EZEKELA 16:11 - Jinghpaw Common Language Bible 2009

¹¹ Ngai gaw na a hkum hta manu dan ai ja lung seng hte mawn sumli ya nna, lata hta lahkawn hkawn, du hta kachyi chyi ya rai nngai.

Jinghpaw Hanson Version Bible

¹¹ Gali lakai hte ngai nang hpe mawn sumli nna, lata hta lahkawn hkawn, du hta saidawng gali ya nngai.

EZEKELA 16:11 ပူးပေါင်းရင်းမြစ်များ

NINGPAWT NINGHPANG 24:22

Dai numsha gawla-uk ni hpe ntsin jaw ngut jang, dai wa gaw manu dan ai ja shanghkawng la nna shi a ladi hta noi ya let kaba ai ja lahkawn man mi hpe mung shi a lata hta hkawn ya wu ai.

NINGPAWT NINGHPANG 24:47

Ngai mung shi hpe, “Na nwa kadai rai nga a ta?,” ngu nna san we yang, shi gaw, Nye wa gaw Nahora hte Milhka yan a kasha Behtuela rai nga ai,” ngu nna htan wu ai. Dai hpang ngai gaw shi a ladi hta shanghkawng hte lata hta lahkawn ni hpe hkawn ya nngai.

NINGPAWT NINGHPANG 24:53

Dai hpang hpun palawng ni hpe shi la shapraw nhtawm aja, gumhpraw sumli arai ni hte hpawn Rebeka hpe jaw wu ai. Shi a kanu yan kayung hpe mung manu dan ai kumhpaw kumhpa ni jaw ya wu ai.

NINGPAWT NINGHPANG 35:4

Dai rai nna shanhte gaw maigan hpara sumla mahkra hte na hta kai ai shanghkawng ni, Yaku a lata de ap kau mu ai. Dai arai ni hpe Shehkem makau e tu ai wamyi hpun nhpang e shi lup kau ya wu ai.

NINGPAWT NINGHPANG 41:42

Hkawhkam wa mung hkawhkam dazik tawk ka da ai lachyawp hpe shi a lata hta chyawp ya wu ai. Dai hta kaga, reng ai lachyit palawng galu hpe mung jahpun ya nhtawm shi a du hta ja saidawng mung gali ya wu ai.

ESHTA 2:17

Dai hkawhkam wa gaw kaga numsha ni kadai hta mung shi hpe grau yu ra nga ai rai nna, kaga ni hta grau nna myi man pa ai hte tsaw ra ai lam hkam la lu nga ai. Hkawhkam wa gaw shi hpe hkawhkam janmau gup ya nhtawm Washti a shara hta shi hpe hkawhkam jan shatai da wu ai.

YOBA 42:11

Yoba a kahpu kanau ni, kajan ni hte shawng de na manang ni yawng shi kaw sa chyai nhtawm shi hte rau shi a nta e rau lu rau sha nga ma ai. Shanhte gaw dai Madu shi hpe hkrum shangun ai ru yak tsin-yam tsindam mahkra a majaw, shanhte matsan yu dum ai lam tsun nna shi hpe shalan shabran ma ai. Shanhte langai hte langai mung shi hpe gumhpraw hte ja lachyawp langai ngai jaw ma ai.

PRU MAT 32:2

Arun gaw shanhte hpe, “Dai rai taw gaw, nanhte a madu jan ni hte shayi shadang sha ni kai ai ja shanghkawng ni hpyu la nna ngai hpang de la sa wa mi,” ngu nna tsun wu ai.

PRU MAT 35:22

Kam jaw ai shawang myit rawng ai numsha hte lasha ni yawng hte gaw sumli da ai hkindang, na lakan, lachyawp, kachyi hte aja arai baw hkum sumhpa yawng dai Madu a matu ap ya ma ai.

GA SHAGAWP 1:9

Shanhte a sharin shaga ai ga ni gaw na a hpraw nsam hpe tsawm htap ai bunghkaw hte du hta gali ai kachyi zawn, na a arawn alai hpe grau kaja hkra tsawm htap shangun na ra ai.

GA SHAGAWP 25:12

Madat mara hkam la mayu ai wa hpe, mahkrum madup nga ai wa hku nna shadum jahprang ga tsun dan ai gaw, ja lachyawp hte mung, ja jet hte galaw da ai ja lung seng rai hta grau nna manu dan nga ai.

GA SHAGAWP 4:9

Shi gaw na a janmau hte seng ai hpung shingkang tai ya na ra ai,” nga nna tsun ai.

Shawlumon A Mahkawn Ga 1:10

Na a shabyi hta noi abya da ai kara gaw yu tsawm nga ai; dai gaw ja lung seng ni zawn na a du hta gali da nga ai.

Shawlumon A Mahkawn Ga 4:9

Nye a nja jan, nye a num nnan e, na a myi ni hte yu ai nsam hte nang gali da ai kachyi gaw nye a myit masin hpe lagu madu la kau ya nga sai.

ESAIA 28:5

Chyahtum Chyalai N-gun rawng ai dai Madu gaw ngam nga ai shi a amyu masha ni a matu arawng sadang hte hpring ai nampan janmau zawn tai ai nhtoi langai du wa ra ai.

