EZEKELA 16:24 - Jinghpaw Common Language Bible 2009

²⁴ nang gaw hpara sumla ni hpe nawku dingnyawm na matu nawku shara ni hte shawa num amu galaw sha na shara ni hpe lam makau shagu hkan gap da nga ndai.

Jinghpaw Hanson Version Bible

²⁴ nang rawng na matu wahpang galaw nna, mare lam shagu hta tsaw ai shara dè da ndai.

EZEKELA 16:24 ပူးပေါင်းရင်းမြစ်များ

1 HKAWHKAM 14:23

Shanhte gaw n teng n man ai karai ni a matu nawku shara ni hpe gap nhtawm kawng ntsa hkan na shingnip hpun npu hkan e mung Ashera hkrang sumla ni hpe nawku na matu nlung shadaw ni hpe jung da nga ma ai.

2 HKAWHKAM LABAU 21:11

Shi gaw Yuda mung na kawng ni hta pyi tara maigan masha ni a matu nawku shara ni galaw ya nhtawm Yuda mung hte Yerusalem mare na amyu masha ni hpe lam woi shadam nna dai Madu a man e shut hpyit shangun nga ai.

2 HKAWHKAM LABAU 28:25

Shi gaw maigan karai ni hpe manam pyaw ai baw nat nawng na matu Yuda mung na mare kahtawng shagu hta tara maigan ni a nawku shara ni hpe gap da wu ai. Ndai lam hku nna dai Madu shi a kaji kawa ni a Karai Kasang a pawt sindawng ai gaw shi hkum nan hta du wa shangun nga ai.

SHAKAWN KUNGDAWN 78:58

Shanhte gaw maigan hpara ni a nawku ai shara ni hte shanhte a hpara sumla ni hte shi hpe sindawng kahtet shangun nga masai.

ESAIA 57:5

Nanhte gaw chyoi pra ai hpun npu hkan num la kanawn mazum ai amu galaw let mayat maya ai karai ni hpe nawku nga myit dai. Nanhte gaw hka shi hkaraw kadit hkan na lunghkrung lungpu ni hta tinang a kashu kasha ni hpe shagu hkungga nawng jau nga myit dai.

ESAIA 57:7

Nanhte gaw tsaw ai bum ni de shagu hkungga ni nawng ai hte num la kanawn mazum na matu lung myit dai.

YEREMIA 11:13

Yuda amyu masha ni gaw shanhte a mare ni law nga ai made karai ni mung law nga ma ai; Yerusalem mare masha ni mung mare kata hta nmaw lam ni law nga ai zawn matsat shabat re ai Bala hpara hpe shagu hkungga nawng jau ya na matu tawn hkungri ni hpe gaw sharawt da nga manu ai.

YEREMIA 2:20

Tsaw Htum ai dai Madu gaw, Israela e, nang gaw moi kaw nna nye a ahkang aya hpe ningdang kau ndai; nang gaw nye a ga madat na matu hte ngai hpe nawku na matu ningdang kau ndai. Tsaw ai kawng shagu a ntsa hte tsit lali ai hpun npu shagu hta mayat maya ai karai ni hpe nang nawku ndai.

YEREMIA 3:2

Kawng pungding ni hpe sharawt mada yu u. Shawa num zawn nang n galaw yu ai shara mi nga nga a ni? Arab masha gaw zaibru jang e lagyim ala nga ai zawn, nang gaw nmaw lam makau dingyang hkan sumtsaw ni hpe ala nga ndai. Nang gaw lamu ga hpe shawa num amu hte awu asin di kau nga nit dai.

EZEKELA 16:23

Tsaw Htum ai dai Madu gaw, “Nang gaw dingnye hkrum nga ndai! Dingnye hkrum nga nit dai! Nang gaw dai shut hpyit ai n hkru ai amu mahkra hpe galaw nit dai, dai hpang,

EZEKELA 16:31

Nang gaw nmaw lam makau shagu hkan hpara sumla ni hpe nawku dingnyawm na shara gaw gap ndai hte shawa num amu shut hpyit nga ndai. Rai ti mung, nang gaw kaga shawa num ni zawn shinggan pru nna manu jahpu n la nga ndai.

EZEKELA 16:39

Ngai gaw nang hpe shanhte a daru magam n-gun kata hta tawn da nna, shanhte gaw shawa num amu galaw sha ai shara ni hte hpara sumla ni hte nawku ai shara ni hpe agrawp jahten kau na mara ai. Shanhte gaw na a hpun palawng ni hte tsawm ai gali lakan ni hpe la kau ya nhtawm nang hpe malawng mala singgu krin di kau da na mara ai.

JAW JAU 26:30

Kawng ntsa hkan na nanhte a nawku shara ni hpe ngai jahten sharun kau nhtawm nanhte a manam pyaw ai baw nat nawng ai tawn hkungri ni hpe hpya kau let agrawp taw nga ai hpara sumla ni a ntsa e nanhte a si mang ni hpe kabai mara da na we ai.