EZEKELA 16:44 - Jinghpaw Common Language Bible 2009

⁴⁴ Dai Madu gaw, “Yerusalem e, amyu masha ni gaw nang hte seng nna ndai ga malai hpe, ‘Kanu zawn, shayi sha zawn,’ nga nna tsun shajang wa na mara ai.

Jinghpaw Hanson Version Bible

⁴⁴ “Yu u, ga malai tsun ai wa kadai mung, “Kanu zawn re ai, shayi sha,” nga nna nang hpe lakap let, ga malai tsun shajang na mara ai.

EZEKELA 16:44 ပူးပေါင်းရင်းမြစ်များ

1 HKAWHKAM 21:16

Ahab gaw dai hpe sa madu la na nga, sabyi sun de kalang lata rawt sa mat wa wu ai.

2 HKAWHKAM 17:11

tara maigan tawn hkungri ni yawng a ntsa hkan manam pyaw ai baw nat nawng nna, mungdan kaw nna dai Madu shaden shapraw kau ai masha amyu ni a lailen hta hkan dagraw nga ma ai. Shanhte galaw ai n hkru n shawp ai amu ni hpe galaw nna dai Madu a masin pawt ai hpe shanhte jasu sharawt ya ma ai;

2 HKAWHKAM 17:15

Shanhte gaw shi a matsun maroi ga ni hpe madat mara na matu ningdang kau nhtawm shi hte shanhte a kaji kawa ni hte tawn da ai ga shaka hpe n hkan shatup ai hte shi a shadum jahprang ai ga ni hpe shanhte n kaw n law di kau ma ai. Shanhte gaw manu n dan ai hpara sumla ni hpe nawku nhtawm tinang hkum hpe manu shagrit kau ma ai; shanhte gaw grup yin masha amyu baw ni a htung lailen ni hta hkan nhtawm shanhte a arawn alai ni hpe len n la na matu dai Madu a hkang da ai ga ni hpe mung n madat nga ma ai.

2 HKAWHKAM 21:9

Rai ti mung Yuda amyu masha ni dai Madu a ga hpe n madat nga ma ai rai nna shi a amyu masha ni rawt lung wa yang, dai Madu gaw shanhte a mung kaw nna gawt shapraw kau dat ai masha amyu baw ni shut hpyit kau ai yubak ni hta grau kaba ai yubak hpe shut hpyit na matu Manashe gaw shanhte hpe lam woi shadam kau mu ai.

EZRA 9:1

Ndai amu ni galaw ngut ai hpang, Israela amyu masha ni a ningbaw nkau mi ngai kaw sa nna, amyu masha ni, hkinjawng ni hte Lewi masha ni nan htingbu mungdan ni rai nga ai Amon, Moba, hte Egutu, shing n rai Hkanani, Hiti, Perizi, Yebusi hte Amori masha ni hte shanhte nan n daw n hka ai sha nga nga ma ai rai nna, dai masha ni galaw ai matsat shabat amu ni hte maren shanhte hkan galaw nga ma ai lam tsun dan mi ai.

EZEKELA 12:22

Shi gaw, “Si chye ai masha wa e, hpa majaw Israela amyu masha ni gaw, ‘Aten ladaw lai mat nna tau tsun ga ni hpa rai n byin ai kun?,’ nga nna dai ga shagawp hpe kahtap tsun tsun rai nga ma ni?

EZEKELA 12:23

Ya chyawm gaw, Tsaw Htum ai dai Madu ngai nan dai hpe lakap nna tsun ai ga, shanhte hpe htawn tsun u. Ngai gaw dai ga shagawp hpe shamat shaprai kau na nngai. Dai ga hpe Israela amyu masha ni hta galoi mung kahtap tsun sana ma ai n rai. Shing nga tsun na malai, dai aten ladaw gaw du sai, tau tsun da ai ga ni mung teng teng byin nga sai!, ngu nna shanhte hpe tsun u, nga ai.

EZEKELA 16:3

Tsaw Htum ai dai Madu gaw shi hte seng nna hpa tsun nga ai lam Yerusalem hpe htawn tsun u: “Nang gaw Hkanan mung hta shangai dai daw wa nit dai. Na a kawa gaw Amori masha, na a nnu gaw Hiti num rai nga ai.

EZEKELA 16:45

Nang gaw teng teng na nnu a shayi sha rai nga ndai. Shi gaw shi a madu wa hte shi a kashu kasha ni hpe matsat kau ai jan rai nga ai. Nang gaw na a kana ni zawn shanhte a madu wa ni hte kashu kasha ni hpe n ju n dawng ai jan rai nga ndai. nang hte kanau kana mare ni gaw Hiti kanu hte Amori kawa lu nga ndai.

1 SAMUELA 24:13

Moi na ga malai hta, ‘N hkru ai amu hpe n hkru ai masha ni chyu sha galaw ma ai,’ ngu nna tsun ai ga hpe mung nang chye nga ndai; dai rai nna nang hpe ngai n machyi hkra na de ai.