EZEKELA 17:19 - Jinghpaw Common Language Bible 2009

¹⁹ Tsaw Htum ai dai Madu gaw, “Ngai gaw ahkrung nga ai Karai Kasang rai nga nngai, dai majaw, shi hpe nye a mying hta agrin nga na matu shi dagam da nu ai ga shaka hpe jahten kau nu ai rai nna shi hpe ari jaw na we ai.

Jinghpaw Hanson Version Bible

¹⁹ Dai re ai majaw Madu Yehowa ning nga ai, Ngai hkrung nga ai hte maren, gaja wa, nye dagam ai ga hpe n kaw n law di ai hte, nye ga shaka hpe run kau ai yubak gaw, shi a baw ntsa e ngai shapraw na nngai.

EZEKELA 17:19 ပူးပေါင်းရင်းမြစ်များ

1 HKAWHKAM 2:32

Yoab gaw shi hta grau kaja nna mara n kap ai masha lahkawng rai nga ai Israela hpyen luksuk hpe up hkang ai Abna hte Yuda hpyen luksuk hpe up hkang ai Amasa yan hpe, nye wa Dawi n chye ai sha sat kau nna shut kau ai ru hka amu a majaw dai Madu gaw shi hpe ari jaw na rai wu ai.

1 HKAWHKAM 2:33

Shan hpe sat kau ai ru hka amu a ari gaw Yoab a ntsa e mung, shi a amyu matu ni a ntsa e mung, htani htana prat dingsa a nga nga na ra ai. Rai ti mung dai Madu gaw Dawi a magam tingnyang hta dung nga ai shi a amyu matu ni hpe awng dang ai lam tut nawng jaw ya nga nu ga law,” ngu nna htan wu ai.

YEREMIA 27:8

“Rai ti mung, kaning re ai amyu, kaning re ai mungdan mi rai tim, shi a up hkang ai hpe hkan sa madat mara ai lam n nga ai rai yang, shanhte hpe atsai awai shamyit kau na matu Nebuhkadneza hpe shangun dat ai aten du hkra dai masha amyu baw ni hpe hpyen majan, kawsi hpang gara ai hte ana zinli hte ngai shanhte hpe ari jaw na mawe ai.

YEREMIA 37:17

Dai hpang, kade n na yang, Hkawhkam Zedekia gaw ngai hpe shaw la na matu masha shangun dat wu ai; dai hkaw htingnu kata hta, “Dai Madu kaw nna mungga naw nga a ni?,” ngu nna ngai hpe alak mi san wu ai. Shing rai, ngai mung, “Nga ai,” dai gaw, “Nang Babelon hkawhkam wa a lata de ap kau ai hkrum na rai ndai,” ngu nna htan ai hte kahtap tsun ni ai.

YEREMIA 5:2

Nang gaw dai Madu hpe nawku na matu tsun tim pyi, nang tsun ai ga hpe nang lachyum n shapraw nga ndai.

YEREMIA 5:9

Ngai gaw shanhte hpe dai zawn re ai amu ni a matu ari n jaw ang ai hte dai zawn re ai amyu baw hpe matai nhtang ang nngai kun?

EZEKELA 16:43

Nang naw kaji nga yang, ngai nang hpe kade lakawn ai hpe mung nang malap kau nhtawm, nang galaw ai amu yawng hte nang ngai hpe pawt sindawng shangun nit dai. Dai lam a majaw, ngai gaw dai amu ni yawng a matu nang hpe matai htang jaw ni ai. Nang galaw ai kaga matsat shabat amu ni yawng hta ngang gayut ai nse nsa amu hpe nang hpa majaw shut hpyit nit ta?” Tsaw Htum ai dai Madu nan tsun nu ai.

EZEKELA 16:59

Tsaw Htum ai dai Madu gaw, “Nang gaw na a ga sadi ni hpe hpa n sawn ya ai hte ga shaka hpe jahten kau nit dai majaw, nang hpe ging dan ai hku ngai nang hpe di na nngai.

EZEKELA 17:18

Shi galaw tawn da ai dagam ga hte ga shaka hpe jahten kau nu ai. Shi gaw dai amu ni yawng hpe galaw nu ai rai nna, ya shi lawt lu na ra ai n rai,” ngu nna tsun nga ai.

EZEKELA 17:20

Ngai gaw jaugawng wa lang ai mahkam sumgawn hpe hpyan tawn nna dai hta e, shi hpe lu shangun na nngai. Shi gaw ngai hta sadi n dung nga ai majaw, ngai shi hpe Babelon mung de woi wa nna dai mung e shi hpe ari jaw na nngai.

EZEKELA 9:10

Rai ti mung, ngai gaw shanhte a ntsa e matsan yu dum na n rai; kaga masha ni hpe shanhte galaw ai hte maren shanhte hpe galaw dan na nngai,” ngu nna htan wu ai.

TARA JAHPRANG 5:11

“ ‘Nye a mying ningsang hpe n hkru n shawp ai amu a shatawng shada ai lam hta hkum lang nga myit; hpa majaw nga yang nye a mying ningsang hpe n gawn n sawn di ai wa kadai hpe mung ngai Madu nanhte a Karai Kasang nan ari jaw na we ai.