EZEKELA 17:15 - Jinghpaw Common Language Bible 2009

¹⁵ Rai ti mung, Yuda hkawhkam wa gaw gumlau ai hte gumra hte hpyen luksuk kaba karum hpyi na matu Egutu mung de kasa shangun dat sai. Shi awng dang na rai wu ni? Shi gaw dai zawn re ai amu galaw nga ai kaw nna hprawng lawt lu na rai wu ni? Shi gaw ga shaka hpe n run lu ai hte ari ahpri n hkrum na rai wu ni!

Jinghpaw Hanson Version Bible

¹⁵ Rai timung shi gaw gumra hte hpyen masha law law hpyi na matu, Egutu mung de kasa shangun nna, Babelon hkawhkam hpe gumlau sai. Shi awng wa lu na kun? Dai zawn galaw ai wa gaw lawt lu na kun? ga shaka run kau nhtawm, lawt lu na kun?

EZEKELA 17:15 ပူးပေါင်းရင်းမြစ်များ

2 HKAWHKAM 24:20

Dai Madu gaw Yerusalem mare hte Yuda amyu masha ni hpe pawt sindawng wu ai majaw shanhte hpe shi a man kaw nna gawt shapraw kau wu ai.

2 HKAWHKAM LABAU 36:13

Zedekia gaw Karai Kasang a mying ningsang hta shi hpe dagam nna sadi dung shangun ai Hkawhkam Nebuhkadneza hpe gumlau wu ai. Shi gaw myit malai lu nna dai Madu Israela a Karai Kasang hpang de kayin wa na matu ja ja ningdang wu ai.

SHAKAWN KUNGDAWN 55:23

Rai ti mung, Karai Kasang e, nang gaw masha sat ai ni hte masu magaw ai masha ni hpe shanhte a asak ka-ang garai n lai yang pyi shanhte a lup sung hku ni de, jahkrat kau na rai nga ndai. Ngai chyawm gaw nang hpe kam hpa nga na nngai.

SHAKAWN KUNGDAWN 56:7

O Karai Kasang e, shanhte a n hkru n shawp ai lam a majaw, shanhte hpe ari jaw u; na a pawt sindawng ai hte dai masha ni hpe dang kau u!

GA SHAGAWP 19:5

Tara rung hta e, nang n teng n man ai sakse ga tsun yang, nang ari jaw ai hkrum na rin dai; dai hta na nang lawt lu na n rai.

ESAIA 36:5

Shi gaw, “N-gup aga ni gaw hpyen zai ladat hte hpyen n-gun lagaw a malai asung mai jashawn nga ai ngu, nanhte myit nawn nga myit ni? Asuri hpe gumlau na, nang hpe karum la na kadai wa rai na nanhte myit yu nga myit ni?

YEREMIA 32:4

Hkawhkam Zedekia mung lawt lu na ra ai n rai; Shi gaw Babelon hkawhkam a lata de ap kau ai hkrum na ra ai; shi gaw Hkawhkam Nebuhkadneza hte shada da myi man hkrum ga tsun let mu hkat na mara ai.

YEREMIA 34:3

Nang gaw lawt lu na ra ai n rai; nang gaw rim hkrum ai hte shi a lata de ap kau ai hkrum na rai ndai. Nang gaw shi hpe myi man chyaw mu lu na ra ai, shi hte ga tsun lu na rai ndai. Nang gaw Babelon mung de sa wa na rai ndai.

YEREMIA 38:18

Rai ti mung, nang lata sharawt n shang wa ai rai yang chyawm gaw ndai mare hpe Babelon masha ni a lata de ap kau nhtawm shanhte gaw dai mare hpe nat kau na mara ai. Nang gaw shanhte a lata kaw nna hprawng lawt lu na ra ai n rai,” ngu nna tsun ai ga hpe Hkawhkam Zedekia hpe tsun dan wu ai.

YEREMIA 38:23

Dai hpang, ngai gaw, “Na a numsha ni hte kashu kasha ni yawng gaw Babelon masha ni hpang de woi la hkrum na mara ai; nang nan mung shanhte a lata kaw na lawt lu na ra ai n rai. Nang gaw Babelon hkawhkam a lata de bawng dung hkrum na ndai, ndai mare gaw wan dap byin mat hkra hkru mat na ra ai,” ngu nna kahtap tsun wu ai.

