EZEKELA 16:7 - Jinghpaw Common Language Bible 2009

⁷ Ngai nang hpe kung dam wa ai hpun zawn tu kaba shangun nngai. Nang galu kaba wa nna num mahkawn tai wa nit dai. Na a madoi chyu hpang grai gawng tsawm nna, na a kara ni tu nga lit dai, rai ti mung, nang gaw singgu krin naw rai nga ndai.

Jinghpaw Hanson Version Bible

⁷ Pa ga na tsingdu hpe zawn ngai nang hpe shalaw nngai: nang kaba wa nna, kunghpan wa nga ndai; tsawm htap ai gali lakai mawn sumli nga ndai; na madoi chyu hpang gawng wa nna, na a hkum hta mun tu nga ai; rai timung, nang singgu krin naw rai nga ndai.

EZEKELA 16:7 ပူးပေါင်းရင်းမြစ်များ

NINGPAWT NINGHPANG 22:17

Na a amyu matu ni hpe mung lamu na shagan ni shing n rai panglai zaibru ni zawn ngai nang hpe jaw na nngai. Na amyu matu ni mung shanhte a gumlau hpyen ni hpe dang kau lu na mara ai.

YOBA 1:21

Shi gaw, “Ngai gaw kaman hte shangai wa ai rai nna, kaman hte si wa na nngai. Dai Madu jaw nu ai, ya chyawm gaw shi bai la kau nu ai. Shi a mying ningsang shakawn kungdawn ai hkrum nga u ga law!,” ngu nna tsun wu ai.

SHAKAWN KUNGDAWN 135:4

Shi gaw Yaku hpe shi a matu, Israela amyu masha ni hpe shi madu na matu, lata la nu ai.

SHAKAWN KUNGDAWN 147:20

Shi gaw kaga amyu baw ni a matu, ndai zawn re ai lam n galaw ya wu ai rai nna; shanhte gaw shi a tara ni hpe n chye nga ma ai. Dai Madu hpe shakawn mu!

SHAKAWN KUNGDAWN 148:14

Shi gaw shi a amyu baw ni hpe n-gun shaja ya nga ai majaw, shi a amyu masha ni yawng shi hpe shakawn nga ma ai- shi hpe grai tsaw ra ai Israela amyu masha ni mung shi hpe shakawn nga ma ai. Dai Madu hpe shakawn mu!

PRU MAT 1:7

rai ti mung Israela amyu matu ni yawng hta kashu kasha law law mayat maya wa nna law htam wa ai hte n-gun ja wa nhtawm Egutu mung e hpring wa nga masai.

PRU MAT 12:37

Israela masha ni gaw Ramese kaw nna Suhkot de du hkra, lagaw lam hte sa wa ma ai. Ma kaji hte numsha ni hpe n hti shalawm yang, lasha ni hkrai sen kru daram rai nga ai.

PRU MAT 3:22

Israela numsha shagu hte mung tinang a htingbu Egutu masha ni hte tinang a nta hta nga ai Egutu numsha ni kadai kaw na rai ti mung, hpun palawng, aja arai, gumhpraw arai ni hpe hpyi la na rai ma ai. Dai Israela amyu masha ni gaw dai arung arai ni hpe shanhte a shayi shadang sha ni hpe jahpun na mara ai rai nna, Egutu masha ni a sut gan ni hpe htawm mat wa na mara ai.”

Shawlumon A Mahkawn Ga 4:5

Na a sinda gaw shannga ni hte hka law pan prang yang hkan e ushat sha nga ai chyahkyi marun yan zawn rai nga ai.

Shawlumon A Mahkawn Ga 8:10

Ngai gaw bunghku rai nga nngai, nye a madoi chyu hpang ni gaw de a langchyi ni rai nga ai. Nye a tsaw ra wa gaw shi hta ngai myit dik ai hte ngwi pyaw sim sa ai lam lu la nga ai hpe chye nga ai.

Shawlumon A Mahkawn Ga 8:8

Anhte kajan kaji langai lu ga ai; shi a chyu ni grai naw kaji nga ai. Shabrang langai shi hpe sa gaswi ai rai yang, anhte shi a matu kaning di na rai ta?

ESAIA 61:10

Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

ESAIA 62:3

Nang gaw dai Madu a matu tsawm htap ai janmau langai zawn tai na rin dai.

EZEKELA 16:16

Nang gaw shawa num amu galaw sha ai jan zawn na a nawku ai shara ni hpe mawn sumli na matu, na a sumpan nkau mi hpe lang nga ndai, nang gaw na hkum hpe masha shagu hpe nawng ya nga ndai.

EZEKELA 16:22

Shawa num langai zawn na a matsat shabat amu galaw ai asak hkrun lam laman hte yang, nang singgu krin rai nga nna na a asai hta galu nga ai shaloi, nang gaw na a ma prat hpe kalang mi sha pyi galoi mung n dum yu nit dai,” ngu nna tsun wu ai.

EZEKELA 16:6

“Dai hpang, ngai gaw dai hku lai hkawm ai hte sai hta galu nga ai nang hpe ngai mu nngai. Nang gaw asai hta galu nga ti mung, ngai gaw nang hpe n si shangun mayu nngai.

HOSEA 2:3

Dai amu hpe shi n jahkring ai rai yang, ngai gaw shi a hpun palawng raw kau ya nhtawm shi shangai wa ai shani na zawn singgu krin di da na we ai. Ngai gaw shi hpe hkun hkraw nna akrin ayang re ai lamu ga zawn shatai kau na nngai; shi gaw hpang gara ai hte si mat wa na ra ai.

KASA 7:17

Ya Karai Kasang gaw Abraham hpe jaw da ai ga ndat hpe shadik shatup na aten ni wa magang yang, Egutu mung e Israela amyu masha ni law htam kaba wa ma ai.

TARA JAHPRANG 1:10

Dai Madu anhte a Karai Kasang mung nanhte hpe lamu na shagan ni zawn law htam shangun manit dai.

TARA JAHPRANG 1:11

Dai Madu nanhte a nji nwa ni a Karai Kasang gaw ga sadi tawn da nu ai hte maren, nanhte hpe htam hkying mun sha n-ga, shalaw jahtam nna ngamu ngamai shangun nga myit ga law!

TARA JAHPRANG 4:8

Dai ni ngai nanhte hpe sharin achyin ya ni ai matsun maroi ga ni gaw kaning re ai amyu kaba gale ni hta mung, dai zawn re ai mi n lu nga ma ai.