EZEKELA 14:19 - Jinghpaw Common Language Bible 2009

¹⁹ “Ngai gaw ndai mungdan a ntsa e ana zinli jahkrat dat nna nye a sindawng kahtet ai hta asak law law jasum kau nhtawm masha hpe mung, yam nga ni hpe mung sat kau ai rai yang,

Jinghpaw Hanson Version Bible

¹⁹ “Bai ngai gaw ndai mungdan hta e ana zinli shangun dat nna, masha hte yamnga n nga lu hkra, nye pawt sindawng ai sai, de a ntsa e ru dat yang;

EZEKELA 14:19 ပူးပေါင်းရင်းမြစ်များ

EZEKELA 38:22

Ngai mung shi hpe ana zinli hte mung, sat kau ai hte mung ari jaw na nngai. Shi a ntsa e mung, shi a hpyen luksuk hte shi a maga de tsap nang ai masha amyu baw law law ni a ntsa e mung, sin hte marang kaba, wan hte kan hpe rau sha ru jaw jahtu na nngai.

EZEKELA 7:8

“Kade mi n na yang, nang gaw nye a sindawng kahtet ai n-gun yawng hpe hkam sha na rai ndai. Nang galaw lai wa sai amu a matu ngai nang hpe tara jeyang nga nngai; nang galaw dan lai wa sai matsat shabat arawn alai yawng a matu ngai nang hpe bai htang jaw na nngai.

EZEKELA 5:12

Na a amyu masha ni htam masum kaw na htam mi gaw ndai mare kata hta machyi makaw hte kawsi kyet ai hta si htum mat na mara ai. Htam mi gaw mare shinggan de kahtam sat kau hkrum na mara ai; jahtum na htam mi gaw nbung bung ai de shapoi kau dat nna shanhte hpe nhtu hte hkan shachyut na nngai.

YEREMIA 14:12

Shanhte lusha gam tim pyi, ngai gaw karum la na matu shanhte a hpyi jahtau ai nsen hpe madat ya na n rai; shanhte gaw ngai hpe wan nat hkungga hte lusha hkungga ni hpe nawng jau yang pyi gaw, dai ni hta ngai awng sharawng nga na nngai n rai. Shing rai na malai, ngai gaw shanhte hpe majan, kawsi hpang gara ai hte ana zinli ni hte sat kau na we ai,” ngu nna tsun ai.

2 SAMUELA 24:15

Dai rai nna dai Madu gaw dai jahpawt kaw nna shi masat da ai aten du hkra, Israela a ntsa e ana zinli kaba dat dat wu ai. Dai majaw mungdan jahtum shara mi kaw nna maga mi de du hkra na Israela masha mun sanit si mat ma ai.

MAHTE 24:7

Masha amyu mi hte amyu mi, mung mi hte mung mi, shada da majan byin na mara ai.

AMO LAIKA (AMOS) 4:10

“Egutu mung hta ngai dat dat ai ana zinli hte bung ai palik ana zinli hpe nanhte a ntsa de mung ngai shangun dat ni ai. Nanhte a shabrang ni hpe majan pa hta, ngai sat kau ya ni ai; nanhte a gumra ni hpe mung ngai la kau ya ni ai. Nanhte a dap hta si mang ni a manam hkying ai hte nanhte a ladi ni hta ngai jahpring ya ni ai. Shing rai tim, nanhte ngai kaw nhtang wa myit dai n rai.

EZEKELA 36:18

Shanhte gaw dai mung hta masha sat ai amu ni shut hpyit kau ma ai majaw mung, hpara sumla ni hte dai hpe awu asin di kau mu ai majaw mung, ngai gaw nye a sindawng kahtet ai n-gun shanhte hpe chyim shangun ni ai.

YEREMIA 24:10

Shanhte hte shanhte a kaji kawa ni hpe ngai jaw da sai mungdan hta shanhte hta na langai mi mung n ngam mat hkra shanhte hpang de hpyen majan, kawsi hpang gara ai hte ana zinli ni shabyin dat na nngai,” ngu nna tsun ai.

YEREMIA 21:9

Ndai mare hta nga ai kadai rai ti mung majan, kawsi hpang gara hte ana zinli ni hte sat kau hkrum na mara ai. Rai ti mung, ya mare hpe htim gasat nga ai Babelon masha ni hpang de sa shang mat wa ai ni chyawm gaw sat kau hkrum na mara ai n rai; shanhte a asak sha gaw lawt lu na mara ai.

YEREMIA 21:6

Ndai mare hta shanu nga ai masha hkum shagu hpe ngai sat kau na we ai. Mare masha ni hte dusat yam nga ni mung hkrit hpa ana zinli hte si mat na mara ai.

ESAIA 37:36

Dai Madu a lamu kasa langai gaw Asuri ni nga ai dap de sa nna hpyenla 185,000 hte hpe sat kau wu ai. Hpang shani jahpawt jau jau aten hta, shanhte yawng gaw dai shara e si taw nga ma ai.

