EZEKELA 16:23 - Jinghpaw Common Language Bible 2009

²³ Tsaw Htum ai dai Madu gaw, “Nang gaw dingnye hkrum nga ndai! Dingnye hkrum nga nit dai! Nang gaw dai shut hpyit ai n hkru ai amu mahkra hpe galaw nit dai, dai hpang,

Jinghpaw Hanson Version Bible

²³ “Nang dingnye lu ndai, dingnye lu ndai, nga nna Madu Yehowa tsun timung, ndai shut hpyit ai amu mahkra hta n-ga,

EZEKELA 16:23 ပူးပေါင်းရင်းမြစ်များ

YEREMIA 13:27

Shi gaw nang galaw ai shi n dawng ai amu ni hpe mu nu ai. Htingbu wa a madu jan hpe hkan asoi yu nna ngang katu ai lasha wa zawn mung, gumra u yi hpang hkan ai lau gung zawn mung, kawng ni a ntsa hkan hte pa layang hkan e gap da ai tara maigan hpara ni hpang de nang hkan nga ai hpe shi mu nu ai. Yerusalem amyu masha ni e, nang gaw dingnye hkrum nga ndai! Galoi mi she nang san pra wa na rai nga n ta?

EZEKELA 13:18

Tsaw Htum ai dai Madu gaw shanhte hpe hpa tsun nga ai lam htawn tsun u: “Num nanhte gaw dingnye hkrum nga myit dai! Hpa majaw nga yang, nanhte gaw masha shagu a matu lata lahkawn hkaw wang ni hte shanhte a baw ntsa e magap na baw sumpan ni hpe chywi ya myit dai; shaloi shanhte gaw kaga masha ni a asak hkrun lam hta daru magam n-gun hkam la lu nga ma ai. Nanhte gaw nye a amyu masha ni a ntsa e asak hte si hkrung si htan hte seng ai hpung dagu madu la mayu myit dai, dai hpe nanhte a akyu a matu jai lang mayu nga myit dai.

EZEKELA 13:3

Ndai gaw Tsaw Htum ai dai Madu tsun ai ga rai nga ai: “Ndai angawk angak re ai myihtoi ni gaw ari ahpri hkrum na mara ai! Shanhte gaw tinang a wenyi myit ra ai hku pau tsun ai hte shanhte a myit shingran ni hpe gyin shalat nga ma ai.

EZEKELA 16:22

Shawa num langai zawn na a matsat shabat amu galaw ai asak hkrun lam laman hte yang, nang singgu krin rai nga nna na a asai hta galu nga ai shaloi, nang gaw na a ma prat hpe kalang mi sha pyi galoi mung n dum yu nit dai,” ngu nna tsun wu ai.

EZEKELA 16:24

nang gaw hpara sumla ni hpe nawku dingnyawm na matu nawku shara ni hte shawa num amu galaw sha na shara ni hpe lam makau shagu hkan gap da nga ndai.

EZEKELA 2:10

Dai lata hta rawng ai laika katsu hpe hpyan dat yang, laika man lahkawng maga hta ka da ai yawn hkyen hkrap ngu hkrap ngoi nsen ga, hkrap agru ai nsen hte yawn madai sharung shayawt ai ga ni hte ka da ai hpe ngai mu nngai.

EZEKELA 24:6

Ndai gaw Tsaw Htum ai dai Madu tsun ai mungga rai nga ai: “Masha sat ai ni shanu ai mare gaw dingnye hkrum nga sai! Dai gaw nhkan kap ai di zawn rai nga nna galoi mung n tsai hkraw nga ai. Shan tau langai mi pyi n ngam hkra, langai hte langai hpe shaw shapraw kau u.

ZEHPANI 3:1

Yerusalem gaw dingnye hkrum nga sai, shi gaw awu asin rai nna gumle gumlau re ai hte dai mare masha ni hpe nan adip arip hkan galaw nga ai.

MAHTE 11:21

“O, Kurazin e, nang dingnye lu ndai! O, Betsaida e, nang dingnye lu ndai! Hpa majaw nga yang, nan hta dan ai mauhpa magam bungli ni hpe Turu hte Sidon mare yan hta dan yu taw gaw moi moi me lachyit nba hpun, dap hta galwi rai nna myit malai lu boi na masai.

SHINGRAN 12:12

Dai re ai majaw, sumsing lamu ni hte dai hta rawng nga ai ni e, kabu gara nga mu! Rai ti mung, ginding aga hte nammukdara chyawm gaw dingnye lu ma ai. Hpa majaw nga yang, nat gaw, shi a aten nhtoi loi sha ngam sai hpe chye wu ai majaw, n yun bu let nanhte hpang de yu wa sai,” nga nna tsun ma ai hpe ngai na nngai.

SHINGRAN 8:13

Dai hpang, ngai yu dat yang, lamu a ka-ang hpatwat e pyen yawn nga ai galang langai mi gaw, “Hkrit hpa dingnye! Hkrit hpa dingnye! Kaga lamu kasa masum dum dat na ra ai pahtau nsen ngoi pru ai shaloi, dinghta ga e nga ai ni yawng a matu, gade hkrithpa dingnye rai na rai hka!,” nga nna nsen kaba hte jahtau nga ai gaw, ngai na nngai.