EZEKELA 17:20 - Jinghpaw Common Language Bible 2009

²⁰ Ngai gaw jaugawng wa lang ai mahkam sumgawn hpe hpyan tawn nna dai hta e, shi hpe lu shangun na nngai. Shi gaw ngai hta sadi n dung nga ai majaw, ngai shi hpe Babelon mung de woi wa nna dai mung e shi hpe ari jaw na nngai.

Jinghpaw Hanson Version Bible

²⁰ Ngai gaw nye a sumgawn hte shi hpe ka-up nna, nye a mahkam hta lu shangun nhtawm, Babelon mare de shi hpe woi wa nna, nye a ga hpe tawt lai kau ai yubak majaw, dai yang e shi hpe dawdan na nngai.

EZEKELA 17:20 ပူးပေါင်းရင်းမြစ်များ

2 SAMUELA 18:9

Absalom mung Dawi a masha ni hte akajawng sha hkrum kadup wu ai. Absalom gaw lawze jawn wu ai rai nna wamyi hpun kaba npu hku lai sa mat wa yang, shi a baw hpun lakung lakying ni hta wa dau mat wu ai. Shaloi lawze gaw gat gumtawng mat wa ai rai nna Absalom mung lapran hpatwat e noi goi wat nga ai.

2 HKAWHKAM LABAU 33:11

Dai re ai majaw, dai Madu gaw Asuri hpyen luksuk a up hkang du ni hpe Yuda mung de sa shang gasat shangun wu ai. Shanhte gaw Manashe hpe rim la nhtawm chyinghkyi ni hte sin-yu ni hte hkang nna Babelon mung de woi mat wa ma ai.

YOBA 10:16

Ngai hta awng dang ai lam loi mi lu la yang, hkanghkyi zawn nang ngai hpe gyam nna ngai hpe nni nkri jahkrum na nga, mauhpa amu ni hpe pyi nang galaw ndai.

HPAJI NINGLI 9:12

Na a aten du wa nga ai hpe nang galoi mung chye nga ndai n rai. Ntsa malen u ni gaw mahkam hta akajawng sha lu ai hte nga mung sumgawn hta lu ai zawn byin ang ai n hkru ai aten hta anhte n dum shami mahkam hkam hkrum nga ga ai.

YEREMIA 2:35

nang gaw, ‘Ngai gaw mara n kap nngai; kaja wa dai Madu gaw ngai hpe galoi mung masin n pawt ai,’ nga nna tsun ndai. Rai ti mung, dai Madu ngai gaw nang yubak galaw ai hpe ningdang ndai majaw nang hpe ari jaw na nngai.

YEREMIA 2:9

“Dai rai nna, dai Madu ngai gaw nye a amyu masha ni hte kalang bai dangrang hkat na nngai. Ngai gaw shanhte a aru arat ni hte mung dangrang hkat na nngai.

YEREMIA 34:21

Ngai gaw Yuda Hkawhkam Zedekia hte shanhte hpe sat kau na matu asak tam hkrum nga ai shi a du salang ni hpe mung gumlau hpyen ni a lata de ap kau na nngai. Ngai gaw nang hpe htim gasat nna majan jahkring da ai Babelon hpyen luksuk ni a lata de shanhte hpe ap kau na we ai.

YEREMIA 37:17

Dai hpang, kade n na yang, Hkawhkam Zedekia gaw ngai hpe shaw la na matu masha shangun dat wu ai; dai hkaw htingnu kata hta, “Dai Madu kaw nna mungga naw nga a ni?,” ngu nna ngai hpe alak mi san wu ai. Shing rai, ngai mung, “Nga ai,” dai gaw, “Nang Babelon hkawhkam wa a lata de ap kau ai hkrum na rai ndai,” ngu nna htan ai hte kahtap tsun ni ai.

YEREMIA 50:44

“Hkanghkyi gaw htat ai maling kata kaw na gumlawt pru wa ai zawn, Yawdan hka mayan kaw nna lahta de tsit lali ai udat shara du hkra dai Madu ngai nan du hkawm nna, Babelon masha ni hpe shanhte a mare kaw nna akajawng sha hprawng pru shangun na nngai. Dai hpang, ngai san da ai ningbaw wa gaw dai amyu baw hpe up hkang na ra ai. Ngai hpe kadai hte shabung lu nga a ta? Ngai hpe kadai wa dakat lu na rai ta? Ngai hpe kaning re ai ningbaw wa ninghkap lu yu a ni?

