EZEKELA 16:1 - Jinghpaw Common Language Bible 2009

¹ Dai Madu ngai hpe bai ga shaga wu ai.

Jinghpaw Hanson Version Bible

^1-2 Bai Yehowa mungga ngai kaw du nna, “Masha kasha e, Yerusalem mare gaw tinang a matsat shabat lam chye lu hkra, tsun u;

EZEKELA 16:1 ပူးပေါင်းရင်းမြစ်များ

GA SHAGAWP 14:34

Ding man ai lam gaw mungdan hpe galu kaba shangun nga ai; yubak mahtang kaning re ai mungdan hpe mung kaya kahpa jahkrum nga ai.

ESAIA 1:21

Kalang mi sadi dung yu sai mare gaw shawa num langai zawn hkawm sa nga a hka! Dai mare gaw aten langai mi hta ding hpring ai masha ni hte hpring nga ai; rai ti mung ya chyawm gaw masha sat ai ni chyu sha ngam nga sai.

YEREMIA 2:23

Nang nan matsat shabat n galaw ai hte Bala hpe galoi mung n nawku nngai nga nna nang kaning rai tsun lu na rai ta? Kadit hta nang kaning rai yubak galaw nit dai hpe mung yu yu u; nang galaw kau nit dai amu ni hpe mada yu u. Nang gaw zaibru jang hta kagat gasit hkawm nna wuli shalun ai aten kahtet katu hkawm nga ai gawla-uk yi shazai hte bung nga ndai.

YEREMIA 30:15

Nanhte a machyi nma ni hte seng nna hpa mung aput angun hkum rai myit; nanhte a matu tsi tsi ya na hpa mung n nga nga ai. Nanhte a yubak mara ni law nga ai hte nanhte galaw ai n hkru ai amu kaba nga malit dai majaw, dai zawn ngai nanhte hpe ari jaw nngai.

EZEKELA 15:8

Shanhte gaw ngai hta sadi n dung mat nga masai; ngai gaw dai mungdan hpe shingran sharat katsi ai shara shatai kau na nngai.” Tsaw Htum ai dai Madu tsun nu ai.

EZEKELA 16:2

Shi gaw, “Si chye ai masha wa e, Yerusalem galaw sai matsat shabat amu hpa rai nga ai hpe chye lu hkra, madun u.

EZEKELA 2:3

“Si chye ai masha wa e, ngai gaw nang hpe Israela amyu masha ni hpang de shangun dat nga nngai. Shanhte gaw ngai hpe gumlau nna hpyen tai ma ai, shanhte a kaji kawa ni zawn ya du hkra naw gumlau ma ai.

EZEKELA 22:2

Shi gaw, “Si chye ai masha wa e, nang gaw masha sat ai ni hte hpring nga ai mare hpe tara jeyang na matu jin jin rai nga n ni? Dai mare hta galaw kau sai matsat shabat amu ni mahkra hpe asan sha madun dan u.

EZEKELA 23:23

Ngai gaw Babelon masha ni hte Hkalde masha ni yawng hpe mung, Peku, Shoa hte Koa masha ni hte hpawn Asuri masha ni yawng hte hpe woi sa wa na nngai. Dai hkum shingyan tsawm ai du magam shabrang ni hte du salang ni, ahkyak ai du salang ni yawng hte gumra dap na arawng aya kaba hkam la ai du ni hpe ngai jahpawng da na nngai.

HOSEA 1:2

Dai Madu gaw Hosea hku nna Israela hpe shawng nnan ga tsun ai shaloi, shi gaw Hosea hpe, “Nang sa hkungran la su; na a madu jan gaw sadi n dung na ra ai, na a kashu kasha ni mung shi zawn tai na mara ai. Dai hte maren nye a amyu masha ni mung ngai kaw na pru mat wa nna sadi n dung mat nga masai,” ngu nna tsun wu ai.

HOSEA 4:12

Shanhte gaw hpun tawng langai mi kaw na shingran ni hpe hpyi nga ma hka! Shingna langai gaw shanhte chye mayu ai hpe tsun dan nga a hka! Shanhte ngai kaw na pru mat wa masai. Shawa num tai ai numsha langai zawn, shanhte a hkum ni hpe karai shaje hpang de nawng ya kau nga masai.

AMO LAIKA (AMOS) 2:4

Dai Madu gaw, “Yuda amyu masha ni gaw lang hte lang yubak galaw shut kau manu ai, dai lam a majaw, ngai shanhte hpe teng teng ari jaw na nngai. Shanhte gaw nye a sharin shaga ai ga matsun ni hpe n kaw n law di ma ai, nye a hkang da ai ga ni hta n hkan sa ma ai. Shanhte gaw shanhte a kaji kawa ni hkan nang yu sai akyu n rawng ai hpara sumla ni hta nan lam yit nga masai.

ZEHKARIA 5:7

Dai ka hta machyu hte galaw ai magap langai nga ai. Dai hpe ngai azi yu nga yang, dai magap hpaw mahka wa nna dai ka kata e numsha langai dung nga ai.