EZEKELA 14:23 - Jinghpaw Common Language Bible 2009

²³ dai hpang, ngai galaw sai amu yawng mayawng hte gaw mai kaja lam a matu rai nga ai hpe nanhte chye lu na marin dai.” Tsaw Htum ai dai Madu tsun nu ai.

Jinghpaw Hanson Version Bible

²³ Shanhte a arawn alai hte htung hking hpe mu myit yang, nanhte shalan shabran ai lu la nna, ngai dai mare hta e galaw ai amu mahkra hpe, mayu lata e n galaw nngai, nanhte chye lu na marin dai,’ nga nna Madu Yehowa tsun ai,” nga ai.

EZEKELA 14:23 ပူးပေါင်းရင်းမြစ်များ

NEHEMIA 9:33

Nang gaw teng man ai hku anhte hpe ari jaw nit dai; Anhte yubak mara galaw ga tim pyi, nang gaw sadi dung nga ndai.

YOBA 33:27

Masha shagu gaw shawa masha ni hpe, “Ngai shut kau ni ai. Ngai gaw jaw ai n galaw kau ni ai, rai ti mung Karai Kasang gaw ngai hpe ngam da nga ai.

GA SHAGAWP 26:2

Dagam dala ga ni gaw nang dai hpe gingdan ai sha n rai yang, nang hpe n hkra lu nga ai. Dai gaw galoi mung n dung ai sha pyen hkawm ai ntsa malen u ni zawn rai ma ai.

EZEKELA 15:1

Dai Madu gaw ngai hpe ga shaga wu ai.

EZEKELA 16:54

Nang gaw nang hkum nan kaya kahpa hkrum na rin dai; na a myi man sum ai kaya kahpa amu gaw na a kanau kana ni hpe shanhte kade wa nga pyaw nga ma ai hpe madun na ra ai.

EZEKELA 31:16

Ngai gaw dai hpe Katsan ga de shayu kau dat ai shaloi, de a sum kadawng mat ai a wu kadu ai nsen gaw amyu masha ni yawng hpe gari ashun shangun na ra ai. Eden sun e tu ai hpun ni yawng hte mungkan ga a lawu tsang de yu mat wa sai dai hka hkru hkra lu lu ai Lebanon a hpun ni mung dai hkrat sum ai amu hta awng sharawng nga na mara ai.

EZEKELA 7:27

Hkawhkam wa gaw sharung shayawt na ra ai; hkawhkam kasha ni gaw myit mada shara n nga ai hte mak mat na mara ai; amyu masha ni gaw hkrit gari mat na mara ai. Nang galaw lai wa sai amu yawng mayawng a matu ngai nang hpe ari jaw na nngai, shaloi nang gaw masha ni hpe tara daw dan ai zawn, ngai mung dai hte maren, nang hpe tara daw dan na nngai. Dai gaw dai Madu ngai nan rai nga nngai hpe madun dan na ra ai.”

Daniela 9:14

O Madu anhte a Karai Kasang e, anhte gaw na a ga n madat ga tim, jaw ai amu hpe nang tut nawng galaw nga ndai majaw, anhte hpe ari jaw na matu nang hkyen da ai hte maren, ari jaw nga ndai.

Daniela 9:7

Madu e, nang gaw jaw ai amu hpe tut nawng galaw nga ndai; rai ti mung, anhte chyawm gaw anhte a hkum ni hpe nan tut nawng myi man jasum kau nga saga ai. Shanhte gaw nang hta sadi n dung nga ma ai majaw, ni, tsan ai mungdan ni de shabra kau hkrum nga ai Yuda mung hte Yerusalem mare hkan shanu nga ai anhte yawng hte Israela masha ni yawng hta ndai lam teng sha byin nga ai.

JAW JAU 26:40

“Rai ti mung, nanhte a amyu matu ni gaw shanhte a yubak hte shanhte a kaji kawa ni a yubak mara ngu ai ngai hpe ninghkap ai hte gumlang ai,

JAW JAU 26:41

ngai hte nhtan shai shangun sai majaw shanhte a gumlau hpyen ni a mung de sa kau dat ai hpe shanhte yin la na mara ai. Hpang jahtum e, nanhte a amyu matu ni shagrit shanem ai hte shanhte a yubak mara hte gumlau ai amu a ari hpe hkam la ai shaloi,

ROMA 2:5

Rai ti mung nang gaw myit ja ai hte myit malai n lu ndai majaw, Karai Kasang a pawt bu nga ai hpe ding man ai hku tara dara ai lam dan pru ai nhtoi e nang gaw grau nna kaba ai ari hkrum lu na rin dai.

TARA JAHPRANG 8:2

Nanhte hpe chyam yu na nga, yak hkak jam jau lam ni hpe dat dat nna shi a hkang da ai ga ni hpe hkan sa madat mara let hkan galaw mayu ai myit rawng n rawng chye lu hkra nga, lai mat wa sai mali shi ning tup dai Madu nanhte a Karai Kasang kaning rai woi hkawm ai nam mali lam galu hpe myit dum nga mu.

SHINGRAN 15:4

Madu e, nang hpe n hkrit hkungga ai kadai wa nga lu na rai ta? Nang galu kaba nga ai hpe n yin la ai kadai nga lu na rai ta? Nang chyu sha chyoi pra nga ndai; nang galaw ai amu ni ding hpring nga ai lam yawng mu lu ma ai majaw, masha amyu baw shagu ni, na a man e, sa nawku na mara ai law!,” nga nna tsun ma ai.

SHINGRAN 16:6

Shanhte gaw Karai Kasang a masha ni hte myihtoi ni a asai hkaw kau ma ai majaw, nang shanhte hpe asai bai lu shangun mu ai. Dai gaw shanhte hta hkrum ging ai hpe hkrum sha ai lam rai nga ai,” nga nna tsun ai hpe ngai na nngai.