EZEKELA 16:52 - Jinghpaw Common Language Bible 2009

⁵² Ya chyawm gaw na a myi man sum shangun ai kaya kahpa lam hpe nang hkam la na rai ndai. Na a shut hpyit ai yubak mara ni gaw na a makau na, nang hpe hpa n chye ai zawn yu nga ai na a kanau kana ni shut hpyit ai hta grau nna sawng nga ai. Nang gaw na a kanau kana ni hpe hpa mara mung n shakap shangun ndai majaw, ya dai na a kaya kahpa amu hpe hkam la u,” ngu nna tsun wu ai.

Jinghpaw Hanson Version Bible

⁵² Na nnau nna ni hpe nang awlaw shangun ndai majaw, nang hkrum na ra ai kaya kahpa hpe hkam la u: shanhte galaw yu ai yubak hta, nang galaw yu ai matsat shabat lam, grau kaba nga ai majaw, shanhte gaw nang hta grau dinghpring nga ma ai: gaja wa, nang gaw na nnau nna ni hpe awlaw shangun ndai majaw, nang mak mat nna, hkrum na ra ai kaya kahpa hpe hkam la u, nga nna madu Yehowa tsun ai.”

EZEKELA 16:52 ပူးပေါင်းရင်းမြစ်များ

NINGPAWT NINGHPANG 38:26

Yuda mung dai arai ni hpe yu matsing nna, “Shi mahtang ngai hta grau ding man nga ai. Ngai shi hpe ngai sha Shela hte kahkyin shangun ang ai rai tim, dai nye a lit hpe ngai hprai kau se ai,” ngu nna tsun wu ai. Dai hpang Yuda shi hte galoi mung bai n kanawn mat wu ai.

1 HKAWHKAM 2:32

Yoab gaw shi hta grau kaja nna mara n kap ai masha lahkawng rai nga ai Israela hpyen luksuk hpe up hkang ai Abna hte Yuda hpyen luksuk hpe up hkang ai Amasa yan hpe, nye wa Dawi n chye ai sha sat kau nna shut kau ai ru hka amu a majaw dai Madu gaw shi hpe ari jaw na rai wu ai.

YEREMIA 23:40

Ngai gaw htani htana n malap kau lu ai kaya kahpa lam hte jahpoi jahpyak lam shanhte a ntsa e shapraw dan na we ai,” ngu nna tsun wu ai.

YEREMIA 3:11

Dai hpang, dai Madu gaw ngai hpe Israela gaw shi kaw na kayin mat wa manu tim, shi gaw sadi n dung ai Yuda hta grau nna kaja na matu sakse madun dan nu ai, nga nna tsun sai.

YEREMIA 31:19

Anhte gaw nang kaw na kayin mat wa ga ai, rai ti mung, kade n na yang, bai nhtang wa na matu ra sharawng nga ga ai. Nang anhte hpe ari jaw ngut ai hpang, anhte a baw ni gaw yawn hkyen ai hta dukrung taru nga saga ai. Anhte gaw prat naw ram nga yang, anhte galaw shut kau ai yubak mara ni a majaw, kaya kahpa hte jahpoi jahpyak ai hkrum nga saga ai,’ nga tsun ma ai.

YEREMIA 51:51

Nanhte gaw, ‘Nawku Htingnu kata na chyoi pra ai shara ni hpe maigan masha ni e madu sha kau mu ai majaw, anhte gaw myi man sum ai hte kaya kahpa di hkrum nga saga ai; anhte gaw dik hkra garen gari rai hkam sha saga ai,’ ngu nna tsun myit dai.

EZEKELA 16:47

Nang gaw shanhte a lagaw lahkam hta hkan shachyaw nang nhtawm, shanhte a matsat shabat re ai amu hpe len la ai hta myit dik wu ni? N rai law, nang galaw ai lam shagu gaw, kaji sha re ai amu hta pyi shanhte galaw ai hta grau nna nse nga ndai.

EZEKELA 16:48

“Ngai gaw ahkrung nga ai Karai Kasang rai nga nngai, dai majaw dai Tsaw Htum ai Madu gaw, “Na a kanau Sodom hte shi a mare ni gaw nang hte na a mare ni galaw mu ai zawn, dai n hkru n shawp ai amu hpe galoi mung n galaw nga ma ai.

EZEKELA 16:53

Dai Madu gaw Yerusalem hpe, “Ngai gaw Sodom hte de a kahtawng ni hpe mung, Samari hte de a kahtawng ni hpe mung bai ngamu ngamai shangun na we ai. Rai sa, ngai gaw nang hpe mung ngamu ngamai shangun na we ai.

