EZEKELA 17:6 - Jinghpaw Common Language Bible 2009

⁶ Dai gaw makrung prut lung wa nna nem ai hte dam lada hkrawn ai sabyi hpun tai wa sai. Lakung lakying ni mung galang nga ai maga de tu hkrawn mat wa nna ru ni mung sung sung jung nga ai. Dai sabyi ru gaw shi a lakung lakying ni hta lali tsawm ai alap ni hte ka-up nga ai.

Jinghpaw Hanson Version Bible

⁶ Dai gaw anem sha hkrawn ai tsabyi ru zawn tu nna, de a lakung lakying ni gaw langda nga ai de hkrawn wa nna, shi a npu e ru jung wa ai: shing rai dai gaw, lakung lakying kying ai hte makrung krung ai tsabyi ru tai wa sai.

EZEKELA 17:6 ပူးပေါင်းရင်းမြစ်များ

2 HKAWHKAM LABAU 36:10

Ya ginhtawng ta bai du jang, Nebuhkadneza gaw Yehoiahkin hpe bawng rim la nna Nawku Htingnu na sut gan arung arai ni hte hpawn, Babelon mung de woi wa wu ai. Dai hpang Nebuhkadneza gaw Yehoiahkin a kawa toi rai nga ai Zedekia hpe Yuda mung hte Yerusalem a hkawhkam shatai da wu ai.

SHAKAWN KUNGDAWN 80:8

Nang gaw Egutu mung kaw na sabyi ru langai mi hpe la wa ndai; kaga amyu baw ni hpe nang gawt shapraw kau nhtawm, dai hpe shanhte a lamu ga hta, hkai nit dai.

ESAIA 18:5

Pu ni yawng run hkrat mat nna sabyi si ni myin wa nga ai aten, sabyi si ni hpe garai n di mahkawng yang, sabyi ru ni kaw na kungdam ai lakung lakying ni hpe nhkyi hte aloi loi sha kran kau ai zawn, gumlau hpyen ni gaw Ehtiopi masha ni hpe jahten shaza kau na ra ai.

EZEKELA 17:14

hte shanhte galaw tawn ai ga shaka grin nga na matu ahkyak ai masha kaba ni hpe sat hkam na masha ni hpe zawn woi mat wa wu ai.

EZEKELA 17:5

Dai hpang, shi gaw Israela mungdan na hkai bawng baw la nna dai hpe ga sau rawng nhtawm tu kaba wa shangun na hka tut nawng jaw ya lu ai shara hta hkai da wu ai.

EZEKELA 17:7

Htat ai u mun law law tu nna, galu kaba ai singkaw tu ai galang kaga langai mi mung nga ai. Ya dai sabyi ru gaw galang hpang de, shi a ru ni hkram sa wa ai hte alap ni mung shi hpang de man yawng nga ai. Dai sabyi ru gaw shi tu kaba wa ai sun hta grau nna hka lu lu na myit mada nga ai.

EZEKELA 19:10

Na a kanu gaw hka kau e hkai ai sabyi ru hte bung nga ai hka shi langai a makau e hkai da nga ai. Hpa majaw nga yang, hka alaw alam nga ai rai nna, sabyi ru gaw alap ni hte asi ni hte ka-up da nga ai.

EZEKELA 29:15

yawng hta n-gun kya htum ai mungdan tai na ra ai, shanhte gaw kaga masha amyu baw ni hpe galoi mung bai up lu na mara ai n rai. Shanhte myit ra ai hku kaga amyu ni hpe n dagup lu mu ga, shanhte hpe kachyi mi mung ahkyak n shatai na we ai.

MAHTE 13:26

Ya dai mam tu wa nna asi si jang, tsing mung dan pru wa ai.