EZEKELA 15:8 - Jinghpaw Common Language Bible 2009

⁸ Shanhte gaw ngai hta sadi n dung mat nga masai; ngai gaw dai mungdan hpe shingran sharat katsi ai shara shatai kau na nngai.” Tsaw Htum ai dai Madu tsun nu ai.

Jinghpaw Hanson Version Bible

⁸ Shanhte grai wa shut hpyit ai majaw, dai mungdan hpe shingran katsi ai shara ngai shatai na nngai,” nga nna Madu Yehowa tsun ai.

EZEKELA 15:8 ပူးပေါင်းရင်းမြစ်များ

PRU MAT 21:8

Numsha gaw marai langai ngai a madu jan tai na matu yaw shada ai hte dut kau hkrum ai rai ti mung dai la wa shi hpe n ra ai rai yang, dai numsha gaw shi a kawa hpang de dut nhtang kau ai hkrum na rai wu ai; shi a mayam madu wa chyawm gaw shi hpe maigan masha ni a lata de dut ya lu na n rai; hpa majaw nga yang, shi mahtang dai numsha hpe n tsawm n htap ai hku di kau nu ai majaw rai nga ai.

ESAIA 6:11

Ngai gaw, “Madu e, dai zawn re ai gaw kade daram na wa na rai ta?,” ngu nna san nngai. Shi gaw, “Mare ni hten run mat nna, kaman byin mat ai aten du hkra, dum nta ni katsi katsang tai mat nna lamu ga shi nan akrin akraw rai nna lamu ga hpe lahpawt lama di shakram da ai aten du hkra rai na rai nga ai,” ngu nna htan wu ai.

EZEKELA 16:1

Dai Madu ngai hpe bai ga shaga wu ai.

EZEKELA 17:20

Ngai gaw jaugawng wa lang ai mahkam sumgawn hpe hpyan tawn nna dai hta e, shi hpe lu shangun na nngai. Shi gaw ngai hta sadi n dung nga ai majaw, ngai shi hpe Babelon mung de woi wa nna dai mung e shi hpe ari jaw na nngai.

EZEKELA 33:29

Amyu masha ni shut ai yubak a majaw, ngai shanhte hpe ari jaw ai hte mungdan hpe katsi katsang di kau ai shaloi, ngai nan dai Madu rai nga ai hpe shanhte chye lu na mara ai.”

EZEKELA 39:26

Shanhte hpe jahkrit shama ai ni kadai mung n nga ai sha, shanhte a mungdan hta shim lum ai hte lang mi bai shanu nga lu ai shaloi, ngai hpe gumle gumlau di ai a majaw shanhte kade wa myi man sum hkrum nga ai hpe shanhte malap kau lu na mara ai.

EZEKELA 6:14

Rai sa, ngai gaw shanhte kaw du dep nang nna shanhte a mungdan hpe jahten kau na nngai. Ngai gaw dai mungdan hta Israela amyu masha ni gara shara hta mung n nga lu hkra, dingda maga de nga ai zaibru jang kaw nna dingdung maga Ribla mare du hkra shingran katsi ai shara shatai kau na nngai. Shaloi masha shagu hte gaw Ngai nan dai Madu rai nga nngai hpe chye na mara ai,” ngu nna tsun wu ai.

ZEHPANI 1:18

Shi a sindawng kahtet ai hpe madun ai shani hta, shanhte a ja gumhpraw mahkra hte pyi shanhte hpe hkye la lu na n rai. Shi a masin kahtet ai wan hte mungkan ga ting hpe jahten kau na ra ai. Mungkan ga ntsa e nga ai masha hkum shagu a matu, akajawng sha re ai jahtum nhtoi shabyin dat na ra ai.