EZEKELA 16:6 - Jinghpaw Common Language Bible 2009

⁶ “Dai hpang, ngai gaw dai hku lai hkawm ai hte sai hta galu nga ai nang hpe ngai mu nngai. Nang gaw asai hta galu nga ti mung, ngai gaw nang hpe n si shangun mayu nngai.

Jinghpaw Hanson Version Bible

⁶ Ngai dai hku lai hkawm nna, nang gaw na a sai hta galu nga ai hpe ngai mu yang, ngai gaw, “Asak hkrung u, gaja wa asak hkrung u,” ngu nna, na asai hta galu nga yang, nang hpe tsun nngai.

EZEKELA 16:6 ပူးပေါင်းရင်းမြစ်များ

ESAIA 14:19

rai ti mung nang mahtang lup shara n lu nga ndai, na a moi mang gaw kabai shayat kau hkrum nga ai. Dai gaw majan hta sat kau hkrum ai hpyenla ni a moi mang ni hte ka-up da nna shanhte hte rau lunghkrung nhkun de kabai bang nna kabye anut kau hkrum nga ai.

ESAIA 51:23

Ngai gaw dai hpe nang hpe dip gamyet nga ai ni hpe mung, nmaw lam ni hta nang hpe kaleng shangun nna, nang hpe ga nhpu zawn nawn da ai hte na ntsa e kabye anut lai wa shangun ai ni hpe jaw na nngai.”

EZEKELA 16:22

Shawa num langai zawn na a matsat shabat amu galaw ai asak hkrun lam laman hte yang, nang singgu krin rai nga nna na a asai hta galu nga ai shaloi, nang gaw na a ma prat hpe kalang mi sha pyi galoi mung n dum yu nit dai,” ngu nna tsun wu ai.

EZEKELA 16:5

Na a matu shing re ai amu galaw ya na matu, nang hpe mu nna matsan yu dum na masha langai mi mung n nga nga ai. Nang shangai wa yang, kadai mung nang hpe yu tsaw ra ai n rai; nang gaw pa ga de kabai kau hkrum nga ndai.

EZEKELA 16:7

Ngai nang hpe kung dam wa ai hpun zawn tu kaba shangun nngai. Nang galu kaba wa nna num mahkawn tai wa nit dai. Na a madoi chyu hpang grai gawng tsawm nna, na a kara ni tu nga lit dai, rai ti mung, nang gaw singgu krin naw rai nga ndai.

MIHKA 7:10

Dai hpang, anhte a gumlau hpyen ni dai lam hpe mu wa nna kaya kahpa hkrum wa na mara ai. Dai gumlau hpyen ni gaw anhte hpe, “Na a Madu Karai Kasang kanang nga nga lit ta?,” nga nna san ashu ai ni gaw lam ka-ang na hkumpup zawn kabye hkrum ai hte sum kadawng mat ai hpe anhte mu lu na ga ai.

MAHTE 5:13

Nanhte gaw dinghta shinggyim masha yawng a matu jum hte bung nga myit dai. Dai jum mahtang hkawng mat yang gaw dai hpe bai jashum la lu na lam n nga ai. Shinggan de kabai kau nna masha ni e kabye kau na hta kaga, hpa asung mi n shang lu ai.

YAWHAN 5:25

Ngai nanhte hpe teng teng tsun made ga, si nga ai ni gaw Karai Kasang a Kasha a nsen na lu na ahkying du wa ra ai rai nna dai ahkying gaw ya e pyi rai nga ai. Dai hpe na la ai ni mung asak hkrung nga na mara ai.

KASA 7:34

Egutu mung na nye a amyu masha ni a zingri zingrat nni nkri hkrum sha nga ai hpe ngai mu se ai. Shanhte a madai ai nsen hpe ngai na ni ai; Shanhte hpe hkye shalawt la na ngai yu wa ring ngai. Ya sa rit, ngai nang hpe Egutu mung de shangun dat de ga,” ngu nna shi hpe tsun wu ai.

ROMA 9:15

Hpa majaw nga yang, shi gaw, “Ngai matsan dum mayu ai wa hpe matsan dum na we ai; ngai chyeju galaw mayu ai wa hpe chyeju galaw na we ai,” nga nna Mawshe hpe tsun dan nu ai.

TARA JAHPRANG 9:4

“Dai Madu nanhte a Karai Kasang gaw nanhte a matu shanhte hpe shaden kau ya ai hpang, nanhte dai hpe lu la ging saga ai majaw sha shi anhte hpe woi shawn nna dai mungdan hpe madu la shangun mani ai, ngu nna nanhte nan n tsun hkrup myit ga. Dai hku n rai law, shanhte nan n hkru n shawp ai ni rai nga ma ai majaw sha, Madu gaw dai masha ni hpe nanhte a matu shaden kau ya na rai nga ai.

HEBRE 10:29

Dai rai yang gaw, Karai Kasang a Kasha hpe n kaw n law di kau ai wa, tinang hkum hpe yubak mara kaw na shachyoi shapra la ai Karai Kasang a ga shaka hte seng ai asai hpe hpa n nawn, ahpa atang re ai arai shatai ai wa, chyeju jaw ya ai Wenyi hpe roi n ra re ai wa gaw kaning rai na kun? Shi hkrum sha ging ai ari gaw gade grau sawng na kun? She myit yu mu!

SHINGRAN 14:20

Sabyi si ni hpe mare shinggan e sabyi htumbyen hta kabye shup nna, dai hta na sai lwi pru wa ai gaw, galu de mai lahkawng tsa, sung de pe manga daram ganoi rai nga ai.