YEREMIA 52:3

Dai Madu gaw Yerusalem hte Yuda amyu masha ni hpe pawt sindawng wu ai majaw shanhte hpe shi a myi man kaw na gawt shapraw kau wu ai. Zedekia gaw Babelon Hkawhkam Nebuhkadneza hpe gumlau wu ai,

EZEKELA 17:18

Shi galaw tawn da ai dagam ga hte ga shaka hpe jahten kau nu ai. Shi gaw dai amu ni yawng hpe galaw nu ai rai nna, ya shi lawt lu na ra ai n rai,” ngu nna tsun nga ai.

EZEKELA 17:7

Htat ai u mun law law tu nna, galu kaba ai singkaw tu ai galang kaga langai mi mung nga ai. Ya dai sabyi ru gaw galang hpang de, shi a ru ni hkram sa wa ai hte alap ni mung shi hpang de man yawng nga ai. Dai sabyi ru gaw shi tu kaba wa ai sun hta grau nna hka lu lu na myit mada nga ai.

EZEKELA 17:9

“Dai rai nna, Tsaw Htum ai dai Madu ngai nan san yu nngai: Ndai sabyi ru gaw hkrung nga ai hte tu kaba wa lu na kun? Shawng na galang gaw dai aru hpe baw kau nna asi ni hpe di la nhtawm, lakung lakying ni hpe krum kau ai hte dai ni hpe nyui nyip shangun na rai wu ni? Dai hpe gang baw na matu n-gun law dat ra na n rai; shing nrai n-gun rawng ai amyu baw ra na n rai.

EZEKELA 21:25

“Tara n lang ai hte matsat shabat re ai Israela mung du wa e, nanhte a nhtoi ngu ai jahtum ari jaw ai nanhte a aten mung du wa ra ai.

EZEKELA 21:28

“Si chye ai masha wa e, myihtoi htoi u. Israela amyu masha ni hpe n kaw n law di nga ai Amon masha ni hte seng nna Tsaw Htum ai dai Madu ngai nan tsun nga ai ga ni hpe tsun ndau u. Shanhte hpe ning ngu tsun u: ‘Nhtu gaw jahten shaza na matu jin nga sai; Dai gaw sat na matu kabrim nna, myihprap zawn tu gala nga ai.

EZEKELA 23:20

Shi gaw lawze, laugung ni zawn ladu lai ngang gayut ai lasha ni hpe ra gasit ai myit hpring nga wu ai.”

EZEKELA 29:16

Israela gaw shi hpe karum la na matu shanhte hpe galoi mung bai shamyet shanat na mara ai n rai. Egutu hpe kam hpa ai gaw kade sha shut nga sai lam, shanhte hta byin ai maka hpe yu nna Israela hpe myit dum shangun na ra ai. Ngai nan Tsaw Htum ai Madu rai nga ai hpe Israela ni chye lu na mara ai,” ngu nna tsun wu ai.

EZEKELA 29:7

Shanhte nang hpe shamyet shanat yang, shanhte a lahpa hpe galun htinggrang ya nna shadaw kau ya ndai; shanhte a shingma ni hpe manai kabun ya nga ndai.

MAHTE 23:33

Lapu ni e, puhtum amyu kashu kasha ni e, ngarai mung a ari hta na, nanhte kaning rai lawt lu na myit ta?

TARA JAHPRANG 17:16

Dai hkawhkam wa gaw shi a hpyen luksuk a matu gumra law law lu la hkra madu da mai na n rai; Egutu mung de galoi mung bai nhtang sa lu na n rai, nga nna dai Madu shi a amyu masha ni hpe hkang da nu ai majaw dai mung de gumra sa mari na matu amyu masha ni hpe shi sa shangun lu na n rai.

HEBRE 2:3

ndai hte wa galu kaba ai hkye hkrang la ai chyeju tara hpe anhte n gawn n sawn di ga yang gaw, anhte gara hku nna yubak mara a daw dan ai kaw na kaning rai lawt lu na ga ta? Dai hkye hkrang la ai lam hpe shawng npawt e Madu a n-gup hte nan tsun shana nna, na la ai ni gaw dai tara teng nga ai lam sakse madun mani ai.

YAWSHU 9:20

Anhte a ga sadi a majaw shanhte hpe jahkrung da saga, anhte shing n di ai rai yang, Karai Kasang anhte hpe ari jaw na mi ai.