ESAIA 3:19

shanhte a nshang ni hkan sumli da ai shakya rai ni hpe htawm kabai kau ya na ra ai. Shi gaw shanhte a myi man magap ni hte

ESAIA 3:21

shanhte a layung ni hte ladi ni hta sumli ai shanghkawng ni;

SHARUNG SHAYAWT 5:16

Anhte a gumrawng shara yawng hpa mung n nga sai. Anhte yubak galaw ga ai hte, ya chyawm gaw ari hkrum saga ai.

EZEKELA 16:17

Nang gaw ngai nang hpe ya da ai aja gumhpraw ni hpe la nna, dai ni hte la sumla ni galaw lang nhtawm shanhte hte shut hpyit ai amu galaw nit dai.

EZEKELA 23:40

“Shan gaw kasa ni hpe lang hte lang shangun dat nna, sumtsan mung na lasha ni hpe saw shaga ga rai ma ai, dai lasha ni mung du sa wa ma ai. Dai kanau yan kana mung hka shin nna shan a myi hpe tsi chya nhtawm ja lung seng hte mawn sumli da ma ai.

EZEKELA 23:42

Pyaw daw kadaw hkawm ai masha hpung mi a nsen hpe na lu nga ai hte dai hpawng hta nam mali na la uhpung mi hpe mung shalawm la ma ai. Shanhte gaw numsha ni a lata hta lahkawn hkawn ya nna baw ni hta tsawm htap ai janmau ni hpe shagup ya ma ai.

Daniela 5:16

Ya chyawm gaw, ndai ga makoi a lachyum ni hte makoi magap ai amu ni a lachyum hpe nang sawk tam lu nga ndai gaw ngai na se ai. Dai rai nna, ndai ka da ai laika hpe nang hti lu ai rai yang, de a lachyum hpa rai nga ai gaw ngai hpe tsun dan e, shaloi nang gaw shaba pu nsam rawng ai hkawhkam palawng galu lu hpun nna na a du hta ja kachyi lu gali ai hte ndai mungdan hta masum ngu na daru magam n-gun rawng ai wa tai na rai ndai,” ngu nna tsun wu ai.

Daniela 5:29

Belshaza gaw Daniela hpe shaba pu nsam rawng ai hkawhkam wa a palawng galu jahpun ya na matu mung, shi a du hta shagrau sha-a ai ja kachyi noi ya na matu mung shi a shangun ma ni hpe dai shaloi jang hkang dat wu ai. Shi gaw Daniela hpe mungdan hta masum ngu na daru magam aya lu ai shara hta tawn da wu ai.

Daniela 5:7

Shi gaw gumhpan hpan ai ni, hpyi lamum sara ni hte jan shata shagan yu ai ni hpe jashawn la na matu marai langai ngai hpe jahtau tsun wu ai. Shanhte du shang wa ai shaloi, hkawhkam wa gaw shanhte hpe, “Ya ndai ka da ai lam hte de a lachyum htai dan lu ai wa kadai hpe mung shaba pu nsam rawng ai hkawhkam wa a palawng galu hpun lu nna shi a du grup grup hta shagrau sha-a ai ja kachyi gali lu nhtawm ndai mungdan hta masum ngu na daru magam n-gun rawng htum ai wa tai lu na rai nga ai,” ngu nna tsun wu ai.

HOSEA 2:13

Ngai gaw shi ngai hpe malap kau nna Bala hpara hpe manam pyaw ai baw nat nawng nna shi hkum hpe ja lung seng ni hte mawn sumli nna shi a sumtsaw ni hpang hkan mat wa ai aten ni a matu ari jaw na nngai.

JAW JAU 8:9

Shi gaw shi a baw hta bunghkaw hkaw ya nna de a man e dai Madu shi hpe hkang da ai hte maren ap nawng ai chyoi pra masat kumla rai nga ai ja htanbam bam ya wu ai.

BU HKAWM 31:50

Dai rai nna anhte la wa ai ja hte galaw ai shakya arai, lata shanghkawng, lahkawn, lachyawp, na lakan hte kachyi ni hpe la sa nga ga ai. Anhte a asak a matu htingrai ya na dai Madu hpe nawng ya ga ai; shaloi shi anhte hpe makawp maga la na ra ai,” ngu nna tsun ma ai.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.

SHINGRAN 4:10

dai salang hkun mali mung, tingnyang hta dung nga nna htani htana prat dingsa ahkrung nga ai wa hpe dingnyawm nawku ma ai. Shanhte gaw, dai tingnyang a man e janmau ni hpe raw tawn da nna,

SHINGRAN 4:4

Dai tingnyang a grup yin e, tingnyang hkun mali naw nga nga ai; dai tingnyang ni hta hpraw ai hpun palawng bu hpun nna, ja janmau ni gup ai salang hkun mali grup rai dung nga ma ai.

TARA AGYI 8:24

Rai ti mung shi chyawm gaw, “Nanhte hpe lam langai mi, ngai naw san yu made ga; nanhte la wa ai na lakan shagu, ngai hpe jaw na ngai hpyi nga nngai,” ngu nna matut tsun wu ai. (Midian masha ni gaw kaga nam mali hkan na masha amyu ni zawn ja lakan kai ma ai.)