EZEKELA 17:16 - Jinghpaw Common Language Bible 2009

¹⁶ “Ngai gaw ahkrung nga ai Karai Kasang rai nga nngai, dai majaw dai Tsaw Htum ai Madu gaw, “Ndai hkawhkam wa gaw shi hpe hkawhkam tingnyang shadun da ai Babelon hkawhkam hte shaka da ai hte dagam da ai ga shaka hpe jahten kau nu ai majaw shi gaw Babelon mung e si mat na ra ai.

Jinghpaw Hanson Version Bible

¹⁶ Madu Yehowa ning nga ai: Ngai hkrung nga ai hte maren, gaja wa, shi hpe hkawhkam aya hta dang da ai wa a ga shaka hpe run kau nna, dagam da ai ga hpe n gawn n sawn di kau ai majaw, shi gaw dai hkawhkam wa a shara, Babelon mare ka-ang e, shi a man e si na ra ai.

EZEKELA 17:16 ပူးပေါင်းရင်းမြစ်များ

2 SAMUELA 21:2

(Gibeon masha ni gaw Israela masha ni n rai ma ai. Shanhte gaw Israela masha ni e makawp maga la na matu ga sadi jaw da hkrum ai Amori masha ni hta na amyu kaji ni sha rai nga ma ai; rai ti mung Shawlu mahtang Israela hte Yuda masha ni a akyu matu grau myit sharawng wu ai majaw shanhte hpe jahten shabyak kau na maw wu ai.)

2 HKAWHKAM 24:17

Nebuhkadneza gaw Yehoiahkin a kawa toi Matania hpe Yuda hkawhkam shatai la nhtawm shi a amying hpe Zedekia ngu nna galai shamying da ya wu ai.

2 HKAWHKAM 24:20

Dai Madu gaw Yerusalem mare hte Yuda amyu masha ni hpe pawt sindawng wu ai majaw shanhte hpe shi a man kaw nna gawt shapraw kau wu ai.

SHAKAWN KUNGDAWN 15:4

Shi gaw Karai Kasang hpe nyet kau ai ni hpe matsat nga ai; Madu a ga madat mara ai ni hpe shagrau sha-a nga ai. Ga sadi shatup na matu kade wa yak hkra rai ti mung, shi jaw da ai ga sadi ni hpe tut nawng e galaw shatup nga ai.

PRU MAT 20:7

“Nye a mying ningsang hpe n hkru ai shatawng shada lam ni hta hkum lang et. Ngai gaw dai Madu na a Karai Kasang rai nga nngai majaw, nye a mying ningsang hpe n sawn n sang di ai wa kadai hpe mung ari jaw na we ai.

PRU MAT 8:2

Lama wa nang n hkraw ai rai yang, ngai gaw na a mungdan hpe shu ni shaprang dat ai hku ari jaw na we ai.

YEREMIA 34:21

Ngai gaw Yuda Hkawhkam Zedekia hte shanhte hpe sat kau na matu asak tam hkrum nga ai shi a du salang ni hpe mung gumlau hpyen ni a lata de ap kau na nngai. Ngai gaw nang hpe htim gasat nna majan jahkring da ai Babelon hpyen luksuk ni a lata de shanhte hpe ap kau na we ai.

YEREMIA 39:7

Dai hpang, shi gaw Zedekia a myi hpe achyaw baw kau ya nna, Babelon mung de woi mat wa na matu hpri sumri hte gyit sumroi da ma ai.

YEREMIA 52:11

Dai hpang, Zedekia a myi hpe achyaw baw kau ya nhtawm, hpri sumri hte gyit nna Babelon mung de woi wa ma ai. Zedekia gaw shi si mat ai shani du hkra, Babelon mung e htawng rawng nga wu ai.

EZEKELA 12:13

Rai ti mung, ngai gaw nye a sumgawn hte shi hpe ka-up la nna dai hta shi hpe hkam la na nngai. Dai hpang, ngai gaw shi hpe Babelon mare de woi wa nna dai shara hpe shi n mu lu ai sha, si mat na ra ai.

EZEKELA 16:59

Tsaw Htum ai dai Madu gaw, “Nang gaw na a ga sadi ni hpe hpa n sawn ya ai hte ga shaka hpe jahten kau nit dai majaw, nang hpe ging dan ai hku ngai nang hpe di na nngai.

EZEKELA 17:10

Rai sa, dai hpe hkai da sai, rai ti mung, dai gaw hkrung nna tu kaba wa na rai ni? Sinpraw nbung gaw dai hpe ahpawt kau ai shaloi, dai gaw nyip mat wa na n rai ni? Dai gaw shi tu kaba wa ai shara hta nyip mat wa na ra ai n rai ni?”

EZEKELA 17:13

Shi gaw hkawhkam wa a dinghku masha langai hpe woi la nhtawm shi hte ga shaka tawn da nna, shi hta sadi dung nga na matu shi hpe dagam shangun wu ai. Shi gaw dai mungdan hta bai n kasu kabrawng na matu

EZEKELA 21:23

Yerusalem hta shanu nga ai amyu masha ni gaw shanhte galaw da lu sai jinghku ga shaka ni a majaw ndai tsun shadum ai ga ni hpe n kam ma ai. Rai ti mung, ndai zawn jau nna hkaw tsun tawn ai ga gaw shanhte galaw ai yubak ni hpe dum shangun ai hte shanhte rim la hkrum na mara ai lam ni hpe shadum jahprang ai lam rai nga ai.

HOSEA 10:4

Shanhte gaw ga kaman sha tsun nna, shut ai ga sadi hte akyu n rawng ai ga shaka ni tawn da nga ma ai. Teng man rap ra ai Tara gaw, lamu ga galau tawn da ai sun hta tu ai gung rawng ai tsing ni zawn n teng n man n rap n ra ai tai wa nga ai.

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

BU HKAWM 30:2

Lasha langai ngai dai Madu hpe arai lama ma sak jaw na nga, ga shaka tawn da ai rai yang mung, shing n rai arai lama ma koi gam na nga dagam shaka da ai rai yang mung, shi a ga sadi hpe jahten lu na n rai; shi galaw na ngu tsun da sai hte maren lam shagu hpe shi galaw na rai wu ai.

ROMA 1:31

chye na ai htauli htaula myit n rawng ai ni, ga sadi ga shaka n hkan shatup ai ni, nja nhpra myit n rawng ai hte matsan dum n chye ai ni, shanhte rai nga ma ai.

1 TIMOHTI 1:10

akyang lailen n kaja ai ni, num shada la shada nga sha ai ni, masha rim makoi nna gumhpraw hte shaw la shangun ai ni, masu nna n teng n man ai sakse hkam ai ni, shing n rai hpa hku hpa lam hku nna mung, dai teng man ai makam masham a sharin shaga ai tara hte nhtan shai ai ni a matu galaw da ai tara rai nga ai.

2 TIMOHTI 3:3

Shanhte gaw matsan dum n chye ai ni, n ja n hpra myit n rawng nna masin n si n hkru ai ni, masha wa a sari jahpoi na hku shatan n lem ai ni, masha wa a myit hkrum ai lam n tam ai sha kashun kashe hkala nba amu galaw ai ni, matse mazut ai ni rai na mara ai. Dai hta n ga, shanhte gaw mai kaja ai hpe n dawng ai ni,

YAWSHU 9:20

Anhte a ga sadi a majaw shanhte hpe jahkrung da saga, anhte shing n di ai rai yang, Karai Kasang anhte hpe ari jaw na mi ai.