EZEKELA 16:54

Nang gaw nang hkum nan kaya kahpa hkrum na rin dai; na a myi man sum ai kaya kahpa amu gaw na a kanau kana ni hpe shanhte kade wa nga pyaw nga ma ai hpe madun na ra ai.

EZEKELA 16:56

Nang gumrawng gumtawng nga nna nang galaw ai n hkru n shawp ai amu ni garai n shadawng dan yang, dai nhtoi ni hta Sodom hte seng nna nang mani asan kau yu wu ni? Ya chyawm gaw, nang mung shi zawn sha, Edom masha ni, Hpilisti masha ni hte nang hpe n dawng ai kaga na a htingbu ni a man e mani hpa zawn rai nga ndai.

EZEKELA 16:63

Ngai gaw nang galaw yu sai shut hpyit amu mahkra hpe mara dat ya na nngai, rai ti mung, nang gaw dai lam ni hpe myit dum wa nna na a n-gup hpaw na matu, ja ja kaya bu na ndai.” Tsaw Htum ai dai Madu tsun nu ai.

EZEKELA 32:24

Elam mung gaw dai yang e, shi a grup grup hta shi a hpyenla ni a lup sung hku ni hte nga nga ai. Shanhte yawng gaw majan hta sat kau hkrum nga ma ai; shanhte gaw matu gadoi n hkam la ai sha katsan ga de yu mat wa masai. Shanhte gaw asak naw hkrung nga yang, hkrit hpa lam shapraw ma ti mung, ya chyawm gaw shanhte si taw ai hte myi man sum nga masai.

EZEKELA 36:15

Masha amyu baw ni mani asawng ai ga dai mungdan hta galoi mung na lu na n rai. Mungdan kashu kasha ni hpe kashun la ai gaw dai mungdan hta galoi mung nga sana n rai. Dai Madu Karai Kasang ngai nan tsun ni ai.”

EZEKELA 39:26

Shanhte hpe jahkrit shama ai ni kadai mung n nga ai sha, shanhte a mungdan hta shim lum ai hte lang mi bai shanu nga lu ai shaloi, ngai hpe gumle gumlau di ai a majaw shanhte kade wa myi man sum hkrum nga ai hpe shanhte malap kau lu na mara ai.

EZEKELA 44:13

Shanhte ni gaw hkinjawng ni zawn ngai hpe daw jau lu na ma ai n rai; ngai hte seng ai chyoi pra ai arai ni hpang de ni sa wa lu na ma ai n rai, Chyoi Pra Htum ai Shara de mung shang lu na n rai. Dai gaw shanhte galaw kau sai matsat shabat amu a matu jaw ai ari ahpri rai nga ai.

HOSEA 10:6

Dai hpara sumla gaw hkawseng kaba wa a matu kumhpa shatai na nga, Asuri mung de la sa mat wa hkrum na ra ai. Israela gaw shanhte hkan nang ai hpaji jaw ga a majaw amyu masha ni myi man sum ai hte kaya hkrum na rai ma ai.

LUKA 6:37

“Masha ni hpe hkum jeyang myit, shaloi she Karai Kasang mung nanhte hpe n jeyang na ra ai, masha ni hpe mara hkum shagun mu, shing rai yang, Karai Kasang mung nanhte hpe mara n shagun na ra ai. Masha ni hpe mara dat ya mu, shaloi Karai Kasang mung nanhte hpe mara dat ya na ra ai.

ROMA 1:32

Shing rai galaw ai ni gaw si ging nga ma ai nga nna Karai Kasang a tara hta hkang da nga sai hpe shanhte chye chyalu rai ma ai rai ti mung, shanhte hkum nan dai lam ni hpe galaw dingyang rai nga ma ai hta n ga, dai hku hkan galaw ai ni hpe mung n-gun jaw awlaw ma ai.

ROMA 2:10

Karai Kasang gaw shawng nnan e Yuda masha ni hpe rai ti mung, dai hpang maigan masha ni hpe rai ti mung, mai kaja ai bungli shachyen ai ni nlang hte hpe hpung shingkang arawng sadang hte ngwi pyaw simsa ai lam jaw na maru ai.

ROMA 6:21

Dai aten hta nanhte hkan sa galaw ai amu ni gaw hpa akyu mi n shabyin ai hta n ga ya e nanhte dai ni a majaw kaya kahpa hkrum manit dai. Dai ni a jahtum ai gaw si mat ai rai nga ai.

1 SAMUELA 24:17

Dai hpang, shi gaw Dawi hpe, “Nang galaw ai lam jaw nga ai; ngai mahtang shut nga nngai. Ngai nang hpe dai zawn shut ai hku galaw kau ti mung nang chyawm gaw ngai hpe grai kaja ai hku galaw nga nit dai!