EZEKELA 14:8 - Jinghpaw Common Language Bible 2009

⁸ Ngai nang hpe ninghkap na nngai. Ngai nang hpe kasi shatai kau na nngai. Ngai gaw nang hpe nye a amyu masha ni a hpawng kaw nna shapraw kau na we ai; ngai gaw dai Madu rai nga nngai hpe nanhte chye lu na rai myit dai.

Jinghpaw Hanson Version Bible

⁸ ngai dai wa hpe hkap daw nna, mauhpa shara, kumla hte ga malai shatai let, nye a amyu masha ni hta na shi hpe shapraw kau nna, ngai Yehowa rai nga ai hpe, nanhte chye lu na marin dai.

EZEKELA 14:8 ပူးပေါင်းရင်းမြစ်များ

SHAKAWN KUNGDAWN 34:16

Rai ti mung, n hkru n shawp ai amu galaw ai ni hpe shi hkum shingdang nga ai; shing rai, shanhte si wa ai shaloi, shanhte gaw alawan sha, malap kau ai hkrum nga ma ai.

SHAKAWN KUNGDAWN 34:17

Ding hpring ai ni Madu hpe shaga yang shi madat ya nna; shi gaw shanhte a ru yak tsin-yam yawng hta na, shanhte hpe mawai la nga ai.

SHAKAWN KUNGDAWN 37:22

Madu kaw na shaman ai chyeju lu la ai ni gaw lamu ga hpe madu lu na mara ai; rai ti mung, shi kaw na dagam dala hkrum ai ni chyawm gaw gawt shapraw kau ai hkrum na mara ai.

ESAIA 65:15

Lata la hkrum sai nye a amyu masha ni gaw na a mying hpe dagam dala ga hku lang wa na mara ai. Tsaw Htum ai dai Madu ngai gaw nang hpe sat kau na nngai. Rai ti mung ngai gaw nye a ga madat mara ai ni hpe mying nnan jaw na nngai.

YEREMIA 21:10

Ngai gaw ndai mare hpe n shangam da na matu nye a myit hpe daw dan ni ai; ndai mare hpe jahten shabyak kau na we ai. Dai mare gaw Babelon Hkawhkam a lata de ap kau ai hkrum na ra ai; shi gaw dai hpe ga du hkra nat kau na ra ai. Dai Madu ngai nan tsun ni ai.”

YEREMIA 24:9

Mungkan ga na masha amyu baw ni yawng hkrit gari mat hkra, dai zawn re ai tsin-yam tsindam shanhte a ntsa e ngai shapraw na we ai. Ngai shanhte hpe shabra kau ai shara shagu hkan e, mung masha ni gaw shanhte hpe mani asawng ai, shatu asan ai, jahpoi jahpyak ai hte shanhte a amying mung dagam dala ga tsun hkrum na mara ai.

YEREMIA 29:22

Yerusalem kaw nna Babelon mung de woi la hkrum ai bawng dung amyu masha ni gaw marai langai ngai hpe dagam dala ga tsun mayu ai shaloi, shanhte gaw, ‘Babelon hkawhkam wa e jahkrung ju kau hkrum ai Zedekia hte Ahab yan zawn dai Madu gaw nang hpe shatai u ga!,’ nga nna tsun na mara ai.

YEREMIA 44:11

Dai rai nna, Chyahtum Chyalai N-gun Rawng ai dai Madu Israela a Karai Kasang ngai gaw nanhte hpe kayin ninghkap nna Yuda amyu ting hpe jahten kau na nngai.

EZEKELA 13:23

Dai rai nna, ya chyawm gaw nanhte a n teng n man ai shingran ni hte lam woi shadam ai myihtoi htoi ai ga ni gaw lai mat wa sai. Ngai gaw nye a amyu masha ni hpe nanhte madu la mayu ai hpung dagu kata kaw nna hkye mawai da ni ai. Dai re ai majaw ngai nan dai Madu rai nga nngai hpe nanhte chye lu na marin dai.”

EZEKELA 15:7

shanhte hpe ari jaw na we ai. Shanhte gaw wan mang mi kaw na lawt lu ti mung, wan mang mi gaw shanhte hpe hkru kau na ra ai. Ngai shanhte hpe ari jaw ai shaloi, ngai nan dai Madu rai nga nngai hpe nanhte chye lu na rai myit dai.

EZEKELA 5:15

“Ngai gaw nang hpe pawt sindawng nna masin kahtet ai hte ari jaw ai shaloi, na a grup yin na masha amyu baw ni yawng gaw hkrit kajawng na mara ai. Shanhte gaw nang hpe yu matsat ai hte asawng asang di kau na mara ai.

