EZEKELA 17:24 - Jinghpaw Common Language Bible 2009

²⁴ Dai mung na hpun ni yawng gaw ngai nan dai Madu rai nga nngai hpe chye na mara ai. Ngai gaw hpun galu ni hpe kran kau nna hpun kaji ni hpe tu galu shangun na nngai. Ngai gaw tsit lali ai hpun ni hpe shanyip kau nna hkraw ai hpun ni hpe tsit lali shangun na nngai. Dai Madu ngai nan tsun ni ai. Ngai galaw na ngu tsun sai amu hpe ngai galaw na we ai.”

Jinghpaw Hanson Version Bible

²⁴ Shing rai, ngai Yehowa gaw, tsaw ai hpun hpe shanem kau nna, nem ai hpun hpe shatsaw nngai mung, tsit lali ai hpun hpe jahkraw kau nna, hkraw ai hpun hpe tsit lali shangun nngai mung, nam mali na hpun ni yawng chye lu na mara ai: ngai Yehowa nan tsun ai hte maren shabyin nngai,” nga ai.

EZEKELA 17:24 ပူးပေါင်းရင်းမြစ်များ

YOBA 40:12

Rai sa, dai ni hpe mada yu nna shagrit kau u; n hkru ai ni hpe shanhte tsap nga ai shara hkan kabye agrawp kau u.

YOBA 5:11

Rai sa, Karai Kasang gaw grit nem ai wa hpe shagrau shatsaw nna, madai sharung ai ni yawng hpe kabu gara ai lam jaw ya nga ai.

SHAKAWN KUNGDAWN 89:38

Rai ti mung, nang gaw nang lata ai hkawhkam wa hpe masin pawt nga ndai; nang shi hpe kabai kau da ai hte tawn kau da nit dai.

SHAKAWN KUNGDAWN 89:45

Nang gaw shi hpe shi a aten garai n du yang dingla shangun nna, kaya kahpa jahkrum da nit dai.

ESAIA 22:19

Dai Madu gaw nang hpe amu kaw na shapraw kau nhtawm na a tsaw ai arawng aya kaw nna mung jahkrat kau na ra ai.”

ESAIA 26:5

Shi gaw gumrawng gumtawng ai ni hpe shagrit kau nu ai; shanhte shanu nga ai ngang kang ai mare hpe shi jahten kau nu ai, de a bunghku ni hpe ga nhpu tai mat hkra agrawp mani kau nu ai.

EZEKELA 12:25

Dai Madu ngai nan shanhte hpe tsun na nngai. Ngai tsun ai hte maren dik wa na ra ai. Dai gaw galoi mung aten la, htingnai nga na ra ai n rai. Gumlau chye ai ni e, nanhte asak hkrung nga ai laman, ngai galaw na ngu nna nanhte hpe shadum jahprang da ni ai hte maren ngai shadik na nngai. Ngai nan dai ga hpe tsun ni ai, nga nna Tsaw Htum ai dai Madu nan tsun ai.

EZEKELA 18:1

Dai Madu gaw ngai hpe,

EZEKELA 21:26

Tsaw Htum ai dai Madu nan tsun ni ai. Nanhte a janmau hte bunghkaw ni raw tawn mu. Hpa mung shawng na hte bung na ra ai n rai. Matsan mayan masha ni hpe sharawt nna up hkang nga ai du magam ni hpe shayu kau mu!

EZEKELA 22:14

Ngai nang hte amu shangut ai shaloi, nang hta nsen marai mung, na a lata sharawt lu na n-gun atsam mung naw ngam na ra ai ngu, nang myit nawn da wu ni? Dai Madu ngai tsun ni ai hte maren, nye a mungga hpe ngai shatup na nngai.

EZEKELA 24:14

Dai Madu ngai nan dai ga hpe tsun ni ai. Dai amu galaw shadik na matu, nye a aten gaw du nga sai. Ngai gaw na a yubak mara ni hpe malap kau ya na n rai, n-gaw n wai ai myit madun dan na n rai, matsan dum la na n rai. Nang galaw dan sai arawn alai hte maren ari jaw hkrum na rai ndai.” Tsaw Htum ai dai Madu nan tsun nu ai.

EZEKELA 36:36

ai hpang, dai Madu ngai nan hten run mat sai mare ni hpe bai de da ai mung, jahkam da sai yi hkauna ni hta bai hkai lu na matu mung, naw ngam nga ai htingbu masha amyu baw ni chye lu na mara ai. Dai Madu ngai nan ga sadi tawn da sai hte maren, ngai myit ra ai hku galaw na nngai,” ngu nna tsun wu ai.

EZEKELA 37:14

Nye a nsoi nsa shanhte hta bang ya ai hte rau, shanhte asak bai hkrung wa nhtawm shanhte a mungdan hta ngai shanu nga shangun na nngai. Shaloi, ngai nan dai Madu rai nga nngai hpe shanhte chye lu na mara ai. Ngai gaw ga sadi tawn da sai hte maren, ngai myit ai hku ndai amu hpe shatup na we ai. Dai Madu ngai nan tsun ni ai,” ngu nna tsun wu ai.

Daniela 5:21

Shi a myit masin gaw dusat langai zawn tai mat nna, shinggyim uhpung hta na shapraw kau ai hkrum nga ai. Shi gaw nam na lawze shazai ni hte rau nga nna, dumsu usu zawn tsingdu sha let numri hkrat ai gangbang shara hkan yup nga ai. Hpang jahtum e, shi gaw Tsaw Htum ai Karai Kasang shi lata la sai kadai hpe rai ti mung masha mungdan ni yawng hpe up hkang na ahkang jaw lu nga ai hpe shi yin la nga ai.

AMO LAIKA (AMOS) 9:11

Dai Madu gaw, “Ngai gaw daw hten mat ai nta langai zawn rai nga ai Dawi a mungdan hpe bai gaw gap da ai shaloi dai nhtoi du wa na ra ai. Ngai gaw de a bunghku ni hpe bai lajang ai hte dai hpe bai gaw gap da na nngai. Ngai gaw dai hpe bai gaw gap ai hte moi na zawn bai de da na nngai.

BU HKAWM 17:8

Hpang shani e, dai Sum kata de Mawshe shang yu wu yang, Lewi amyu bawsang a malai tawn da ai Arun a dawhkrawng mahtang alap lap ai hte pu majawm nna pu lagra ai hte myin ai batan si si nga ai!

MAHTE 24:35

Sumsing lamu hte ginding aga lai mat wa ti mung, nye a ga gaw n lai mat na li ai.

LUKA 1:33

Shi gaw Yaku a aru arat ni a ntsa e htani htana a up nga na ra ai; shi a mungdan mung htum ngu ai nga na n rai,” ngu nna shi hpe tsun wu ai.

LUKA 21:33

Sumsing lamu hte ginding aga lai mat wa na ra ai, rai ti mung, nye a ga ni gaw n lai mat na li ai.