin rai jang, nanhte ngai hpe jahpun myit dai; machyi hkrum jang, nanhte ngai hpe gawn lajang myit dai; htawng rawng nga yang, nanhte ngai hpe kawan yu myit dai,’ ngu na mu ai.

LUKA 11:41

Rai ti mung, nanhte a gawm hte ban ni hta rawng ai arai ni hpe matsan mayan ni e jaw kau mu, shing rai galaw yang, nanhte a matu nga manga san pra wa na malit dai.

LUKA 14:13

Nang lusha poi galaw daw n yang, matsan mayan ni, jahten labye ni, lagaw hten ai ni hte myi kyaw ai ni hpe shaga la u.