EZEKELA 6:7

Amyu masha ni gaw shara shagu hkan sat kau hkrum na mara ai, ngai nan dai Madu rai nga nngai hpe naw ngam nga ai ni yin la na mara ai.

JAW JAU 17:10

Israela masha kadai rai ti mung, shanhte kaw nga nang ai masha ni kadai rai ti mung, asai hte ashan hpe kayau sha ai rai yang dai Madu gaw shi hpe ate nna shi a amyu masha ni hta na sumri dan kau na rai wu ai.

JAW JAU 22:3

Na a amyu matu hta na hkinjawng wa n san n seng ai rai yang, nye a matu Israela amyu masha ni nawng ya ai dai chyoi pra ai hkungga arai ni de kahtep sa lu na n rai; tawn hkungri hta galoi mung daw jau lu na n rai ndai. Dai gaw prat mi hte prat mi agalaw nga na amu rai nga ai. Ngai gaw dai Madu rai nga nngai.

JAW JAU 26:17

Ngai gaw nanhte hpe myi man kayin kau da na made ai, shaloi nanhte sum mat na marin dai. Nanhte hpe n dawng n yawt ai ni mahtang nanhte a ntsa e up na mara ai; nanhte hpe kadai n hkan shachyut ti mung hprawng nna grai hkrit gari mat na rai myit dai.

BU HKAWM 16:38

Dai ni hpe dai Madu a tawn hkungri hta nawng jau ai majaw chyoi pra ai arai ni tai wa nga ai. Dai rai nna shanhte shut kau ai yubak mara a majaw sat kau hkrum ai ndai masha ni a wan ban ni hpe la nhtawm hpa ai ban pa adup la let tawn hkungri a matu magap galaw na rai nga ai. Dai gaw Israela amyu masha ni hpe sadi jaw ai lam tai na rai nga ai,” ngu nna tsun wu ai.

BU HKAWM 19:20

N san n seng ai wa kadai mung jasan jaseng na matu hka n shin wu ai majaw shi hkum hpe n jasan ai hte n san n seng naw rai nga ai. Shi gaw Madu a Sum hpe awu asin di ai majaw Karai Kasang a amyu masha hta na sumri dan kau ai hkrum na rai wu ai.

BU HKAWM 26:10

Shan gaw Kora hte shi a hpang hkan nang ai ni masha 250 hte hpe wan hte hkru kau ai shaloi aga gaw ga mahka wa nna Kora hte rau mayu kau hkrum ai hte dai ni hta si lawm ai yan mung rai nga ai. Shan gaw amyu masha ni a matu shadum jahprang la na kasi kumla langai tai wa masai.

ROMA 11:22

Ndai kaw Karai Kasang gaw gade daram matsan dum lama chye ai hte gade daram laja lana ari jaw chye ai wa re ai hpe anhte mu lu ga ai. Shi gaw yubak mara galaw ai ni hpe laja lana ari jaw nga ai rai ti mung nanhte gaw shi a matsan dum lama ai lam hpe hkam la ai lam hta matut nna ging dan hkra hkawm sa ai rai yang, shi gaw nanhte hpe matsan dum lama nga na ra ai. Rai ti mung nanhte mung shi a matsan dum lama ai hpe hkam la ging ai ni n tai myit yang gaw nanhte mung, gyi kau ai hkrum na marin dai.

1 KORINHTU 10:11

Ndai lam ni mahkra shanhte hta byin wa ai gaw, kaga masha ni a matu shari tai na matu rai nna, anhte hpe shadum shahprang sadi jaw na matu ka da nga ai. Hpa majaw nga yang, anhte gaw mungkan aprat htum na ni wa ai ten hta sa pra ang ai ni rai nga ga ai.

TARA JAHPRANG 28:37

Dai Madu nanhte hpe shabra kau dat ai mungdan hkan nanhte hta byin hkrum hkra ai lam ni a majaw masha amyu ni yu mau nhtawm mani asawng ai hte ashu kau na mara ai.

TARA JAHPRANG 28:46

Dai gaw nanhte a ntsa e mung, nanhte a amyu matu mara ni a ntsa e mung, Karai Kasang a tara jeyang daw dan na prat dingsa na sakse kumla tai nga na ra ai.

TARA JAHPRANG 29:19

Ndai dagam ga hpe dai ni, ndai yang e na ai ni lam shagu shi hte mai kaja na re ngu shi nan myit hkawn da tim, myit ja ai hte shi a lam shi hkawm ai rai yang, dai gaw kaja ai rai ti mung, n kaja ai rai ti mung nanhte yawng hpe shamyit kau na wu ai.