SHARUNG SHAYAWT 1:13

“Shi gaw nye a hkum kata hkru na wan hpe ntsa kaw nna shangun dat wu ai. Shi gaw nye a matu mahkam hkam da nu ai hte ngai hpe ga de jahkrat da ni ai. Shi gaw ngai hpe kau da nu ai hte nhtum nni re ai nchyi nmu hta ngai hpe tawn da nu ai.

SHARUNG SHAYAWT 4:20

Shanhte gaw dai Madu lata san da sai anhte a asak hka hpawk rai nga ai, Anhte hpe shang gasat ai hpyen shagu a lata kaw na anhte hpe makawp maga la na matu, anhte kam hpa nga ai dai hkawhkam wa hpe mung rim la ma ai.

EZEKELA 12:13

Rai ti mung, ngai gaw nye a sumgawn hte shi hpe ka-up la nna dai hta shi hpe hkam la na nngai. Dai hpang, ngai gaw shi hpe Babelon mare de woi wa nna dai shara hpe shi n mu lu ai sha, si mat na ra ai.

EZEKELA 15:8

Shanhte gaw ngai hta sadi n dung mat nga masai; ngai gaw dai mungdan hpe shingran sharat katsi ai shara shatai kau na nngai.” Tsaw Htum ai dai Madu tsun nu ai.

EZEKELA 17:19

Tsaw Htum ai dai Madu gaw, “Ngai gaw ahkrung nga ai Karai Kasang rai nga nngai, dai majaw, shi hpe nye a mying hta agrin nga na matu shi dagam da nu ai ga shaka hpe jahten kau nu ai rai nna shi hpe ari jaw na we ai.

EZEKELA 18:24

“Rai ti mung, ding hpring ai masha langai ngai, mai kaja ai amu galaw nga ai kaw na htak mat ai hte n hkru ai masha ni galaw nga ai matsat shabat amu mahkra hpe hkan galaw ai rai yang, dai wa gaw matut nna hkrung nga lu na rai nga a ni? N rai law, shi galaw yu sai mai kaja ai amu langai mi hpe mung matsing da ya na n rai. Shi galaw ai kang n ka ai amu hte yubak ni a majaw shi si na ra ai.

EZEKELA 32:3

Masha amyu baw law law ni zup hpawng nga ma yang, nye a sumgawn hte nang hpe ka-up la nna shanhte gaw dai hpe hkin-gau de karawt shapraw da mu ga.

EZEKELA 38:22

Ngai mung shi hpe ana zinli hte mung, sat kau ai hte mung ari jaw na nngai. Shi a ntsa e mung, shi a hpyen luksuk hte shi a maga de tsap nang ai masha amyu baw law law ni a ntsa e mung, sin hte marang kaba, wan hte kan hpe rau sha ru jaw jahtu na nngai.

HOSEA 2:2

Nye a ma ni e, nanhte a kanu hpe hpyi nem mu; shi gaw nye a madu jan n rai sanu ai, ngai mung shi a madu wa n rai sangai. Shi a la shaw ai amu hte shawa num galaw ai amu hpe jahkring kau na lam hpyi nem mu.

HOSEA 7:12

Rai ti mung shanhte sa wa ai shaloi, ngai gaw sumgawn kahpyan nna ntsa malen u ni hpe zawn shanhte hpe rim la na we ai. Ngai gaw shanhte galaw ai n hkru ai amu a matu ari jaw na nngai.

MIHKA 6:2

Bum ni hte dinggrin anga nga ai mungkan ga na npawt nhpang ni e, dai Madu a amu madat mu! Dai Madu gaw shi a amyu masha ni hte dangrang na amu langai lu nga ai. Shi gaw Israela hpe mara shagun na ra ai.

LUKA 21:35

Hpa majaw nga yang, dai nhtoi gaw ga ntsa shara shagu hta nga nga ai masha ni yawng a ntsa e shing rai du na ra ai.