EZEKELA 17:5 - Jinghpaw Common Language Bible 2009

⁵ Dai hpang, shi gaw Israela mungdan na hkai bawng baw la nna dai hpe ga sau rawng nhtawm tu kaba wa shangun na hka tut nawng jaw ya lu ai shara hta hkai da wu ai.

Jinghpaw Hanson Version Bible

⁵ Dai mung na nli hpe mung shi la nna, sau ai lamu ga hta gat da wu ai; hka law ai na lawk hta shi dai hpe ban da nna, mu mahka hpun zawn hkai da wu ai.

EZEKELA 17:5 ပူးပေါင်းရင်းမြစ်များ

2 HKAWHKAM 24:17

Nebuhkadneza gaw Yehoiahkin a kawa toi Matania hpe Yuda hkawhkam shatai la nhtawm shi a amying hpe Zedekia ngu nna galai shamying da ya wu ai.

ESAIA 15:7

Masha ni gaw shanhte lu ai sut gan yawng hte hprawng shakut lu na matu Mu Mahka Kadit hpe lai di ma ai.

ESAIA 44:4

Shanhte gaw hka hkru ai tsingdu ni hte lwi hkrat wa ai hka shi makau hkan tu ai u byap hpun ni zawn bawngring wa na mara ai.

YEREMIA 12:2

Nang shanhte hpe hkai da ai hte shanhte ru jung nga ma ai; shanhte tu kaba wa nna asi si nga ai. Shanhte gaw na a mai kaja lam hpe tut nawng tsun ma ai, timung, shanhte gaw nang hpe teng teng hpa zawn n nawn nga ma ai.

YEREMIA 37:1

Babelon Hkawhkam Nebuhkadneza gaw Yehoiakim a kasha Yehoiahkin a malai Yuda Hkawhkam Yoshia a kasha Zedekia hpe hkaw shadun wu ai.

EZEKELA 17:13

Shi gaw hkawhkam wa a dinghku masha langai hpe woi la nhtawm shi hte ga shaka tawn da nna, shi hta sadi dung nga na matu shi hpe dagam shangun wu ai. Shi gaw dai mungdan hta bai n kasu kabrawng na matu

EZEKELA 17:4

dai hpe hpaga ga ai mung de makrang wa nhtawm, gun rai dut sha ai mare hta tawn da wu ai.

EZEKELA 17:6

Dai gaw makrung prut lung wa nna nem ai hte dam lada hkrawn ai sabyi hpun tai wa sai. Lakung lakying ni mung galang nga ai maga de tu hkrawn mat wa nna ru ni mung sung sung jung nga ai. Dai sabyi ru gaw shi a lakung lakying ni hta lali tsawm ai alap ni hte ka-up nga ai.

EZEKELA 31:4

Dai hpun tu kaba wa shangun na hka nga nga ai, Dai hpe lusha tam jaw na ga npu na hka nu ni nga nga ai Shanhte gaw dai hpun tu nga ai shara hta hka jaw ma ai. Nam maling na hpun ni yawng hpang de hka shi ni lwi shangun da nga ai.

EZEKELA 31:5

Dai hpun gaw hka kaja lu lu ai majaw, Dai hpun gaw kaga hpun ni hta grau tsaw nga ai. De a lakung lakying ni gaw kaba ai hte galu nga ai.