EZEKELA 16:40 - Jinghpaw Common Language Bible 2009

⁴⁰ “Shanhte gaw nang hpe nlung hte kabai sat kau na matu, shawa masha ni hpe myit shalut ya na mara ai; shanhte gaw nang hpe shanhte a nhtu ni hte kahtum kadaw di kahtam kau na mara ai.

Jinghpaw Hanson Version Bible

⁴⁰ Masha wunawng hpe mung shanhte shaga nna, dai ni gaw nlung hte nang hpe kabai sat nhtawm, nhtu hte azat kau na mara ai.

EZEKELA 16:40 ပူးပေါင်းရင်းမြစ်များ

2 HKAWHKAM LABAU 36:17

Dai rai nna dai Madu gaw shanhte hpe sa htim gasat na matu Babelon hkawhkam hpe shangun dat wu ai. Hkawhkam wa gaw Nawku Htingnu kata e nga ai Yuda la shabrang ni hpe du hkra, sat kau wu ai. Shi gaw kaji kaba hpe mung, lasha numsha ni hpe mung, machyi masha hte hkam kaja ai masha kadai hpe n nga, matsan dum ai myit rawng nga ai n rai. Karai Kasang gaw shanhte yawng hpe shi a lata de ap kau ya nga ai.

YEREMIA 25:9

‘Ngai gaw dingdung maga de na amyu masha ni yawng hte hpe nye a shangun ma Babelon Hkawhkam Nebuhkadneza a matu shangun dat ya na nngai. Ngai gaw Yuda mung hte de a mung masha ni mahkra hte grup yin e nga ai amyu baw ni mahkra hpe mung, gasat kau na matu shanhte hpe woi sa wa na nngai. Shing rai ngai gaw ndai amyu masha ni hte makau grup yin na amyu baw ni hpe lung gasat kau ai hte dai shara ni gaw prat dingsa katsi katsang shara, hkrit hpa hte yu kajawng mat na zawn re ai shara shatai kau na nngai. Dai Madu ngai nan tsun ni ai.

EZEKELA 23:10

Shanhte gaw shi a hpun palawng hpe raw sharun kau ya ma ai, shi a shadang sha ni hte shayi sha ni hpe rim la ma ai, dai hpang, shi hpe nhtu hte sat kau ma ai. Shara shagu hkan nga ai numsha ni gaw shi a maka hte seng ai lam hpe tsun shatan ma ai.

EZEKELA 23:25

Ngai gaw nang hpe pawt sindawng nga nngai majaw, shanhte a masin kahtet ai hta ngai nang hpe hkrup sha shangun na nngai. Shanhte gaw na a ladi hte ana ni hpe kahtam di kau nna, na a kashu kasha ni hpe sat kau na mara ai. Rai sa, shanhte gaw na a shayi shadang sha ni hpe na a lata kaw nna gare la nhtawm shanhte hpe jahkrung nat kau na mara ai.

EZEKELA 23:47

Dai masha wunawng wuwa gaw shan hpe nlung hte kabai nna, nhtu ni hte htim mu ga; ma ni hpe mung sat kau nna nta ni hpe nat kau ya mu ga.

EZEKELA 24:21

Israela masha ni hpe ndai mungga jaw ya na matu ngai hpe tsun wu ai: Nang gaw Nawku Htingnu a n-gun atsam hta gumrawng gumtawng nga ndai. Nang gaw dai hpe yu sharawng nna dai de sa chyai nga ndai, rai ti mung, dai Madu gaw dai shara hpe awu asin di kau na ra ai. Yerusalem hta jahti da ai na a dinghku ni hta na shayi shadang sha ni gaw hpyen majan hta sat kau ai hkrum na mara ai.