EZEKELA 16:53 - Jinghpaw Common Language Bible 2009

⁵³ Dai Madu gaw Yerusalem hpe, “Ngai gaw Sodom hte de a kahtawng ni hpe mung, Samari hte de a kahtawng ni hpe mung bai ngamu ngamai shangun na we ai. Rai sa, ngai gaw nang hpe mung ngamu ngamai shangun na we ai.

Jinghpaw Hanson Version Bible

⁵³ “Shing rai, nang hkrum na ra ai kaya kahpa hpe, nang hkam la nna, nang galaw yu ai lam yawng gaw, nnau nna ni a matu shalan shara tai wa ai majaw, nang galaw yu ai kaya kahpa lam dum nga lu hkra,

EZEKELA 16:53 ပူးပေါင်းရင်းမြစ်များ

YOBA 42:10

Yoba gaw shi a manang marai masum a matu akyu hpyi ngut jang, dai Madu gaw shi shawng e lu malu mahkra hta htam lahkawng bai jat ya let shi hpe bai ngamu ngamai shangun wu ai.

SHAKAWN KUNGDAWN 126:1

Dai Madu anhte hpe Yerusalem mare de bai woi nhtang wa ai shaloi; dai gaw yup mang zawn rai nga ai!

SHAKAWN KUNGDAWN 14:7

Awng padang gaw Ziun kaw nna Israela hpang de du sa wa na matu, ngai kade wa akyu hpyi nga a hka! Madu shanhte hpe kalang mi bai ngamu ngamai shangun ai shaloi Israela amyu masha ni kade wa a lu na ma hka!

SHAKAWN KUNGDAWN 85:1

Madu e, nang gaw na a lamu ga hpe matsan dum nga ndai; Israela amyu masha ni hpe kalang mi bai ngamu ngamai shangun nga nit dai.

ESAIA 1:9

Chyahtum Chyalai N-gun rawng ai dai Madu e shangam da shangun ai masha nkau mi n nga ai rai yang, Yerusalem gaw Sodom hte Gomora yan zawn atsai awai jahten kau ai hkrum na wu ai.

YEREMIA 12:16

Shanhte gaw Bala hpara a mying gang nna dagam na matu nye a amyu masha ni hpe lang mi sharin ya mu ai hte maren, shanhte a myit masin mahkra hte nye a amyu masha ni a nawku htung hpe hkap la nna, ‘Dai Madu hkrung nga ai,’ nga nna dagam ai rai yang, shanhte gaw nye a amyu masha ni tai wa lu nhtawm ngamu ngamai wa na mara ai.

YEREMIA 20:16

Madu gaw matsan dum ai lam n nga ai sha dai mare ni hpe jahten kau ai zawn, shi tai nga u ga. Jahpawt manap e nchyi nmu nga nna jahtau ai nsen ni hte shani chyingtung e majan jasu shadum ai nsen ni shi na u ga,

YEREMIA 31:23

Chyahtum Chyalai N-gun Rawng ai dai Madu Israela a Karai Kasang gaw, “Amyu masha ni hpe shanhte a mungdan de ngai bai woi wa ai shaloi, shanhte gaw Yuda mung hte de a mare ni hkan, ‘Dai Madu gaw Yerusalem a chyoi pra ai bum, shi shanu nga ai chyoi pra ai shara hpe shaman ya nga u ga,’ ngu nna kalang mi bai tsun lu na mara ai.

YEREMIA 46:27

“Nye a amyu masha ni e, hkum hkrit nga myit, Israela amyu masha ni e, hkum hkrit kajawng nga myit. Ngai gaw nanhte hpe sumtsan mung kaw nna mung, nanhte bawng dung nga ai mungdan kaw nna mung, hkye hkrang la na nngai. Nanhte gaw dum nta buga de bai nhtang wa nhtawm, ngwi pyaw sim sa ai hte nga lu na marin dai; nanhte gaw shim lum nga lu ai hte kadai mung nanhte hpe jahkrit lu na n rai.

YEREMIA 48:47

Rai ti mung, du na ra ai aten hta, dai Madu gaw Moba hpe kalang mi bai ngamu ngamai shangun na ra ai. Dai Madu tsun ai ndai lam yawng mayawng gaw Moba mung hta byin wa na ra ai.

YEREMIA 49:39

Rai ti mung, hpang e, ngai gaw Elam mung masha ni hpe bai ngamu ngamai shangun na nngai. Dai Madu ngai nan tsun ni ai.”

YEREMIA 49:6

“Rai ti mung, kade n na yang, ngai gaw Amon hpe bai ngamu ngamai shangun na nngai. Dai Madu ngai nan tsun ni ai.”

EZEKELA 16:52

Ya chyawm gaw na a myi man sum shangun ai kaya kahpa lam hpe nang hkam la na rai ndai. Na a shut hpyit ai yubak mara ni gaw na a makau na, nang hpe hpa n chye ai zawn yu nga ai na a kanau kana ni shut hpyit ai hta grau nna sawng nga ai. Nang gaw na a kanau kana ni hpe hpa mara mung n shakap shangun ndai majaw, ya dai na a kaya kahpa amu hpe hkam la u,” ngu nna tsun wu ai.

EZEKELA 16:54

Nang gaw nang hkum nan kaya kahpa hkrum na rin dai; na a myi man sum ai kaya kahpa amu gaw na a kanau kana ni hpe shanhte kade wa nga pyaw nga ma ai hpe madun na ra ai.

EZEKELA 26:6

dai ni a nhtu ni hte dai mung na ahkyak ai mare ni hta shanu nga ai ni hpe sat kau na mara ai. Shaloi, ngai nan dai Madu rai nga nngai hpe Turu mare masha ni chye lu na mara ai,” ngu nna tsun wu ai.

EZEKELA 29:14

ngai gaw shanhte hpe shanhte a daidaw buga nta nga ai Egutu mung a dingda daw de shanhte hpe nga shangun na nngai. Dai yang e shanhte gaw n-gun kya ai mungdan,

EZEKELA 39:25

Tsaw Htum ai dai Madu gaw, “Rai ti mung, Yaku a aru arat ni rai nga ai Israela amyu masha ni hpe ya ngai matsan dum la nna, shanhte hpe kalang mi bai ngamu ngamai shangun na nngai. Nye a chyoi pra ai mying ningsang hpe mung ngai maga na nngai.

YOELA 3:1

Dai Madu gaw, “Dai aten hta, ngai gaw Yuda hte Yerusalem a ngamu ngamai lam hpe bai jaw na nngai.