EZEKELA 16:31 - Jinghpaw Common Language Bible 2009

³¹ Nang gaw nmaw lam makau shagu hkan hpara sumla ni hpe nawku dingnyawm na shara gaw gap ndai hte shawa num amu shut hpyit nga ndai. Rai ti mung, nang gaw kaga shawa num ni zawn shinggan pru nna manu jahpu n la nga ndai.

Jinghpaw Hanson Version Bible

³¹ lam she shagu hta, na wahpang hpe nang gaw da nna, mare lam shagu hta na a tsaw ai shara hpe dè da ai hte, jahpu n hpyi ai majaw, shawa num kaga hte n bung ndai.

EZEKELA 16:31 ပူးပေါင်းရင်းမြစ်များ

ESAIA 52:3

Tsaw Htum ai dai Madu gaw shi a amyu masha ni hpe, “Nanhte mayam tai nga myit dai shaloi, nanhte a matu gumhpraw manu n hkrat ra nga ai; dai hte maren, nanhte hpe shalawt dat na matu manu jahpu hkrat ra na ra ai n rai.

EZEKELA 16:32

Nang gaw tinang a madu wa hpe tsaw ra na malai, tsasam masha ni hte shut hpyit nna la shaw ai num hte bung nga ndai.

EZEKELA 16:39

Ngai gaw nang hpe shanhte a daru magam n-gun kata hta tawn da nna, shanhte gaw shawa num amu galaw sha ai shara ni hte hpara sumla ni hte nawku ai shara ni hpe agrawp jahten kau na mara ai. Shanhte gaw na a hpun palawng ni hte tsawm ai gali lakan ni hpe la kau ya nhtawm nang hpe malawng mala singgu krin di kau da na mara ai.

EZEKELA 20:29

Nanhte sa sa re ai dai Tsaw ai Shara ni gaw kaning re ai shara ni rai nga a ta?, ngu nna ngai shanhte hpe san yu ni ai. Shanhte gaw dai hpe dai ni du hkra, “Tsaw ai Shara” ngu nna shamying da ma ai.

HOSEA 12:11

Rai tim, Gilead mung e hpara sumla ni nawku ma ai. Dai hpe nawku ai ni si mat na mara ai. Gilgala mare e dumsu usu ni hte shagu hkungga nawng ya ma ai; dai yang e nga ai tawn hkungri ni gaw pa layang hkan e nlung sumpum tai mat na mara ai.”