EZEKELA 16:3 - Jinghpaw Common Language Bible 2009

³ Tsaw Htum ai dai Madu gaw shi hte seng nna hpa tsun nga ai lam Yerusalem hpe htawn tsun u: “Nang gaw Hkanan mung hta shangai dai daw wa nit dai. Na a kawa gaw Amori masha, na a nnu gaw Hiti num rai nga ai.

Jinghpaw Hanson Version Bible

³ ‘Madu Yehowa Yerusalem mare hpe lakap nna ning nga ai: Na a daju hte dai daw ai shara Hkanan mung hta rai nga ai: Na nwa gaw Amori masha, nnu gaw Hiti num rai nga ai.

EZEKELA 16:3 ပူးပေါင်းရင်းမြစ်များ

NINGPAWT NINGHPANG 11:25

Dai hpang shi gaw 119 ning du hkra naw nga nhtawm shayi shadang sha ni hpe shaprat wu ai.

NINGPAWT NINGHPANG 11:29

Abram gaw Sarai hpe la nna Nahora gaw Haran a shayi sha Milhka hpe la wu ai; bai shi gaw Yisahka a kawa mung rai nga ai.

NINGPAWT NINGHPANG 15:16

Prat mali lai ai hpang, na a amyu matu ni ndai shara de bai nhtang wa na mara ai; hpa majaw nga yang, Amori masha ni ari ahpri hkrum mu ga, shanhte grai n hkru n shawp ai ni tai mat wa ai aten du hkra, ngai shaden kau na nngai n rai.

1 HKAWHKAM 21:26

Israela amyu masha ni rawt lung wa mu yang, mungdan kata na dai Madu e gawt shapraw kau sai Amori masha ni galaw ai zawn shi gaw hpara sumla ni hpe nawku let nachying kaya kahpa re ai yubak bai shut kau nu ai.)

2 HKAWHKAM 21:11

“Hkanan masha ni galaw ai amu hta grau sawng ai ndai matsat shabat amu ni hpe Hkawhkam Manashe galaw shut kau nu ai; shi a hpara sumla ni hte Yuda amyu masha ni hpe yubak lam de lam woi shadam mat wa nu ai.

EZRA 9:1

Ndai amu ni galaw ngut ai hpang, Israela amyu masha ni a ningbaw nkau mi ngai kaw sa nna, amyu masha ni, hkinjawng ni hte Lewi masha ni nan htingbu mungdan ni rai nga ai Amon, Moba, hte Egutu, shing n rai Hkanani, Hiti, Perizi, Yebusi hte Amori masha ni hte shanhte nan n daw n hka ai sha nga nga ma ai rai nna, dai masha ni galaw ai matsat shabat amu ni hte maren shanhte hkan galaw nga ma ai lam tsun dan mi ai.

NEHEMIA 9:7

Madu Karai Kasang e, nang gaw Abram hpe lata la nna Babelon mung Ura mare na woi shapraw la ndai; nang gaw shi a mying hpe Abraham ngu nna galai ya nit dai.

ESAIA 1:10

Yerusalem e, na a mung du ni hte na a amyu masha ni gaw Sodom hte Gomora masha ni zawn rai ma ai. Dai Madu nang hpe tsun nga ai ga madat u. Anhte a Karai Kasang nang hpe sharin ya nga ai lam hpe madat mara nga u.

ESAIA 43:27

Na a shawng na nji nwa gaw yubak galaw sai; na a ningbaw ni ngai hpe shut hpyit nga masai.

EZEKELA 16:2

Shi gaw, “Si chye ai masha wa e, Yerusalem galaw sai matsat shabat amu hpa rai nga ai hpe chye lu hkra, madun u.

EZEKELA 16:4

Nang shangai wa ai shaloi, na a shadai sumri hpe kadai n daw, nang hpe kashin shatsawm na n nga, jum hte nang hpe arut na n nga, nang hpe sanen hte kadai n kayawp ma ai.

