EZEKELA 16:9 - Jinghpaw Common Language Bible 2009

⁹ “Dai hpang, ngai gaw hka la nhtawm na hkum hta kap nga ai asai ni hpe kashin kau ya ni ai. Ngai gaw na a hkum hpe arut kashin kau nna tsanlun sau hte chya ya ni ai.

Jinghpaw Hanson Version Bible

⁹ “Shaloi ngai nang hpe hka shin ya nngai; nang hta kap ai sai ngai tsai tsai hka shin kau ya nna, namman hte nang hpe chya ya nngai.

EZEKELA 16:9 ပူးပေါင်းရင်းမြစ်များ

SHAKAWN KUNGDAWN 23:5

Nye a gumlau hpyen ni yawng ngai hpe mu mada lu ai shara hta; nye a matu sha ku nang lajang da ya nga ndai. Nang gaw ngai hpe shagrau sha-a hkrum ai manam langai mi hpe zawn hkalum la nga ndai, nye a gawm hpe nten dem rai hkra jahpring ya nga ndai.

SHAKAWN KUNGDAWN 51:7

Nye a yubak hpe la kau ya e, shing rai jang, ngai san pra wa lu na nngai; ngai hpe kashin la e, shing rai jang, ngai gaw hkyen hta pyi grau hpraw wa lu na nngai.

ESAIA 4:4

Dai Madu gaw shi a daru magam n-gun hte tara jeyang nna amyu baw hpe jasan jaseng ai hte Yerusalem a mara hpe mung dai mare hta jahkaw kau sai asai hpe mung kashin kau ya na ra ai.

EZEKELA 16:10

Ngai gaw nang hpe maka ka ai hpun palawng ni hpe jahpun nna, kaja htum ai shanhpyi hkyepdin shadin nngai. Lachyit sumpan bunghkaw hte hkaw ya nna, lai hte da ai hpun palawng jahpun nngai.

EZEKELA 16:4

Nang shangai wa ai shaloi, na a shadai sumri hpe kadai n daw, nang hpe kashin shatsawm na n nga, jum hte nang hpe arut na n nga, nang hpe sanen hte kadai n kayawp ma ai.

EZEKELA 36:25

Ngai gaw nanhte a ntsa e, san seng ai ntsin lapri bun nna, nanhte a hpara sumla ni yawng hta na mung, nanhte hpe awu asin di kau shangun ai arai shagu hta na mung, nanhte hpe jasan jaseng la na nngai.

1 KORINHTU 10:2

Shanhte gaw dai sumwi hte panglai hta hkalup hkam la ai hte Mawshe a hpang hkan nang ai ni tai wa ma ai.

1 KORINHTU 6:11

Nanhte nkau mi gaw shing rai chyalu ni rai nga myit dai, rai ti mung nanhte gaw anhte a Madu Yesu Hkristu a amying nsang hte mung, anhte a Karai Kasang a Wenyi hte mung, kashin kamun jasan jaseng kau nna, Karai Kasang kaw ap nawng kau ai ni, Karai Kasang a man e ding hpring ai ni, ngu ai hpe hkam la ai ni tai wa manit dai.

2 KORINHTU 1:21

Nanhte hte anhte hpe Hkristu hta langai sha tai hkra asak hkrung shangun ai wa gaw Karai Kasang shi nan rai nga ai.

1 YAWHAN 2:20

Rai ti mung Yesu Hkristu gaw nanhte a ntsa e dai Chyoi Pra ai Wenyi ru jaw bun ya ai hkrum manit dai rai nna, nanhte yawng mayawng gaw, dai tengman ai hpe chye lu myit dai.

1 YAWHAN 2:27

Rai ti mung nanhte chyawm gaw, Hkristu shi a wenyi hpe nanhte a ntsa e ru jaw bang ya ai hkrum manit dai rai nna, nanhte hta dai wenyi a shanu nga dingsa kadai mung nanhte hpe sharin shaga na n ra sai. Hpa majaw nga yang, shi a Wenyi gaw nanhte hpe lam shagu hta e sharin shaga nga ai rai nna, shi sharin shaga ai lam gaw teng man nga ai, masu ai lam hpa mung n lawm ai. Dai majaw nanhte gaw dai Wenyi e sharin ai hte maren madat mara hkan sa nna Hkristu hte langai sha rai nga mu.

1 YAWHAN 5:8

Dai ni gaw: Wenyi, hka hte sai rai nna ndai ni masum gaw maren sha bung ai hku sakse hkam ya nga ma ai.

RUHTA 3:3

Dai rai nna, nang hka shin, manam pyaw ai sau ni chya ai hte kaja reng ai bu hpun palawng ni hte sumli da u. Dai hpang shi mam kabye nga ai chyarang de sa wa su; rai ti mung, shi lu ngut, sha ngut ai aten du hkra nang dai shara hta du nga ai lam shi hpe hkum chye shangun et.