EZEKELA 16:61 - Jinghpaw Common Language Bible 2009

⁶¹ Nang gaw na a kanau kana ni hpe hkap la yang, nang galaw kau sai arawn alai kade n shawp nga ai hpe myit dum wa nna, dai hta kaya nga na rai ndai. Dai gaw nang hte tawn da ai nye a ga shaka daw chyen mi n rai nga tim pyi, ngai gaw shanhte hpe na a shayi sha ni zawn shatai na nngai.

Jinghpaw Hanson Version Bible

⁶¹ Nang gaw yin la ai ga shaka hpe n hkan timung, na nnau nna ni hpe na a shayi sha tai na matu, ngai nang hpe jaw nna, nang shanhte hpe hkap la yang, na a arawn alai hpe nang myit dum nna, kaya nga na ndai.

EZEKELA 16:61 ပူးပေါင်းရင်းမြစ်များ

ESHTA 9:27

Yuda masha ni gaw dai hpe shanhte a matu tara langai shatai nhtawm shanhte a amyu matu ni hte Yuda masha langai tai wa ai ni kadai mung Mordehkai tsun matsun ai hte maren shaning shagu ndai nhtoi lahkawng ya na htap htuk ai aten hta tut nawng agalaw nga na lam rai nga ai.

SHAKAWN KUNGDAWN 119:59

Ngai gaw nye a asat lawat ni hpe myit sawn yu ni ai; na a ga matsun ni hpe hkan nang na matu, nang hpe ngai ga sadi jaw we ai.

ESAIA 60:4

Grup yin de mada yu nna hpa byin nga ai hpe yu yu u: Na a amyu masha ni gaw dum nta de wa na matu zup hpawng nga ma ai! Na a shadang sha ni sumtsan kaw na wa na mara ai; Na a shayi sha ni ma kaji ni zawn pawn ba la ai hkrum na mara ai.

EZEKELA 16:63

Ngai gaw nang galaw yu sai shut hpyit amu mahkra hpe mara dat ya na nngai, rai ti mung, nang gaw dai lam ni hpe myit dum wa nna na a n-gup hpaw na matu, ja ja kaya bu na ndai.” Tsaw Htum ai dai Madu tsun nu ai.

EZEKELA 20:43

Dai hpang, nanhte galaw kau sai matsat shabat amu mahkra hte kaning rai nanhte hkum ni hpe awu asin di kau sai lam ni hpe nanhte dum wa na marin dai. Nanhte galaw hkrup kau sai n hkru n shawp ai amu mahkra a majaw nanhte nan nanhte a hkum hpe matsat kau na marin dai.

EZEKELA 36:22

“Dai rai nna, Tsaw Htum ai dai Madu ngai nan Israela amyu masha ni a matu san da ai mungga shanhte hpe htawn tsun u. Israela amyu masha ni a majaw ndai amu hpe ngai tau nna galaw ai n rai, nanhte du hkawm nga sai mungdan shagu hta nye a chyoi pra ai mying ningsang hpe jahpoi kau ya ai majaw sha tau nna ngai galaw nga nngai.

EZEKELA 43:10

Dai Madu gaw matut nna, “Si chye ai masha wa e, Israela amyu masha ni hpe Nawku Htingnu a lam tsun dan u, shanhte hpe de a yaw shada ai lam chye shangun u. Shanhte a shut hpyit ai yubak ni a majaw shanhte hpe kaya jahkrum u.

EZEKELA 44:13

Shanhte ni gaw hkinjawng ni zawn ngai hpe daw jau lu na ma ai n rai; ngai hte seng ai chyoi pra ai arai ni hpang de ni sa wa lu na ma ai n rai, Chyoi Pra Htum ai Shara de mung shang lu na n rai. Dai gaw shanhte galaw kau sai matsat shabat amu a matu jaw ai ari ahpri rai nga ai.

EZEKELA 6:9

dai ni gaw bawng dung hkrum ai mung hta nga nga na mara ai. Shanhte a n kam ai myit masin ni hte ngai hpe kau da ai hte ngai hta hpara sumla ni hpe grau nna ra sharawng nga ma ai majaw, ngai shanhte hpe ari jaw ai hte jahpoi kau ni ai hpe shanhte dum chye wa na mara ai. Shanhte gaw shanhte galaw ai n hkru ai amu ni hte matsat shabat re ai grit nem ai amu galaw ai a majaw, shanhte hkum hpe nan matsat kau na mara ai.

YAWHAN 15:16

Nanhte ngai hpe lata la myit dai n rai, nanhte pru sa nna asi law law si na hte dai asi grin nga u ga ngu nna, ngai mahtang she nanhte hpe lata la nna san da made ai. Dai rai nna nye a mying hte nanhte Wa kaw hpyi mahpyi nanhte hpe jaw na marin dai.

ROMA 11:11

Yuda amyu masha ni gaw shanhte hten za hkrat sum mat hkra ahtu kataw wa ma sani? ngu nna san mayu nngai. Gara hku mung n hkrat sum ma ai! Shanhte yubak galaw ai majaw hkye hkrang la ai lam gaw maigan masha ni kaw du wa sai. Dai gaw Yuda masha ni manawn shara tai na matu rai nga ai.

ROMA 15:16

Dai chyalai ahkaw ahkang gaw, maigan amyu ni a matu magam gun na Hkristu Yesu a shangun ma tai lu ai lam rai nga ai. Maigan amyu ni gaw Karai Kasang e hkap la ging ai shagu hkungga ngu ai Karai Kasang kaw dai Chyoi Pra ai Wenyi e shachyoi shapra nna sak nawng tawn ai ni tai wa na matu, ngai gaw hkinjawng langai mi zawn magam gun let Karai Kasang kaw na Kabu Gara Shiga hpe hkaw dan nngai.

EHPESU 3:6

Dai sung htum ai lam gaw, Kabu Gara Shiga a marang e maigan masha ni gaw Yuda masha ni hte rau Karai Kasang a shaman chyeju ni hpe hkam la lu ai ahkang lu la lu ai lam rai nga ai. Shanhte hte Yuda masha ni gaw hkum hkrang langai sha hta na daw shan ni rai nna Hkristu Yesu a marang e Karai Kasang jaw ai ga ndat a sali wunli kamhtaw hkam la na ahkang lu la ma ai.

HEBRE 7:12

Hpa majaw nga yang, dai hkinjawng hkringhtawng hpe galai kau dat lu ai rai yang gaw, dai jep ai tara mung galai kau ra na sha rai nga ai.

HEBRE 8:13

Dai ga shaka ningnan a lam tsun ai lachyum gaw, Karai Kasang gaw shawng na ga shaka hpe dingsa shatai kau ai lam rai nga ai; dingsa nna tsam mat ai hpa rai ti mung, gade n na yang mat mat na ra ai.