EZEKELA 16:25 - Jinghpaw Common Language Bible 2009

²⁵ Nang gaw na a tsawm htap ai hpe hkumpup hkumpa lam hku garawt achya kau nhtawm, dai lam hku lai wa ai masha shagu hte hpe na a hkum ap ya let, shawa num langai mi zawn shani shagu shut hpyit ai amu galaw nga ndai.

Jinghpaw Hanson Version Bible

²⁵ Nang gaw lam she shagu hta na a tsaw ai shara ni hpe de da nna, na a tsawm htap ai hkum hpe matsat shabat di kau hkra, dai lam lai wa ai ni yawng hpe lagaw shadawng dan nna, shut hpyit ai amu shalaw dat wu ai.

EZEKELA 16:25 ပူးပေါင်းရင်းမြစ်များ

NINGPAWT NINGHPANG 38:14

Shi gaw, shi hpun hpun re ai gaida hpun palawng hpe galai kau nhtawm man magap hte shi myi man hpe magap kau nna Htimna de sa wa ai lam hta nga ai Enaim mare chyinghka lam e sa dung nga wu ai. Hpa majaw nga yang, Yuda a shadang sha hpungdim Shela kaba ti mung shi hpe n hta shangun wu ai gaw, shi hkrak sha chye da wu ai.

NINGPAWT NINGHPANG 38:21

Shi gaw Enaim na lasha nkau mi hpe, “Ndai lam makau e nga ai shawa num kanang rai nga a ta?,” ngu nna san wu ai. Shanhte mahtang, “Ndai yang e shawa num langai galoi mung n nga yu ai,” ngu nna htan dat mu ai.

ESAIA 23:17

Dai sanit shi ning lai mat wa ai shaloi, dai Madu gaw Turu hpe mi na shi a hpaga shara de nhtang wa shangun na ra ai, shi gaw mungkan mungdan ni yawng hpang de shap sha na ra ai.

ESAIA 3:9

Shanhte a myi man tam ai amu ni gaw shanhte a akyu jasum ya nga ai. Shanhte gaw Sodom masha ni galaw ai zawn yubak hpe adan sha galaw nga ma ai. Shanhte gaw dingnye hkrum nga masai, shanhte gaw yubak hpe shanhte hkum nan de shadu la nga manu ai.

YEREMIA 11:15

Dai Madu gaw, “Ngai tsaw ra ai ndai amyu masha ni gaw n hkru ai amu ni hpe galaw nga ma ai. Shanhte gaw nye a Nawku Htingnu kata hta nga lu na gaw kaning re ai ahkaw ahkang lu nga ma ta? Shanhte gaw ga sadi ni hpe tawn da ai hte yam nga shagu hkungga nawng jau ai hku ru yak tsin-yam tsindam hpe tau makawp maga lu na re ngu, shanhte myit nawn nga ma ni? Shing rai yang, shanhte kabu gara lu na ma ni?

YEREMIA 3:2

Kawng pungding ni hpe sharawt mada yu u. Shawa num zawn nang n galaw yu ai shara mi nga nga a ni? Arab masha gaw zaibru jang e lagyim ala nga ai zawn, nang gaw nmaw lam makau dingyang hkan sumtsaw ni hpe ala nga ndai. Nang gaw lamu ga hpe shawa num amu hte awu asin di kau nga nit dai.

YEREMIA 3:20

Rai ti mung sadi n dung ai madu jan zawn, nang ngai hta sadi n dung mat nit dai. Dai Madu ngai nan tsun ni ai,” ngu nna tsun ai.

YEREMIA 6:15

Shanhte galaw sai ndai matsat shabat amu ni a majaw shanhte kaya mat sani? N rai law, shanhte gaw dik hkra n chye kaya nga ma ai. Kaning rai kaya hkrum ai baw re pyi shanhte n chye ma ai. Dai rai nna, shanhte gaw kaga masha ni kataw ai zawn kataw mat na mara ai; ngai shanhte hpe ari jaw ai shaloi, dai gaw shanhte a matu jahtum rai na ra ai. Dai Madu ngai nan tsun ni ai,” nga nna tsun ai.

EZEKELA 16:15

“Rai ti mung, nang gaw na a tsawm htap ai hpe zai hku nna nang kaw sa ai ni yawng hte rau yup ai hta kajai gumhkawng nga ndai.

EZEKELA 16:31

Nang gaw nmaw lam makau shagu hkan hpara sumla ni hpe nawku dingnyawm na shara gaw gap ndai hte shawa num amu shut hpyit nga ndai. Rai ti mung, nang gaw kaga shawa num ni zawn shinggan pru nna manu jahpu n la nga ndai.

EZEKELA 23:32

Tsaw Htum ai dai Madu gaw, “Nang gaw na a kana a gawm kaw na lu na rai ndai; dam lada nna sung nga ai. Masha shagu gaw nang hpe asawng asang di nna ashu na mara ai; dai gawm gaw hpring nga ai.

NAHUM 3:4

Ninewe shawa num gaw ari jaw hkrum nga sai. Shi gaw ahpraw tsawm htap ai hte si na daram gunglau shalen lu ai atsam hte hpring nga ai, shi gaw masha amyu baw ni hpe chye alau la nna shanhte hpe mayam shatai nga ai.

SHINGRAN 17:16

Bai, nang mu ai nrung shi hte dai matse labye gaw, dai shawa num hpe n ju n dawng na mara ai rai nna, shanhte gaw shawa num kaw na shi lu malu sharun la kau nna singgu krin shatai na maru ai. Shi a shan hpe sha nna wan hte nat kau na mara ai.