EZEKELA 15:6 - Jinghpaw Common Language Bible 2009

⁶ Ya, ndai gaw Tsaw Htum ai dai Madu tsun ai mungga rai nga ai: “Maling e tu ai sabyi ru hpe kran nna ju kau ai zawn, Yerusalem hta shanu nga ai amyu masha ni hpe ngai woi la nna,

Jinghpaw Hanson Version Bible

⁶ Dai re ai majaw Madu Yehowa ning nga ai: Maling na hpun ni hta na, ju na hpun matu ngai ap kau ai tsabyi ru hpe zawn, Yerusalem mare na ni hpe ngai ap kau na nngai.

EZEKELA 15:6 ပူးပေါင်းရင်းမြစ်များ

ESAIA 27:11

Hpun lakung lakying ni hkraw mat yang gang daw kau hkrum nga ai, numsha ni gaw dai hpe ju hpun a matu shinggyin la ma ai. Amyu masha ni gaw hpa hpe mung n chye na nga ma ai majaw shanhte a Hpan Madu Karai Kasang gaw shanhte hpe yu matsan dum na ra ai n rai, shanhte hpe kaning re ai n-gaw nwai ai myit mung madun dan na ra ai n rai.

YEREMIA 21:7

Rai ti mung, nang hte na a mung du salang ni majan, hkuwa hte ana zinli kaw nna lawt lu ti mung, naw ngam nga ai nanhte hte ndai mare na amyu masha ni gaw Hkawhkam Nebuhkadneza hte nang hpe sat kau na matu ra sharawng nga ai na a gumlau hpyen ni a lata hta nanhte yawng hpe ngai ap kau na we ai. Nebuhkadneza mung nang hpe sat kau na ra ai. Shi gaw nanhte langai mi hpe mung ngam da na ra ai n rai, matsan yu dum na ra ai n rai, nanhte kadai hpe rai tim myit yu machyi na ra ai n rai. Dai Madu ngai nan tsun ni ai.”

YEREMIA 25:18

Yerusalem hte Yuda mare ni yawng, de a hkawhkam ni hte mung up hkang du salang ni yawng hte gaw arau sha dai gawm kaw na lu nga ma ai. Shanhte gaw katsi katsang shara, hkrit hpa shara hte yu kajawng na zawn re ai shara tai masai; amyu masha ni mung shanhte a mying hpe ya du hkra naw galaw nga ai arawn alai hte maren dagam dala shara tai nga ai.

YEREMIA 4:7

Hkanghkyi gaw shi a makoi gyem shara kaw nna pru wa ai zawn, masha amyu baw ni hpe jahten ai wa gaw rawt sa wa nu ai. Shi gaw Yuda hpe jahten kau na matu du sa nga ai. Yuda a mare ni gaw hten run taw mat nna, kadai mung dai shara ni hta shanu nga na mara ai n rai.

YEREMIA 7:20

Shing rai Tsaw Htum ai dai Madu ngai nan ndai Nawku Htingnu ntsa e nye a masin kahtet kang ai hpe ru jaw dat na we ai. Masha hte yam nga ni a ntsa e mung, hpun ni hte nsi naisi ni a ntsa e du hkra pyi ru jaw na we ai. Nye a masin kahtet ai gaw agrung nga ai wan zawn rai nna kadai mung dai hpe krip kau lu na n rai.

EZEKELA 15:2

Shi gaw, “Si chye ai masha wa e, Sabyi ru gaw hpun hte kaning rai shadawn mai nga a ta? Kaja ai sabyi lakung lakying ni gaw maling na hpun ni hte gara hku shadawn mai na rai nga a ta?

EZEKELA 15:4

Dai gaw wan a matu ju hpun shatai na matu sha kaja nga ai. Matu e hkru mat nna, ka-ang e wan nsa hte chyang nga ai shaloi, dai n lawm ai sha, arai lama ma hpe nang galaw lu n ni?

EZEKELA 15:5

Dai gaw garai n hkru yang pyi hpa akyu n rawng nga ai. Ya chyawm gaw dai wan hkru mat nna dai gaw chyang mat sai, dai gaw grau nna pyi asung n shang nga ai,” ngu nna tsun wu ai.

EZEKELA 15:7

shanhte hpe ari jaw na we ai. Shanhte gaw wan mang mi kaw na lawt lu ti mung, wan mang mi gaw shanhte hpe hkru kau na ra ai. Ngai shanhte hpe ari jaw ai shaloi, ngai nan dai Madu rai nga nngai hpe nanhte chye lu na rai myit dai.

ZEHKARIA 1:6

Nye a shangun ma myihtoi ni hku nna nanhte a kaji kawa ni hpe hkang da ai ga ni hte shadum jahprang ai ga ni jaw ya ni ai, rai ti mung shanhte mahtang dai ga ni hpe hpa n nawn ya ma ai majaw byin wa na nni nkri hkam sha manu ai. Galaw na ngu ngai shatawng shada da sai hte maren, shanhte hkam la ging sai hpe Chyahtum Chyalai N-gun rawng ai dai Madu ngai nan shanhte hpe ari jaw ni ai majaw shanhte myit malai wa ai hte ngai hpe yin la nga masai.