EZEKELA 17:9 - Jinghpaw Common Language Bible 2009

⁹ “Dai rai nna, Tsaw Htum ai dai Madu ngai nan san yu nngai: Ndai sabyi ru gaw hkrung nga ai hte tu kaba wa lu na kun? Shawng na galang gaw dai aru hpe baw kau nna asi ni hpe di la nhtawm, lakung lakying ni hpe krum kau ai hte dai ni hpe nyui nyip shangun na rai wu ni? Dai hpe gang baw na matu n-gun law dat ra na n rai; shing nrai n-gun rawng ai amyu baw ra na n rai.

Jinghpaw Hanson Version Bible

⁹ “Dai rai nna tsun u, ‘Madu Yehowa ning nga ai, Dai ru gaw kaba wa lu na kun? Nyip mat na matu, shi gaw de a aru baw kau nna, asi di la na, n rai ni? De a lap mahkra nyip mat wa na ra ai, n rai ni? N-gun ja ai lahpum hte, masha law nga timung, dai ru gaw kaba wa lu na, n rai.

EZEKELA 17:9 ပူးပေါင်းရင်းမြစ်များ

2 HKAWHKAM LABAU 13:12

Karai Kasang shi nan anhte a ningbaw rai nga ai rai nna shi a hkinjawng ni mung pahtau ni hte ndai yang e nga nga ma ai majaw pahtau dum na matu jin jin galaw da nga ai hte nanhte hpe majan gasat na matu anhte hpe shaga nga ma ai. Dai rai nna Israela amyu masha ni e, dai Madu nanhte a kaji kawa ni a Karai Kasang hpe hkum gasat myit! Nanhte dang lu na myit dai n rai!”

2 HKAWHKAM LABAU 20:20

Hpang jahpawt manap jau jau aten e, amyu masha ni dai Tekoa mare makau na nam mali de pru sa mat wa ma ai. Shanhte shamu hpang wa ma yang Yehoshahpat gaw ning ngu nna shanhte hpe tsun matsun wu ai: “Yuda mung hte Yerusalem mare na amyu masha ni e, dai Madu nanhte a Karai Kasang hpe kam hpa nga mu; shaloi nanhte ngang grin wa lu na marin dai. Nanhte hpe tsun ai myihtoi ni a ga hpe kam mu, shaloi nanhte awng dang na marin dai.”

YEREMIA 32:5

Zedekia gaw Babelon mung de woi la hkrum na ra ai, shi gaw dai mung hta ngai hte hkrum kanawn ai aten du hkra, dai shara hta shi naw nga nga na ra ai. Shi gaw Babelon mung masha ni hpe gasat ti mung, awng dang na ra ai n rai. Dai Madu ngai nan tsun ni ai,” nga ai.

YEREMIA 37:10

Nang gaw Babelon hpyen luksuk ting hpe gasat dang kau nna hkala nba hkrum ai ni chyu sha ngam nga ai hte shanhte a sum ni hta taw nga ma ti mung, dai masha ni rawt wa nna ndai mare hpe dap byin mat hkra nat kau na mara ai,” ngu nna tsun wu ai.

EZEKELA 17:10

Rai sa, dai hpe hkai da sai, rai ti mung, dai gaw hkrung nna tu kaba wa na rai ni? Sinpraw nbung gaw dai hpe ahpawt kau ai shaloi, dai gaw nyip mat wa na n rai ni? Dai gaw shi tu kaba wa ai shara hta nyip mat wa na ra ai n rai ni?”

EZEKELA 17:8

Rai ti mung, dai sabyi ru hpe ga sau kaja nna hka hkru hkru lu lu ai lamu ga hta hkai da mu ai; dai sabyi ru gaw alap ni lali wa nna asi si wa nhtawm hpun ru kaja tai nga ai.

AMO LAIKA (AMOS) 2:9

“Ti mung, nye a amyu masha ni e, arit hpun daram tsaw nna wamyi hpun zawn n-gun ja ai Amori la wa-ngan ni hpe na a majaw ngai tsep kawp jahten shaza kau ni ai.

BU HKAWM 14:41

Rai ti mung Mawshe mahtang, “Dai rai yang nanhte hpa majaw dai Madu a ga hpe ya n madat nga myit ni? Nanhte awng dang lu na myit dai n rai!