EZEKELA 17:17 - Jinghpaw Common Language Bible 2009

¹⁷ Babelon masha ni gaw masha law law hpe sat kau na matu hpyen ninghkap shara ga bum ni hte kaduk ni hpe htu tawn ai shaloi, Egutu hkawhkam a n-gun ja ai hpyen luksuk ni pyi hpyen gasat karum lu ai n rai.

Jinghpaw Hanson Version Bible

¹⁷ Babelon masha ni gaw hpyen gasat nna, masha law law hpe sat kau na matu, kaduk htu nna hpyen dap jung yang, Hpara-u hte shi a law la ai luksuk laba wunawng wuwa ni gaw, Zedekia hpe karum lu ai n rai.

EZEKELA 17:17 ပူးပေါင်းရင်းမြစ်များ

ESAIA 36:6

Nanhte gaw nanhte hpe karum la na matu Egutu hpe myit mada nga myit dai, rai ti mung dai gaw mai-aw hpe dawhkrawng zawn lang ai hte bung na ra ai. Dai gaw daw mat nna na a lata hpe ju htinggrang ya na ra ai. Dai gaw Egutu hkawhkam wa kaw shamyet shanat ai ni kadai hta mung dai zawn hkrum hkra na ra ai,” ngu nna hkang dat wu ai.

YEREMIA 33:5

Nkau mi gaw Babelon masha ni hpe htim gasat ma ti mung nye a pawt sindawng ai hte masin kahtet ai hta ngai adup sat ai masha ni a moi mang ni hte nta hkan jahpring da na nngai. Ndai mare masha ni galaw ai n hkru ai amu ni a majaw ngai gaw ndai mare kaw nna myi man kayin mat wa na nngai.

YEREMIA 37:5

Babelon hpyen luksuk ni gaw Yerusalem mare hpe wang da nga ma ti mung, Egutu hpyen luksuk ni Egutu mung lamu ga jarit hpe lai di mat wa sai lam hpe shanhte na ma ai shaloi htingnut mat wa ma ai.

YEREMIA 37:7

“Egutu hpyen luksuk ni gaw nang hpe karum la na matu pru sa wa ma ai, rai ti mung, dai ni gaw shanhte a dum nta de nhtang mat wa na mara ai.

YEREMIA 52:4

dai rai nna, Nebuhkadneza hte shi a hpyen luksuk ni gaw Zedekia hkaw dung ai jahku ning na shata shi a nhtoi shi ya shani e Yerusalem hpe gasat ma ai. Shanhte gaw mare shinggan e dap jung nna mare grup grup kaduk ni htu nhtawm mare bunghku hpe wang da ma ai,

SHARUNG SHAYAWT 4:17

Anhte gaw galoi mung n karum yu ai karum la lam hpe kachyi mi pyi n lu yu mat ai aten du hkra mada yu ga ai. Anhte gaw karum la lam n jaw ya lu ai masha amyu baw a karum la lam hpe la nga dingyang rai nga ai.

EZEKELA 4:2

Dai hpang, dai mare hpe wang da ai kumla shapraw na matu, kaduk ni hpe tawn u, ga kaduk ni galaw u, dap ni jung u, dai mare a grup grup yawng hta bunghku sharun ai gawng ni hpe tawn u.

Daniela 11:15

Dai re ai majaw, Suri hkawhkam gaw bunghku kum ai mare langai mi hpe kaduk htu nna dai mare hpe gasat dang la na ra ai. Egutu hpyenla ni matut gasat na mara ai n rai; shanhte hta na kaja htum ai ni du hkra pyi n-gun atsam law ram hkra rawng na ma ai n rai.

TARA JAHPRANG 20:20

Kaga hpun ni hpe chyawm gaw nanhte mai kran kau nga ai; mare hpe gasat dang la lu ai aten du hkra, dai ni hpe kaduk kum ai hta akyu jashawn lang mu.