EZEKELA 16:17 - Jinghpaw Common Language Bible 2009

¹⁷ Nang gaw ngai nang hpe ya da ai aja gumhpraw ni hpe la nna, dai ni hte la sumla ni galaw lang nhtawm shanhte hte shut hpyit ai amu galaw nit dai.

Jinghpaw Hanson Version Bible

¹⁷ Bai nang gaw, nye a aja gumhpraw hte galaw nna, ngai nang hpe jaw ai, tsawm htap ai gali lakai hpe, nang la nna, la sumla galaw nhtawm, shanhte hte shut hpyit nga n hka:

EZEKELA 16:17 ပူးပေါင်းရင်းမြစ်များ

YEREMIA 3:9

loi mi mung kaya n chye mat nu ai. Shi gaw lamu ga hpe awu asin di nga ai; nlung hte hpun ni hpe nawku ai lai hku nna numshaw lashaw amu shut hpyit nga wu ai.

EZEKELA 16:11

Ngai gaw na a hkum hta manu dan ai ja lung seng hte mawn sumli ya nna, lata hta lahkawn hkawn, du hta kachyi chyi ya rai nngai.

EZEKELA 16:12

Na a ladi hta shanghkawng, na a na hta lakan ngai bang ya nna, na a baw ntsa e tsawm htap ai janmau shagup ya nngai.

EZEKELA 16:13

Nang gaw manu dan ai aja gumhpraw ni hte mawn sumli nhtawm, mani tsawm ai lachyit sumpan, alai hte maka ka ai hpun palawng ni hpe tut nawng bu hpun nga ndai. Nang gaw kaja htum ai hkaulan mam shadung hte galaw ai muk sha nhtawm, dwi ai lagat ntsin hte sau ai tsanlun sau hpe lu nga ndai. Na a ahpraw nsam gaw tsawm htap htoi kabrim nga nna hkawhkam jan tai wa nit dai.

EZEKELA 16:16

Nang gaw shawa num amu galaw sha ai jan zawn na a nawku ai shara ni hpe mawn sumli na matu, na a sumpan nkau mi hpe lang nga ndai, nang gaw na hkum hpe masha shagu hpe nawng ya nga ndai.

EZEKELA 16:18

Nang gaw ngai nang hpe jaw da ai maka ka ai sumpan ni hpe la nna, la sumla ni a ntsa e jahpun nhtawm, ngai nang hpe jaw tawn ai tsanlun sau hte manam pyaw ai baw hpe shanhte a man e, nang nawng jau ya nit dai.

HOSEA 10:1

Israela amyu masha ni gaw asi hpring hkra si ai sabyi hte bung nga ai. Shanhte ngamu ngamai wa magang, tawn hkungri ni hpe grau galaw magang rai ma ai. Shanhte a mungdan grau sut su wa magang shanhte nawku nna shanhte a lata hte galaw ai chyoi pra ai nlung shadaw ni grau tsawm wa rai nga ai.

HOSEA 2:13

Ngai gaw shi ngai hpe malap kau nna Bala hpara hpe manam pyaw ai baw nat nawng nna shi hkum hpe ja lung seng ni hte mawn sumli nna shi a sumtsaw ni hpang hkan mat wa ai aten ni a matu ari jaw na nngai.