EZEKELA 16:21 - Jinghpaw Common Language Bible 2009

²¹ Nang gaw nye a kasha ni hpe htau sat kau nit dai, nang gaw shanhte hpe shagu hkungga ni zawn nawng ya nit dai.

Jinghpaw Hanson Version Bible

²¹ Nye a kashu kasha ni hpe nang sat kau nna, sumla ni a man e wan nat hkungga tai shangun ai rai hka!

EZEKELA 16:21 ပူးပေါင်းရင်းမြစ်များ

2 HKAWHKAM 17:17

Shanhte gaw tara maigan karai ni a matu shanhte a shayi shadang sha ni hpe wan nat hkungga shatai nna nawng ya ma ai; shanhte gaw nat num ni hte gumhpan hpan ai ni hpe san yu nhtawm dai Madu hpe pawt sindawng shangun na nga, shi a man e shut hpyit ai amu htum hkra galaw shapraw na matu shanhte hkum nan myit jung nga ma ai.

2 HKAWHKAM 21:6

Shi gaw shi a kasha hpe wan nat hkungga jaw jau nna shaba wawt ai hte mandan lakle amu galaw nhtawm gumhpan hpan ai ni hte nat num ni hpe ga san san let bawng yu nga ai. Shi gaw dai Madu hpe shut hpyit mara kaba galaw nna masin pawt shangun nga ai.

2 HKAWHKAM 23:10

Hkawhkam Yoshia gaw kadai mung Molek karai a matu tinang a shayi shadang sha ni hpe wan nat hkungga n shatai ya lu hkra nga, Hinom Kadit na Tohpet ngu ai tara maigan masha ni a nawku shara hpe mung awu asin di kau ya wu ai.

2 HKAWHKAM LABAU 28:3

Israela masha ni rawt lung wa yang, mungdan kata kaw nna dai Madu gawt shapraw kau ai masha ni a matsat shabat re ai arawn alai hta hkan dagraw nang nna Hinom Kadit e manam pyaw ai baw nat nawng nhtawm shi a shadang sha ni hpe pyi hpara sumla ni a matu wan nat hkungga shatai wu ai.

SHAKAWN KUNGDAWN 106:37

Shanhte gaw shanhte a shayi shadang sha ni hpe shagu hkungga hku nna; Hkanan hpara sumla ni hpe nawng ya mu ai.

PRU MAT 13:2

“Israela amyu hta na shawng shangai ai lasha alat shagu hte yam nga hta na shawng hkrat ai ala shagu hte hpe ngai madu da nga nngai majaw, dai shawng shangai ai shinggyim masha alat hte yam nga alat ni yawng, nye a matu ap nawng ya na rai myit dai,” ngu nna tsun wu ai.

YEREMIA 19:5

shanhte a kashu kasha ni hpe shagu hkungga shatai nna wan nat nawng na nga, Bala hpara a matu tawn hkungri ni hpe gaw da manu ai. Shing re ai amu galaw na matu shanhte hpe ngai galoi mung n hkang da nngai; dai lam nye a myit hta galoi mung rawng nga li ai n rai.

EZEKELA 20:26

Shanhte a hkungga nawng jau ai hta mung, shanhte a kasha alat ni hpe wan nat hkungga nawng jau ai hta mung ngai shanhte hpe awu asin di kau nngai. Ngai nan dai Madu rai nga ai lam shanhte hpe madun dan lu na matu, shanhte hpe ndai zawn ari jaw ai lam rai nga ai.

JAW JAU 18:21

Molek karai nawku ai hta na a kashu kasha ni kadai hpe mung ap ya lu na n rai; hpa majaw nga yang, dai gaw Madu Karai Kasang a mying ningsang hpe sari jahpoi ya na rai wu ai.

TARA JAHPRANG 18:10

Nanhte a tawn hkungri ntsa na wan hta nanhte a shayi shadang sha ni hpe shagu hkungga nat nawng lu na n rai; nanhte a amyu masha ni hpe shaba wawt ai, lamik kumla myit mada ai, ahkyu hkyu ai amu ni hpe hkum galaw shangun myit;