EZEKELA 16:43 - Jinghpaw Common Language Bible 2009

⁴³ Nang naw kaji nga yang, ngai nang hpe kade lakawn ai hpe mung nang malap kau nhtawm, nang galaw ai amu yawng hte nang ngai hpe pawt sindawng shangun nit dai. Dai lam a majaw, ngai gaw dai amu ni yawng a matu nang hpe matai htang jaw ni ai. Nang galaw ai kaga matsat shabat amu ni yawng hta ngang gayut ai nse nsa amu hpe nang hpa majaw shut hpyit nit ta?” Tsaw Htum ai dai Madu nan tsun nu ai.

Jinghpaw Hanson Version Bible

⁴³ Kaning rai nme law, nang gaw na a hkawn ram prat hpe n dum ndai; ndai lam shagu hta ngai hpe gumlau ndai: dai re ai majaw, yu u, na a yubak hpe na a baw ntsa de ngai shapraw na nngai; na matsat shabat amu mahkra a ntsa e, ndai n san n seng ai hpe galaw kahtap lu sa na n rai,” nga nna Madu Yehowa tsun ai.

EZEKELA 16:43 ပူးပေါင်းရင်းမြစ်များ

SHAKAWN KUNGDAWN 106:13

Rai ti mung, shanhte gaw shi galaw dan sai amu ni hpe alawan malap kau ya mu ai hte; shi a hpaji jaw ai lam ni hpe n la nga ai sha, galaw kau manu ai.

SHAKAWN KUNGDAWN 78:40

Shanhte nam mali hkan e, shi hpe kade lang wa gumlau kau nga ma ai; kade lang wa shi hpe myit shayawn kau nga ma hka!

SHAKAWN KUNGDAWN 78:42

Madu a galu kaba ai daru magam n-gun hte shanhte a gumlau hpyen ni a lata kaw nna shanhte hpe hkye hkrang la sai nhtoi hpe mung;

SHAKAWN KUNGDAWN 95:10

Ngai gaw mali shi ning tup, dai amyu masha ni hpe n yu ra mat nngai. ‘Shanhte gaw kade wa sadi n dung nga ma hka! shanhte gaw nye a hkang da ai tara ni hpe ndang kau ai ni rai ma ai.’

ESAIA 63:10

rai ti mung, shanhte gaw shi hpe gumlau nna shi a chyoi pra ai wenyi hpe yawn shangun ma ai. Dai rai nna dai Madu gaw shanhte a gumlau tai mat nhtawm shanhte hpe gasat wu ai.

YEREMIA 2:32

Numsha mahkawn gaw shi a ja rai, num nnan gaw shi a hkungran hpun palawng hpe malap da mai nga a ni? Rai ti mung, nye a amyu masha ni chyawm gaw ngai hpe malap kau ai nhtoi ni n dang hti hkra law nga sai.

EZEKELA 11:21

Rai ti mung, awu asin re ai hte matsat shabat re ai hpara sumla ni hpe nawku na myit manoi tsaw ra nga ai ni hpe chyawm gaw ngai ari jaw na nngai. Shanhte galaw lai wa sai amu hte maren, shanhte hpe ngai ari jaw na nngai,” ngu nna dai Tsaw Htum ai dai Madu nan tsun wu ai.

EZEKELA 16:22

Shawa num langai zawn na a matsat shabat amu galaw ai asak hkrun lam laman hte yang, nang singgu krin rai nga nna na a asai hta galu nga ai shaloi, nang gaw na a ma prat hpe kalang mi sha pyi galoi mung n dum yu nit dai,” ngu nna tsun wu ai.

EZEKELA 16:58

Na a nse ai hte nang galaw ai matsat shabat amu a matu dai nni nkri hpe nang hkam la ra nit dai,” ngu nna tsun wu ai.

EZEKELA 17:19

Tsaw Htum ai dai Madu gaw, “Ngai gaw ahkrung nga ai Karai Kasang rai nga nngai, dai majaw, shi hpe nye a mying hta agrin nga na matu shi dagam da nu ai ga shaka hpe jahten kau nu ai rai nna shi hpe ari jaw na we ai.

EZEKELA 22:31

Dai re ai majaw, ngai gaw nye a masin kahtet ai hpe shanhte a ntsa e ru bun dat nna, shanhte galaw dan sai arawn alai hte maren, shanhte hpe wan zawn shamyit kau na we ai.” Tsaw Htum ai dai Madu tsun nu ai.

EZEKELA 6:9

dai ni gaw bawng dung hkrum ai mung hta nga nga na mara ai. Shanhte a n kam ai myit masin ni hte ngai hpe kau da ai hte ngai hta hpara sumla ni hpe grau nna ra sharawng nga ma ai majaw, ngai shanhte hpe ari jaw ai hte jahpoi kau ni ai hpe shanhte dum chye wa na mara ai. Shanhte gaw shanhte galaw ai n hkru ai amu ni hte matsat shabat re ai grit nem ai amu galaw ai a majaw, shanhte hkum hpe nan matsat kau na mara ai.

EZEKELA 9:10

Rai ti mung, ngai gaw shanhte a ntsa e matsan yu dum na n rai; kaga masha ni hpe shanhte galaw ai hte maren shanhte hpe galaw dan na nngai,” ngu nna htan wu ai.

Daniela 9:13

Mawshe a Tara hta ka da ai ari ahpri yawng anhte hpe jaw nga ndai. Rai ti mung, ya chyawm gaw, O Madu anhte a Karai Kasang e, anhte a yubak ni kaw nna kayin mat wa nhtawm na a teng man ai lam hta hkan sa ai hku nang hpe awng sharawng shangun ga ai n rai.

Daniela 9:14

O Madu anhte a Karai Kasang e, anhte gaw na a ga n madat ga tim, jaw ai amu hpe nang tut nawng galaw nga ndai majaw, anhte hpe ari jaw na matu nang hkyen da ai hte maren, ari jaw nga ndai.

AMO LAIKA (AMOS) 2:13

Ya chyawm gaw, ngai gaw nanhte hpe ga de agrawp kau na we ai; nanhte gaw mam nsi lit htaw ai leng zawn madai na rai myit dai.

KASA 7:51

“Dai daram wa nanhte du ja nga myit hka! Nanhte a myit masin ni gaw Karai Kasang hpe dai daram wa n kam n sham nga malit hka! Karai Kasang a shingran mungga hpe na la na dai daram wa na lahpang nga myit hka! Nanhte gaw, nanhte a nji nwa ni galaw ai zawn Chyoi Pra ai Wenyi hpe nanhte galoi mung ninghkap nga myit hka!

EHPESU 4:30

Dai hta n ga Chyoi Pra ai Wenyi hpe hkum shayawn kau nga myit; hpa majaw nga yang dai Chyoi Pra ai Wenyi gaw nanhte hpe Karai Kasang madu nga ai lam sakse masat dazik rai nna hpang jahtum nhtoi e nanhte hpe Karai Kasang shalawt dat hkrum na ra ai hpe pahkam hkam ya ai lam langai mi mung rai nga ai.

TARA JAHPRANG 32:21

Shanhte a hpara sumla ni hte ngai hpe masin pawt shangun nna; mying gun hpara ni, ngai hpe yu manawn nga ma ai; dai hpara ni mahtang karai jet ni n rai ma ai. Dai rai nna, hti n mai ai amyu hpe ngai lang nna shanhte hpe masin pawt shangun na nngai; angawk angak re ai amyu hte mung shanhte hpe manawn shangun na nngai.