EZEKELA 15:7 - Jinghpaw Common Language Bible 2009

⁷ shanhte hpe ari jaw na we ai. Shanhte gaw wan mang mi kaw na lawt lu ti mung, wan mang mi gaw shanhte hpe hkru kau na ra ai. Ngai shanhte hpe ari jaw ai shaloi, ngai nan dai Madu rai nga nngai hpe nanhte chye lu na rai myit dai.

Jinghpaw Hanson Version Bible

⁷ Ngai shanhte hpe hkap gasat na nngai; shanhte gaw wan mang mi na pru nna, wan mang mi hta hkru na mara ai; shing rai, ngai shanhte hpe hkap gasat yang, ngai Yehowa rai nga ai hpe, nanhte chye lu na marin dai.

EZEKELA 15:7 ပူးပေါင်းရင်းမြစ်များ

1 HKAWHKAM 19:17

Hazaela a lata hta si ari jaw hkrum ti mung lawt wa ai kadai hpe mung Yehu sat kau na ra ai. Yehu a lata kaw na lawt wa ai kadai hpe mung Elisha e sat kau ai hkrum na rai wu ai.

SHAKAWN KUNGDAWN 34:16

Rai ti mung, n hkru n shawp ai amu galaw ai ni hpe shi hkum shingdang nga ai; shing rai, shanhte si wa ai shaloi, shanhte gaw alawan sha, malap kau ai hkrum nga ma ai.

SHAKAWN KUNGDAWN 9:16

Dai Madu gaw shi a ding man ai tara dara lam ni hta shi hkum nan hpe shadan dan nu ai hte; tara n lang ai ni gaw shanhte galaw ai arawn alai hte maren, mahkam hta lu nga ma ai.

ESAIA 24:18

Hkrit kajawng ai kaw na hprawng lawt na matu shakut ai wa kadai mung nhkun kata de di hkrat bang na ra ai, nhkun kaw na hprawng lawt lu ai wa kadai mung mahkam hta lu na ra ai. Lamu na hka hpungtun ni ru hkrat wa ai shaloi ginding aga a npawt nhpang ni gari ashun wa na mara ai.

YEREMIA 21:10

Ngai gaw ndai mare hpe n shangam da na matu nye a myit hpe daw dan ni ai; ndai mare hpe jahten shabyak kau na we ai. Dai mare gaw Babelon Hkawhkam a lata de ap kau ai hkrum na ra ai; shi gaw dai hpe ga du hkra nat kau na ra ai. Dai Madu ngai nan tsun ni ai.”

EZEKELA 11:10

shaloi nanhte gaw nanhte a mungdan kata e byin ai majan hta sat kau hkrum na marin dai. Ngai gaw dai Madu rai nga nngai hpe masha shagu chye lu na ra ai.

EZEKELA 14:8

Ngai nang hpe ninghkap na nngai. Ngai nang hpe kasi shatai kau na nngai. Ngai gaw nang hpe nye a amyu masha ni a hpawng kaw nna shapraw kau na we ai; ngai gaw dai Madu rai nga nngai hpe nanhte chye lu na rai myit dai.

EZEKELA 15:6

Ya, ndai gaw Tsaw Htum ai dai Madu tsun ai mungga rai nga ai: “Maling e tu ai sabyi ru hpe kran nna ju kau ai zawn, Yerusalem hta shanu nga ai amyu masha ni hpe ngai woi la nna,

EZEKELA 19:12

Rai ti mung, pawt sindawng ai lata gaw dai hpe ru hte hpawn baw kau nna ga de kabai kau nga ai. Sinpraw nbung gaw de a asi ni hpe jahkraw kau nu ai. De a lakung lakying ni agrawp daw mat nna; dai ni hkun hkraw mat ai hte hkru mat hkrum nga ai.

EZEKELA 20:38

Nanhte a lapran na gumlau ai ni hte yubak galaw ai ni hpe ngai tsan kau na nngai. Ngai gaw dai ni hpe shanhte shanu nga ai mungdan kaw nna shapraw kau na nngai, rai ti mung dai ni hpe Israela mungdan de ngai bai nhtang wa shangun na n rai. Shaloi nanhte gaw ngai nan dai Madu rai nga nngai ai hpe chye na mara ai.

EZEKELA 20:42

Nanhte a nji nwa ni hpe jaw na ngu, ngai ga sadi tawn da ai Israela mung de nanhte hpe ngai bai woi nhtang wa ai shaloi, ngai nan dai Madu rai nga nngai hpe nanhte chye lu na marin dai.

EZEKELA 20:44

Nye a arawng sadang hpe makawp maga na matu, ngai galaw ai shaloi, ngai nan dai Madu rai nga nngai hpe nanhte Israela amyu masha ni chye lu na marin dai, hpa majaw nga yang nanhte galaw ai n hkru n shawp lam hte n hkru ai amu ni a majaw hkam la ging ai hte maren ngai nanhte hpe di ai n rai. Dai Tsaw Htum ai Madu nan tsun nu ai.

EZEKELA 33:29

Amyu masha ni shut ai yubak a majaw, ngai shanhte hpe ari jaw ai hte mungdan hpe katsi katsang di kau ai shaloi, ngai nan dai Madu rai nga ai hpe shanhte chye lu na mara ai.”

EZEKELA 5:8

Dai rai nna, Tsaw Htum ai dai Madu ngai gaw na a gumlau hpyen rai nga nngai hpe nang hpe tsun dan nga nngai. Ngai gaw nang hpe masha amyu baw ni yawng mu lu ai shara hta tara jeyang na we ai.

EZEKELA 6:7

Amyu masha ni gaw shara shagu hkan sat kau hkrum na mara ai, ngai nan dai Madu rai nga nngai hpe naw ngam nga ai ni yin la na mara ai.

EZEKELA 7:4

Ngai gaw nang hpe lahpawt dum na n rai, matsan dum ai lam loi mi mung madun na nngai n rai. Nang galaw shapraw dan sai matsat shabat re ai arawn alai ni a majaw, ngai nang hpe ari jaw na nngai, shaloi ngai nan dai Madu rai nga nngai hpe nang chye wa na rai ndai.”

JAW JAU 17:10

Israela masha kadai rai ti mung, shanhte kaw nga nang ai masha ni kadai rai ti mung, asai hte ashan hpe kayau sha ai rai yang dai Madu gaw shi hpe ate nna shi a amyu masha ni hta na sumri dan kau na rai wu ai.

JAW JAU 26:17

Ngai gaw nanhte hpe myi man kayin kau da na made ai, shaloi nanhte sum mat na marin dai. Nanhte hpe n dawng n yawt ai ni mahtang nanhte a ntsa e up na mara ai; nanhte hpe kadai n hkan shachyut ti mung hprawng nna grai hkrit gari mat na rai myit dai.

AMO LAIKA (AMOS) 5:19

Dai shani gaw hkanghkyi langai kaw na hprawng wa ai wa hte tsap hte hkrum ai wa zawn tai na ra ai! Shing n rai nta de wa nna shakum hta lata mara da nga yang, lapu e achye hkrum ai wa zawn tai na ra ai!