EZEKELA 16:47 - Jinghpaw Common Language Bible 2009

⁴⁷ Nang gaw shanhte a lagaw lahkam hta hkan shachyaw nang nhtawm, shanhte a matsat shabat re ai amu hpe len la ai hta myit dik wu ni? N rai law, nang galaw ai lam shagu gaw, kaji sha re ai amu hta pyi shanhte galaw ai hta grau nna nse nga ndai.

Jinghpaw Hanson Version Bible

⁴⁷ Rai timung, nang gaw, shanhte a htung hking hte matsat shabat lam sha hkan ai n rai; dai hpe kaji sha zawn nawn nna, lam shagu hta shanhte hta grau n se nga ndai.

EZEKELA 16:47 ပူးပေါင်းရင်းမြစ်များ

1 HKAWHKAM 16:31

Hkawhkam Yeroboam zawn yubak galaw na shi a matu n ram dum nga wu ai; dai rai nna Sidon Hkawhkam Etbala a shayi sha Yezebela hpe hkungran la let Bala hpe nawku wu ai.

2 HKAWHKAM 21:16

Manashe gaw mara n kap ai amyu masha law law hte hpe sat kau wu ai majaw Yerusalem nmaw lam hkan sai hka lwi nga ai. Yuda amyu masha ni hpe hpara sumla nawku ai lai de woi sa wa nna dai Madu hpe shut kau na lam shanhte hpe jat nna shi woi galaw nga ai.

2 HKAWHKAM 21:9

Rai ti mung Yuda amyu masha ni dai Madu a ga hpe n madat nga ma ai rai nna shi a amyu masha ni rawt lung wa yang, dai Madu gaw shanhte a mung kaw nna gawt shapraw kau dat ai masha amyu baw ni shut hpyit kau ai yubak ni hta grau kaba ai yubak hpe shut hpyit na matu Manashe gaw shanhte hpe lam woi shadam kau mu ai.

YEREMIA 3:7

Shi gaw ndai amu yawng galaw ngut ai hpang, ngai hpang de kaja wa nhtang wa na, ngai myit nawn kau nngai. Rai ti mung, shi nhtang wa ai n rai, sadi n dung ai shi a kana Yuda gaw dai lam yawng hpe mu nu ai.

YEREMIA 3:8

Shi gaw ngai kaw na kayin mat wa nhtawm shawa num tai mat sai majaw ngai gaw Israela hpe jahka kau nhtawm tsan tsan de sa kau dat ai hpe Yuda wa mung mu nu ai. Rai ti mung, Israela a sadi n dung ai kana Yuda gaw hkrit ai n rai. Shi mung shawa num tai wa nhtawm,

EZEKELA 16:48

“Ngai gaw ahkrung nga ai Karai Kasang rai nga nngai, dai majaw dai Tsaw Htum ai Madu gaw, “Na a kanau Sodom hte shi a mare ni gaw nang hte na a mare ni galaw mu ai zawn, dai n hkru n shawp ai amu hpe galoi mung n galaw nga ma ai.

EZEKELA 16:51

“Samari mare gaw nang galaw ai yubak chyen mi daram pyi n galaw shut yu nga ai. Nang gaw shi galaw ai hta grau nna matsat shabat lai hku galaw ndai. Na a n san n seng ai matsat shabat re ai amu gaw, shadawn yu yang, na a kanau kana ni gaw mara n kap ai ni zawn rai nga ai.

EZEKELA 16:52

Ya chyawm gaw na a myi man sum shangun ai kaya kahpa lam hpe nang hkam la na rai ndai. Na a shut hpyit ai yubak mara ni gaw na a makau na, nang hpe hpa n chye ai zawn yu nga ai na a kanau kana ni shut hpyit ai hta grau nna sawng nga ai. Nang gaw na a kanau kana ni hpe hpa mara mung n shakap shangun ndai majaw, ya dai na a kaya kahpa amu hpe hkam la u,” ngu nna tsun wu ai.

EZEKELA 8:17

Dai Madu gaw ngai hpe, “Si chye ai masha wa e, dai amu hpe nang mu nu ni? Ndai Yuda amyu masha ni gaw ndai yang e nang mu nit dai shanhte galaw ai matsat shabat amu ni yawng hte mungdan ting hta kashun kashe du daw sai hkaw amu shachyam shabra ai hta pyi myit dik dum nga ma ai n rai. Shanhte gaw ndai Nawku Htingnu kata hta nan sa nna ngai hpe grau nna masin pawt shangun nga ma ai. Shanhte gaw ngai hpe dang lu ai made n rawn n wawm ai hku kade daram n kaw n law di ma ai hpe mada yu u!

1 KORINHTU 5:1

Ya Hkristan n re ai maigan masha ni pyi n hkan galaw ai hkrithpa num la nse nsa lam nanhte hta nga nga ai lam masha ni hkrak tsun kajai nga ma ai hpe ngai na lu nngai. Masha langai mi gaw shi a hpang kanu hte rau nga sha nga ai lam ngai na lu nngai.