SHAKAWN KUNGDAWN 91:6

nsin e byin ai ana zinli ni hpe rai tim, shani e, n hkru ai ni sat wa ti mung, dai ni hpe nang n hkrit ra nga ndai.

SHAKAWN KUNGDAWN 91:3

Shi gaw n mu lu ai hkrithpa tsin-yam yawng hte hte, si shangun lu ai ana ahkya ni yawng kaw nna; nang hpe shim hkra makawp maga la na ra ai.

2 HKAWHKAM LABAU 20:9

Shanhte hpe hpyen majan, ana zinli hte hkuwa wa shangun ai hku ari jaw let ru yak shoihpa jahkrum yang, ndai nang hpe nawku ai Nawku Htingnu a man de shanhte sa tsap let shanhte a tsin-yam tsindam hkrum sha ai hta nang kaw akyu hpyi ma ai shaloi, shanhte a akyu hpyi ga hpe na ya nna shanhte hpe hkye mawai la na rai nga ndai.

2 HKAWHKAM LABAU 7:13

Marang n htu shangun ai mung, nsi naisi ni hpe sha shaza kau na matu dinggam-yaw ni hpe shangun dat ai hte nye a amyu masha ni a ntsa e ana zinli shangun dat ai aten shagu hta,

2 HKAWHKAM LABAU 6:28

“Dai mungdan hta hkuwa wa ai, ana zinli, kahtet kang ai nbung hte dinggam-yaw a majaw hten za mat ai nsi naisi, na a amyu masha gumlau hpyen ni e htim gasat hkrum ai, ana ahkya hte machyi makaw shanhte hta hkrum sha wa ai shaloi,

1 HKAWHKAM 8:37

“Dai mungdan hta hkuwa wa ai, ana zinli, kahtet kang ai nbung a majaw hten za mat ai nsi naisi, dinggam-yaw prang hkawm ai, na a amyu masha ni gumlau hpyen ni e htim gasat hkrum ai,

2 SAMUELA 24:13

Gad gaw shi kaw sa nna dai Madu kaning nga tsun sai lam shi hpe tsun dan let, “Hpa hpe mahtang nang lata la na wu ni? Na a mungdan hta masum ning hku hku na, shing n rai shata masum na a gumlau hpyen ni a lata kaw na hprawng hkawm na, shing n rai na a mungdan hta masum ya tup ana zinli kaba dat dat ya na ra ndai kun? Ya chyawm gaw dai Madu hpe kaning re ai mahtai la wa ya na lam, myit aru yu let, ngai hpe tsun dan e,” ngu nna hpyi tsun wu ai.

BU HKAWM 14:12

Ngai gaw shanhte hpang de ana zinli dat dat nna shamyit kau na mawe ai; rai ti mung nang hpe chyawm gaw shanhte hta grau kaba nna n-gun hte hpring ai amyu a kawa ngai shatai na we ai,” ngu nna tsun wu ai.

ESAIA 34:3

Shanhte a moi mang ni hpe lup makoi lu na n rai, rai ti mung dai yang e yat ai hte manam hkying taw nga na mara ai; bum ni gaw asai hte hkyeng mat na ra ai.

EZEKELA 14:18

dai marai masum gaw dai yang e nga nga ma ti mung, Tsaw Htum ai Madu ngai nan ahkrung nga ai Karai Kasang rai nga nngai, dai majaw, shanhte gaw shanhte a kashu kasha ni hpe pyi mawai la lu na ma ai n rai, rai ti mung, shanhte a asak ni hpe chyu sha mawai la lu na ma ai.

EZEKELA 14:20

dai shara hta Noa, Daniela hte Yoba ni nga nga tim pyi, Tsaw Htum ai dai Madu ngai nan ahkrung nga ai Karai Kasang rai nga nngai, dai majaw, shanhte gaw shanhte a kashu kasha ni hpe pyi mawai la lu na ma ai n rai. Shanhte galaw ai mai kaja ai amu hte chyu sha tinang a asak hpe hkye mawai la lu na ma ai.”

EZEKELA 14:21

Ndai gaw Tsaw Htum ai dai Madu tsun ai mungga rai nga ai: “Ngai gaw Yerusalem mare ntsa e sawng dik ai ari mali ngu ai hpyen majan, kawsi kyet si ai hkuwa, matse labye dusat hte ana zinli ni hpe dat dat na nngai, dai gaw masha hpe mung, yam nga ni hpe mung jahtum kau na ra ai.

EZEKELA 21:31

Grung nga ai wan zawn na a ntsa e ngai ahpawt dat ai shaloi, nang gaw nye a sindawng kahtet ai hpe hkam sha na rai myit dai. Ngai gaw nang hpe gumshem nna jahten shabyak kung ai ni a lata hta ap kau na we ai.