EZEKELA 16:45

Nang gaw teng teng na nnu a shayi sha rai nga ndai. Shi gaw shi a madu wa hte shi a kashu kasha ni hpe matsat kau ai jan rai nga ai. Nang gaw na a kana ni zawn shanhte a madu wa ni hte kashu kasha ni hpe n ju n dawng ai jan rai nga ndai. nang hte kanau kana mare ni gaw Hiti kanu hte Amori kawa lu nga ndai.

EZEKELA 21:30

“ ‘Nhtu hpe n-ga de bai bang tawn u! Ngai gaw nang hpe nang hpan da hkrum ai shara ngu ai nang shangai wa sai mungdan hta tara jeyang na nngai.

MAHTE 11:24

Dai majaw ngai nanhte hpe tsun made ai gaw, tara dara ai nhtoi hta e, Sodom mung gaw, nang hta naw chyamai na ra ai.

MAHTE 3:7

Hparishe ni hte Saduke ni law law wa hkalup hkam la na nga nna shi kaw sa wa ma ai hpe Yawhan mu wu yang, shi shanhte hpe, “Pu htum amyu ni e, Karai Kasang kaw na du magang ra ai ari hta na hprawng lawt mat lu myit ga, nanhte hpe kadai tsun shadum da myit ta?,” ngu nna tsun mu ai.

LUKA 3:7

Dai majaw, Yawhan a lata hta hkalup hkam la na pru sa wa ai shawa masha ni hpe shi tsun mu ai gaw, “Pu htum amyu ni e, Karai Kasang kaw na du magang ra ai yubak a ari hta na hprawng lawt lu myit ga, nanhte hpe kadai shadum myit ta?

YAWHAN 8:44

Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.

EHPESU 2:3

Kaja wa anhte yawng mung shawng de kalang mi shanhte zawn rai nna anhte a hkum shan a marin marit ai lam ni hta hkan sa let hkum shan a ra ai lam ni hte myit masin a ra ai lam shagu hpe hkan sa galaw nga ga ai. Anhte mung hkum shan lam hku nna kaga masha ni hte maren Karai Kasang a pawt sindawng ai hpe hkrum ging ai ni rai nga ga ai.

TARA JAHPRANG 20:17

Hiti, Amori, Hkanani, Perizi, Hiwi hte Yebusi masha ni yawng hpe dai Madu nanhte hpe hkang da sai hte maren, tsep kawp shamyit kau na rai myit dai.

TARA JAHPRANG 7:1

Dai Madu nanhte a Karai Kasang gaw nanhte madu la na mungdan de woi shawn nna, dai mung na amyu baw law law hte hpe gawt shapraw kau na rai wu ai. Nanhte rawt lung wa myit yang, shi gaw nanhte hta grau galu kaba nna n-gun grau rawng ai amyu sanit rai nga ai Hiti, Girgashi, Amori, Hkanani, Perizi, Hiwi hte Yebusi masha ni hpe gawt shapraw kau na ra ai.

YAWSHU 13:4

Hkanani masha ni a mung ting hte (Sidon masha ni madu da ai) Meara mare du hkra, Amori mung a lamu ga jarit Ahpek shara du hkra,

YAWSHU 24:14

Yawshu gaw, “Ya dai Madu hpe shagrau sha-a nhtawm sadi sahka hte ding man ai hku shi hpe daw jau nga mu. Mesopotamia hte Egutu mung hta nanhte a kaji kawa ni nawku ai hpara sumla ni hpe kau da nhtawm dai Madu hpe chyu sha daw jau nga mu.

1 YAWHAN 3:10

Dai gaw Karai Kasang a kashu kasha ni hte, Nat a kashu kasha ni a adan aleng shai hkat ai lam rai nga ai. Kadai rai ti mung, ding hpring ai amu n galaw ai hte shing n rai, shi a kahpu kanau hpe n tsaw n ra ai wa gaw Karai Kasang a kashu kasha n rai nga ai.